منتديات قصايد ليل - عرض مشاركة واحدة - إي والله انّي آخافك وآمنك وانّي

04-22-2017

اقتباس:

المشاركة الأصلية كتبت بواسطة فاتنـھَـہ

إي والله انّي آخافك وآمنك وانّي :
احبك .. من اول الدنيا الى آخرها ..

قل للزمن يبتعد لا يبعدك عنّي ،
وقل للمشاوير توقف لا نسافرها ..

وانقذني ارجوك من تخميني وظنّي ،
تعبت اصغّر وساويسي واكبرها ..

اجيك مرهق ومتضايق ومتعنّي ،
واروح ودموع عيني عنك ساترها ..

ودّي اعلمك بـ همومي ولكنّي :
اخاف اعلمك فيها .. ما تقدّرها ..

وانا حياوي وطبعي من صغر سني ،
افارق الناس .. قبل اجرح مشاعرها ..

آحس باحساس تعبّني وجننّي ،
ليت الاحاسيس تتصوّر واصورها ..

ودّي تشوف بعيونك كيف تحزنّي ،
فكرة : لو تصير ذكرى واتذكّرها ..

خذني على قد تفكيري وطمنّي ،
واحلف وكثّر من حلوفك وكررها ..

احتاجك تكون حاجه ضايعه منّي ،
ذخرتها لجل بـ انسى وين ذاخرها ؟

يمكنّي اخاف لا اخذها ويمكنّي :
ضيّعتها من يدي عشان ادورها !

لـ شاعرها محمد جار الله السهلي

تصميمي وحصري لقصايد ليل

كل الود

تحميل صوتية (هنا)

ماشاء الله عليك يافاتنه
فعلا فتنتي العين والمسامع بهذا العمل الراقي
حصري جميل
باسلوب انيق وخاص فيك انتي

قدمتي نموذج راقي في عالم الحصريات

ولك التالي:

500
مشاركه اطلبيها
تقييمي
اعجابي