يا شوق يدفعني على شوفك أشواق
والقلب عندك يتلع الجيد ماسوق

أنا لشوفك طول الايام مشتاق
عليك لي واجب وعندي لك حقوق

واجبك تفرج ضيقة الصدر لى ضاق
وانا عليّ أرفعك بين الملا فوق

قلبي عليكم بين الاضلاع خفّاق
حلو الكرا من فقدكم حارب الموق

في ناظري غيرك من البيض ما لاق
ما شاقني غيرك من الناس مخلوق

للحب بعيون المحبين مصداق
النظره أبلغ فيه عن كل منطوق

حرام مامثلك مشى وسط الاسواق
بين العذارى كامل الزين والذوق

بيني وبينك ياهوى البال ميثاق
عهد الغلا مابين عاشق ومعشوق

القلب يميل لـ من يجتهد في احتضانـه
واستيعابـه ، واحتـواءه ، يميل لمن يصارع
العالـم لأجلـه ، من يشتاقه بلا سـبب
ويأتيـه بلا سـبب ، من يبقى بجواره للأبد