7
سلام خطيـت انــا بحبـري××××كسرات من حــر مافينـي
زاد الالم وزاد بـي قهري××××يــالله عسى الهم يجفيني
مخاوي الهم مــن صغـري××××لين مالحزن صار يبكيني
ومحدٍ عن الحال بـي يدري××××اضحك ومخفي الالم فينـي
من زود صبري نفذ صبــري××××والصبر ماعاد يبغينــي
واللي هويته حفـر قبـري××××بعد الهنا صار مشقينـي
في خافقي كـاتـمٍ امـري××××ودموع عينـي تواسيـنـي
ولحل ليلـي يضيــق صدري××××سهران والخلق مغفينــي
ياصويحبي لك ابيــح سري××××عسـا بشورك تهـنـيـنـي
في ليلتي الهم بـي يسري××××واذكر حبيبٍ معـنـيـنـي
يــاللأسف ماعــرف قدري××××وانا عليه ماتنام عيني
والمشكله بانه بـي يدري××××وبعض البشر طبعهم شيني
من هو يبيع الهنا واشري××××هنـاه وابيعه مافينــي
ياناس قلبـــي غدا جمري××××وهموم صدري تجارينـــي
يالله عسى تـفك بـي أسـري××××وانسا وليــفٍ معنينــي
يــا للأسف انقضـى عمـري××××واثر المحبه بتفنينــي
|