طشوا الدنيا على كتفـي وراحـوا
اتركوا لي كل هالحمـل وجفونـي

الله يسامحهم اشلـون استباحـوا
دمع عيني , وارحلوا ما ودعونـي

كانوا الأكثر تعب بس استراحـوا
كانوا الأضيق مدى لين اسجنونـي

اضحكوا ما كنهم في يـوم ناحـوا
اعقلوا ما كنهـم ربـوا جنونـي

كثر ما طالعتهم بالوجـه شاحـوا
قد ما اتشبـث بذكراهـم نسونـي

كل ماهبت رياح الشـوق فاحـوا
وين مايممت وجهـي حاصرونـي

وان برق نسيانهم بالعيـن لاحـوا
غير عن شوفي بصورتهم ملوني !

ليتهم يوم ان دمعي طاح .. طاحوا
بس لو قلبي رضا عيَـت عيونـي

غافلوا قلبي مسا الفرقى وراحـوا
كل شي اخذوه لكـن مـا خذونـي

* *
**

عبدالله مدعج