منتديات قصايد ليل - عرض مشاركة واحدة

#1 06-07-2017

قالت سلام .. وقلت .. يامية أهلين
:
:
:
:

،،،،،،،،،،،،،،،،،،،،،،،،،، وهالشطر كنه صار مطلع قصيده !!!!

قلنا نكملها وبنشوف بعـــــــــدين

،،،،،،،،،،،،،،،،،،،،،،،،،، يمكنها تطلع قصــــــيده فريده

بدى الكلام .. وقالت : الحين يالشين : ....

،،،،،،،،،،،،،،،،،،،،،،،،،، كم لي وانا ارجي منك لحظه سعيده

قلت اصبري ابكتب البيت ذا .. زين

،،،،،،،،،،،،،،،،،،،،،،،،،، قالت يرشــــــدي ليـــش صاير بليده

قلت البليده ذي مؤنث .. وانا مــين ؟؟؟؟؟

،،،،،،،،،،،،،،،،،،،،،،،،،، قــالت بكــــــيفي ذي قواعد جديده

قلت : انتي ادرى .. بس عندي قوانين

،،،،،،،،،،،،،،،،،،،،،،،،،، الشــــــطر ذا بعـــــدين لازم أعــيده

قالت : تعيده ، ماتعيده . انا الحين

،،،،،،،،،،،،،،،،،،،،،،،،،، ابفهـــــــم انت شفيك قلبك حديده

قلت : الحديده .. كيف ؟ كيف ؟ شتقولين ؟؟؟

،،،،،،،،،،،،،،،،،،،،،،،،،، قالت اقول انطــمّ .. ( أحسن شديده )

قـــــلت اسمعي بالله هالبيت ... تكفين

،،،،،،،،،،،،،،،،،،،،،،،،،، قالت كرهت الشعـــر ماعــــــدت اريــده

قــــــلي يرشدي بيك كم لك من سنين ؟؟؟؟

،،،،،،،،،،،،،،،،،،،،،،،،،، وانت أتحـــفر .. ماطلعوووك بجريده

قــــلت :الصحــافه كلها تشكي الدين

،،،،،،،،،،،،،،،،،،،،،،،،،، لاجــــــاهم الشاعر .. يرزه رصيده

وانا عـــــــلى خبرك منتف ومسكين

،،،،،،،،،،،،،،،،،،،،،،،،،، شـــــــاعر عبيط وراس مالي قصيده