احساس قلبي فى الهوى دوم صايب
واللي رهيف احساس بظن ماخاب
ضيعت نفسي في دروب الحبايب
حتى حروف البوح في خافقي ذااب
وينك حبيبي يانسيم السحايب
العام كنا احباب واليوم اغراب
جيتك وانا قلبي من الشوق ذايب
جيتك حروف وكن صدري لك اكتاب
طالب سماحك جيت مذنب وتايب
ابيك تفهم قصتي ويش الاسباب
جيتك طفل بداخله عمر شايب
في وجه قلبي ليه ؟ قفلتم الباب
واجهت في سكة لقنا مصايب
لـ خاطر اعيونك ورمشك والاهداب
جيتك نبع صافي بليّا شوائب
انا ونهر النيل والشوق غلاب
قلي حبيبي وين سارح و غايب
حجزت لك يا الحب ذهاب واياب
ياسر إبراهيم
(بكاء بلادموع)
حرف إحساسي قصيد فى مجمله
ماهمني" لونه"بحره" و تفاعيله
صحيح ان أجمل الاحساس اوله
وصحيح الحرف واصف تفاصيله
بعض القصيد وحي من دنيا الوله
وبعضه حرف ما تلقى للوله دليله
وانا قصيدي إحساس طيف وأخيله
بعضه غصه وبعضه قصه جميله
]
وبعض الحروف ما تلقى التكمله
وبعض الاحساس من حرفي اشيله
اه يالقصيد كل حروفك مشكله
وجرحك دوا للقلوب العليله
ياسر إبراهيم خليفه**بكاء بلادموع**
