سير علي..
متى الأيام تسمح لك.
أبي تقعد معي ساعه
عن أوجاعي بأسولف لك..
عن آهاتي.. عن الأشواق
عن همومي
وضيقة خاطري وحزني،
أبعرف كان جازت لك..
أبي فرصه تجيبك لي
تشوف وش صار بي بعدك
تناظرحالتي بعينك
بدون الناس توصف لك..
أبيك تشوف وش سويت
بخل يعشق ترابك
يحبك ماقوى فرقاك
يبيك وروحه ترخص لك..
تعال وناظر عيوني
سهرها إشلون جرحها
وخط الدمع وش سوى
على خدودي أنا لجلك..
وأبي تقرب بعد أكثر
أبي تعرف عذابك لي
إذا ناظرت في جسمي
وكيف ذبحتني بفعلك..
أبيك تحس ياقاسي
تشوف إخلاصي وآخرته
سبب ظلمك وهجرانك
حرام هالقسوه طابت لك..
أبي فرصه قبل أرحل
عن الدنيا وعن حبك
عساها تكفر ذنوبك
بعد ما شح بي وصلك..
بعد ما أسرفت في ظلمك
وقسوة قلبك وصدك
تخليت ونكرت الود
وهذا حالي يشهد لك..
حسافه روحي وأيامي
وكل آمالي وأشواقي
وذاك الحلم كنت أرجيه
يجمع شملي وشملك..
تفضل روح بأمان الله
قبل ماتنتهي الساعه
ولو روحي مشت وياك
فدى لو قاتلي مثلك..
الله الله
عليك كلمات جميله جدا
يا الغريب
اعجاب وتقيم وختم وتنبيهات
وهذا من ضمن تصميمي بتكون
ودي لك
|