عديت باللي نابين من سماره
امعمردن مابالمراقيب طوله

عديت به كني امدور صقاره
والقلب من مابه تتله اتلوله

وهاج الضمير وبالمثايل مداره
وشـط الـبحر يـسبح بـعرضـه وطـوله

وقلبي كما وادي درج بنحشاره
ومن المطر قامت تزايد اسيوله

سيله يهل الطامنه والزباره
والمزن ركز واستلهت اثعوله

ويامسوي الفنجال كثر ابهاره
وخل العويدي يالسنافي كحوله

راعي الغنم والابل سوى عماره
ولاعاد تسمع دنة النجر حوله


من قصائد والدي الشاعر صالح عبدالله الرشيدي
المعروف بأسم (معينان)رحمه الله