ويلي من إحساس الوله اللي توقد بالصدر
ويلي من أنفاس الحنين اللي تون بداخلي
جريتها برد وهجير بليل غدا طوله شهر
لاغبتي ياعذب اللمى بالحيل يتعب كاهلي
محتاج لك قلب غدا شايل من أشواقه جمر
يصرخ وسط جوفي وله ينشدني كنه عاذلي
أشتاق لك شوق الصحارى تسأل الغيمة مطر
إشتقت لحضورك مناي غيرك ترى ماطاب لي
أحتاج لك حاجة ضرير. يبيك لعيونه نظر
أضما لشوفك كثر ماقلبك بعد يشتاقلي
أناديك يا نور العيون وأوصفك ياوجه القمر
أدري أنا عشقي جنون وأدري ترى تستاهلي
لاعاده الله من غياب وأدري لك أسباب وعذر
ماجيت أعاتب للوفى معتاد منك تواصلي
قلبي خذاه الشوق لدروبك مع ليلة قمر
محتاج وصلك يا الغلا لا صار بعدك قاتلي.
,,
,,
,,,,الغريب,,,,