يامن تذكرتني بعد الغياب الطويل .. تذكّرتْني السعادة , من تذكّرتني .. ليل ٍ بعث لهفتك ما هو مثل كل ليل .. طيّر لك الذكريات أسراب , واخترتني .. للموعد اللي ملا صدري رفيف وهديل .. وأرسلت عطرك قبل توصل وبشرتني بوجهك , الخالد , المتجدد , المستحيل .. وأبهرتني هو متي شفتك ولا أبهرتني .. ولا يليق بجمالك غير صفح ٍ جميل .. ما كنّك اللي بلوعة صدك أسهرتني .. عاهدني الدمع بدروب الهوى ما يسيل .. حتى عليك , وغدر لي يوم غادرتني .. وفيت لك والوفا لك لا تعده جميل .. سيّرت لك عقلي وقلبي وسيّرتني .. من بعد ما كان رايي للحيارى دليل .. جيت بتفاصيلك العذبة , وحيرتني .. وهذا أنا لو مقادير الليالي تعيل .. يعرفني الوقت وأحداثه لو أنكرتني .. فإن شفت وجهي حزين وشفت جسمي نحيل .. ما غيّرتني المقادير .. أنت غيّرتني .. شعر : مشعل الزعبي