جرب تشوف الدمعه بعيون غالي.. وإنت السبب اللي يبكي عيونه.. يهون من يدعيك ياضي عيني.. تحذفه من يومك وتنسى جنونه.. معقول هانت دمعتي في غيابك.. طرفٍ حضنك بشوق داخل جفونه.. قسوك عذالك وصديت عني.. ماتدري بغيابك جرحي وطعونه.. بكيت لين أبكيت حرفي ونبضي.. وداريت وجهي خوفي لا يلمحونه.. بعدك فضحني بين ونات وجروح.. ونيت من حبك وعهدك أصونه.. ضاقت بي الدنيا وبعدك تعنيت.. ودمعي شبيه الغيم هلت مزونه.. عصفورك المجروح في تالي الليل.. أمسى كسير ومغترب عن غصونه.. قسى علي الحال ياضي عيني.. وأنا أنتظر حرفٍ عسى ترسلونه.. ما جيت في بالك ولا أظن مريت.. ولاذكرت إشلون ليلي ولونه.. ياما حكيت وقلت ماأعيش دونك.. واليوم شوقي صرت مرتاح دونه.. اللي أرتوى بالحب يقعد مع الناس.. في زحمته عن خله مايمنعونه.. تسري بك الأشواق لي حيث ماكنت.. ونفسٍ بدون أشواق ماهي حنونه.. ياكثر ما جال الشقا داخل الجوف.. نفسي تراود خاطري في شجونه.. هذا أنا في غيبتك ياظنيني.. تايه خذو ضي البصر من عيونه..