السلام عليكم ورحمة الله وبركاته



جيت ادور فى الوجيه اسباب
جيت وانا سابقني حسن ظني

جيت اعاتب والعتب مل العتاب
جيت اشيل الهموم عنك وعني

وليت ما حسبت ليومي حساب
يوم جيت واقفيت من هواك كنى

ما كنت فى قلبك من الاحباب
وكني غريب وباح الهوى كني

مر العمر وظني القلوب اقراب
وضاع عمري بين امنيات وتمني

ما يرجع زمن ولا يعود من غاب
ولا يفرح قلبي وان ضحك سني

وكيف انسى الهوى والهوى غلاب
ونظرة عيونك كل حروف فني

اتخيلك واكتب بيت شعر خلاب
من يقراه يقول كاتبه جني

ما يكتبه بشر شايب ولا شباب
رسامٍ يرسم لوحتة بتأني

انا حرفي كتبته والهوى تاب
وفارقني الهوى وحرفي سكني


أتمني أن تحظى ببعض من إعجابكم

بقلمي: ياسر إبراهيم
(بكاء بلادموع)

حرف إحساسي قصيد فى مجمله
ماهمني" لونه"بحره" و تفاعيله

صحيح ان أجمل الاحساس اوله
وصحيح الحرف واصف تفاصيله

بعض القصيد وحي من دنيا الوله
وبعضه حرف ما تلقى للوله دليله

وانا قصيدي إحساس طيف وأخيله
بعضه غصه وبعضه قصه جميله


]
وبعض الحروف ما تلقى التكمله
وبعض الاحساس من حرفي اشيله

اه يالقصيد كل حروفك مشكله
وجرحك دوا للقلوب العليله

ياسر إبراهيم خليفه**بكاء بلادموع**