منتديات قصايد ليل - عرض مشاركة واحدة

04-20-2017

احيان ندخل نقتحم عالم الناس
مدري طيابة قلب والا ميانه
ان رحبوا قلنا اهل ذوق واحساس
وان مانعوا كل امير بمكانه
الكل حر في مكانه ولا باس
لكن سكوت الناس في أي خانه ؟
المشكلة في الي غريب وحساس
ان حسته كلمه يهزه كيانه
هذا اذا ماشاف عزة ونوماس
يصبح جلوسه من قبيل الاهانه
واحد ولوانه بالاقدام ينداس
متعود مجلاس ذل ومهانه
اطباع بعض الناس والناس اجناس
كلام اقوله من قبيل الامانه

بوحي