ايـه انا اللي عشت /بالدنيا غريب
ما عرفت اللي أبي /وسط الزحام

يمگن اتغلــّـى / و لگن ما اغيب
يمگن اتشـرّه / و لگن باحترام

( ما هو اگبر هــم / ادوّر لي حبيب)
و الطموح ابعد / من احدود الغرام

و ان عشقت ..؟ / العشق و الله ما يعيب
دام لي مبدأ / و قيمه/ و اهتمام

شفني گيف ارمي يديني / " بالقليب "
ما لقيت الا الصدى / وسط الظلام

و الصدى ( جاوب ) / و انا ماقدر ( اجيب )
و ادري اني ( لو ابي جبت الغمام )

گل من حولي / على افعالي رقيب
و القرايب همــّـهم / بس الملام

خيـــّبوا فيهم /ظنون ٍ ما تخيب
لين حدّوني / على عيال الحرام

يحسبوني لا تردّا بي / نصيب
برمي احزاني / على قلوب الأناام

مندفن في وسط صدري / قلب ذيب
ما دِفنت الراس / يا روْس النعام

صرت اضـم ّ الجرح بعيوني / و اطيب
و اجمع همومي / على صدري .. و انام

يا قصيدي و انت لي / حسبة صحيب
تفزع لهمـّـي / اذا شح ّ .. الگلام

خلــّـگ لأوتار حزني / عندليب
دام بين الليل / و الصبح انسجام

لا تحط ّ اللوم /گله بالنصيب
و لا تخليني / على حد ّ ..انهزام

طبعي أغرب / و الغريب/ اني غريب .!!
ما عرفت اللي أبي /وسط الزحام