منتديات قصايد ليل - عرض مشاركة واحدة

06-05-2017

لين : كويس اجل ..

أم بكر تشرب عصيرها :أنا مدحت لها زينك واهتمامك واهي تشوقت لك , مو تجيبين العيد ...

لين بضحكه :أفا عليك يا الغالية , اعتمدي ..

أم هدى : متى تداوم اجل ..؟؟

أم بكر : بعون الله السبت ..

لين حست بالتفاؤل , أن وأخيرا بتشغل نفسها من بعد طلاقها , وبتفكير بأحد غير طليقها ياسر واهله ..!!

.
.
.
با أحدى المطاعم الراقية ..
على الأجواء الرومانسية ..

هاني: قلت لك نجيب العيال أحسن ..

ميثاء رفعت حاجبها: أكيد أنك أستخفيت , به أحد يروح لمطعم هو مع زوجته وبمطعم رومانسي بعد , ومعه عياله ؟

هاني: أي وش فيها , أحنا كلنا نأكل مع بعض , وصديقي سواها , شوفي عياله ماشاء الله ..

ميثاء تاففت: هالبدوي ذه أكل عقلك أكل , أي شيء يسويه أنت تسوي , ليكون تحبه وأنا مدري ؟

هاني: أكيد أحبه هو صديقي , ما انسى وقفاته معي , وبعدين أنتي لو شفتي عياله
ماشاء الله تقولين أن أعمارهم 30 وفوق , خصوصا عمر ونفسي يكون خالد زيه ..

ميثاء كشرت: لا إن شاء الله , ولدي بيصير أحسن وأفضل من هالقرويين ..

هاني باندفاع: ليه ماخذه عن البدو هالفكرة السطحية يا ميثاء , ولا أسمح لك ..

ميثاء ببرود: سمحت أو ما سمحت بالطقاق أللي يطق رأسك !

هاني حط الملعقة بالطاولة وبقهر: أنتي ليه أسلوبك كذا معي ؟ متى بتحسنينه يعني ..

ميثاء: يا هاني أنا لما طلبت أني أروح للمطعم غرضي أني أغير جو من أكلات البيت .. !

هاني با أبتسامه سخرية: ليه أنتي تعرفين تطبخين يعني ؟ مو هي أمي أللي لما تطبخ تجي لنا ما تقصر , ومرات أنا أللي أطبخ ..

ميثاء وهي تأكل: سد الموضوع رجاءا ..

هاني بقهر: طبعا بسده , لأنه مهوب عاجبك , الله يصلحك بس ..

ميثاء بادرته بالبرود وعدم الأنصات , رغبتها بتغير الجو , أو ربما هي تهمش بعض الأمور , رغم أهميتها لدى زوجها !!

.
.
.

دخل غرفته , أستغرب أنه مشاف منال العالم ..

معقولة تكون قامت من بدري , بيجوز .. !!

الغرفة وسخة , كما لو كان أعصار تسونامي , قد حل به , وكاد أن ساعتها ضاعت كالعادة , لأنها غير منظمة تقريبا .. !!

اليوم ما عنده دوام , نظامة شفتات , وله أيام بالأسابيع محددة يروح بيها ..

بعد ما أمر نانسي تسوي فطور , وبحول نصف ساعة يكون جاهز ..

أخذ دوش طويل بخلاصة اللافندر , أللي يعمل على تهدئة الأعصاب والأسترخاء التام ..

نشف جسمه وشعره , لبس قميص وكاعدته أنيق وجذاب ..

تعطر , ورجع شعره لورى ..

بعد عشرين دقيقة ..

نزل تحت , شاف أمه باس راسها .. وجلس يتبادل اطراف الحديث معها ..

إلا بجيه نانسي: بابا في جاهز فطور ..

قام مع أمه ..
وبنصف فطورهم ..

مدت له الورقة , وهو مستغرب وبتريقه: شفتي يا أم فواز , به معجبين يراسلوني من أندونيسيا ..

أم فواز: ههههههههه ..

نانسي: هادا رسالة من مدام منال ..

فواز يدعي الذهول: أووه , وأنا سنين أعلمها الذرابة وأحين قامت تكتب رسايل لي ..

أم فواز بخوف: هي ما ترسل رسائل إلا وبه مصايب مسويتها , أقرا وشوف محتواها ..

فواز قرأ الرسالة , وناظر با أمه وسكت .. !

أم فواز ويدها على قلبها: وش كاتبة ..؟

انتهى البارت |