من ضيم الأيام .. قلي وين ابـ القاك ودي اشوفك تبسم .. لجل أسامحك مدام حرفي طفل .. كيف اتهجاك وكيف انتهي ، من مضاويك ومسارحك لاتحسب إن الفراق .. يرتب أشياك ماهو بكيفي .. أفارق لجل افرحك على مشاعر خفوقي .. آآه مـ اقساك ياليتني قبل .. لافارقك ذابحك وقفت صمت .. وثوانيي تحراك ياحزن الأيام ، طافك موعد الضحك اقول باكر على الله .. اقدر انساك ويمر هـ اليوم .. يتركني لـ بارحك للشمس حزن الرحيل .. ولي شباك اشوف منه الفرح .. لما يصافحك جيتك خطاوي عطش .. تشفق على ماك واقفيت ضامي .. كـ آني كنت جارحك مستولي الحزن فيني .. يوم خلاك عجزت أكافح تفاصيله .. واكافحك خليتني للضنون .. وخيبة أخطاك ترسم على وجهي الشاحب ، ملامحك ! بـ اقول لا جابت الأيام .. ذكراك ! الله على كسرة الخاطر .. يسامحك !