لهجوس امهارها بيض" محاجل
واللحون اللي بصدري مشرهبه

والرسايل مالقت جنحان زاجل
لولقت جنحان زاجل ماتكبه

والعبايركايده بعيون راجل
لونها بعيون غيدا" مستحبه

حش قلبي حش معكوف المناجل
في يدين محشش" ماخاف ربه

غارق"عمري على شط النواجل
غارق"له في ثمانين الف غبه

والحنايا طيرها نزرن وواجل
والضلوع العوج ماهي مستتبه

ريضن مجهامنا والشوق عاجل
واهجاد البال من شوق" لعبه

ان تجافينا قلبناها مراجل
وان تصافينا قلبناها محبه

مساعدالرشيدي رحمه الله