يرتاح قلبي يوم اشوفك تمرين
واحسب دقايق شوفتك لي سعاده


بعيد رحتي حيث رحتي تعودين
هـ /الليل مايبقى مخيم سواده


باين في شكلك من عيونك تحبين
تستاهلي الغالي وتاج السياده

زينك برى جسمي وسبب لي البين
ب /اصبر على امرك وقاسي جلاده


ياساكنه باقصى فؤادي من سنين
حبك معي سنه وفرض وشهاده

يظمأ الوله لاعز شوفك عن العين
ويعطش سؤالي من جفاف الافاده


قولي تحكي ماخبرتك تخافين
ليتك محلي واقهرك بالركاده


ربي خلق قبلك بناتٍ مزايين
واظن بعدك ماخلق في عباده


اسألك بالله لانويتي تنامين
مري خذي صدري لراسك وساده