بـك ياغناتـي ماتخيـب الهـقـاوي
ماتخلف الهقـوات يـاذرب الأيمـان
أنشهـد انـك طيـر حـرٍ نــداوي
ماخاب ظنـي فيـك ياطيـر حـوران
للطيب منبـع منـت للطيـب هـاوي
والطيـب عسـرٍ ماتهيـأ لمـن كـان
في ناظـري مالـك حلـيٍ مسـاوي
في وسط عيني عالي القدر لك شـان
أنا أعتزي بك فـي نهـار العـزاوي
وأنا أفتخر بك بيـن حضـر وبـدوان
لا فـزن البيـض ورمـن الغطـاوي
وكلٍ تقـول الطيـب لفـلان وفـلان
رفعـت راسـي يـم نجـمٍ سمـاوي
وقلت الكرم والجود والطيـب عنـوان
للـي علـى ربعـه كريـم سخـاوي
(..........) ومن غيره . سلايل كحيلان
|