راسي يبي لك برج ايفل.. تطوله
لاصرت فوق البرج لاقيت.. راسي
/
..
\
رعديد ظن اني بجيه ..بسهوله
واصابع اليد الخبيثه ..سواسي
/
..
\
عقلك رسملك في كلامي طفوله
وانّي ابشرب مع رداك..انتكاسي
/
..
\
يومك لقيت الطود رافض..نزوله
صاحي لفعلك ماغلبه..النعاسي
/
..
\
حرب الخنى والكذب عندك..بطوله
ظنّك عظيم وقوتك فوق..باسي
/
..
\
لو هي جلاميدك تحدّر.. عجوله
كلّي رقا ثابت جبالي..رواسي
/
..
\
لاتحسب اني بنت وهله..جفوله
أرعب انا دنيا نوت..بافتراسي
/
..
\
منهو يجاود طيب فيني..ينوله
أعطيه قدره واحترامه..أساسي
/
..
\
مترفّعه عن ذا الحثاله..جهوله
ماشاقني تمثيل تحت..الكراسي
/
..
\
متنمره صايل بي الجوع ..صوله
إحذر نفوري انصحك..باحتراسي
/
..
\
كبري عداني مايظنك..ميوله
مثلك صغير ٍ مايثيره..حماسي
/
..
\
كانه يجي بعد الطفوله..كهوله
شرواك يمكن عارف ٍ وش ..أساسي
/
..
\
يمكن بقالي بآخر الحرب..جوله
إحفظ كلامي كانك اليوم..ناسي
/
..
\
شوف الأنوثه لاكساها..رجوله
مليون مثلك مايجيبون..راسي





إأإعجبتنــي ونقلتــهآا
~يقولون غير البشر~