[poem=font="simplified arabic,5,,normal,normal" bkcolor="transparent" bkimage="http://www.gsaidlil.com/vb/images/toolbox/backgrounds/15.gif" border="none,4," type=1 line=0 align=center use=ex num="0,black"]
شفتها يا نواف صدفـه بعد ما غابت عني سنين=
عند قسم المختبر وسط مشفى الجامعـه



جيتها ثم قلت ممكن في سؤالي تسمحين=
ناظرت فيني بدهشة نظرة متواضعـه



قالت أنت تحسبني من بنات صايعين=
تحسبني في زماني عن طريقي ضايعـه



قلت أنا ما راح اطول كل ابوها كلمتين=
وأبعدت عني شويـه ثم جتني راجعـه



قالت أسال واضح أنك من رجال طيبين=
بس هرجك يالسنافي كان وشهو دافعـه !



قلت أنا حبيت وحدهـه يوم كنا صغيرين=
ومن ثمان إسنين راحت للمواصل قاطعـه



عقبها ما ذقت نوم يهتني به النايمين=
ساهر في طول ليلي لين شمسي طالعـه



اذكر أنـه فيـه حبـه فوق ثغرهـه من يمين=
واذكر أنـه لا جرينا كان شعرهـه تابعـه



واذكر أنـه عاشق فالورد الياسمين=
صار قلبي بالورود اللي عشقها زارعـه



طابع أسمـهـآ بقلبي فيـه سين وفيـه عين=
وفيـه ألف وفيـه دال وسط قلبي طابعه



قاطعتني بقولها سبحان رب العالمين=
كررتها مره ومرتين ورابعـه



قلت وشفيك وشبلاك يا بنيـه ترجفين=
ليش عينك يابنيـه من كلامي دامعـه



قالت الموقف وقلبي والمحبة والحنين=
كيف أشوفك بعد ما كنت عنك قانعـه



قلت أنا بسألك أن كأنك أنتي تذكرين=
عن مواثيق ثمنها من حياتي دافعـه



قالت ظروف الزمان ما تطيع العاشقين=
بيعوني غصب حبك لو هو ماني بايعـه



أنا في دنياي حالي كنها حال السجين=
حتى لو فكوا سراجـه فية شي مانعـه


زوجوني غصب واحد وحرموني حاجتين=
السعادة في زماني والحياة الرائعـه



والحين أنا اأم لثلاثـه عندي ريم وياسمين=
والولد أسمـه على اسمك والمشاعر جائعـه[/poem]

الموضوع الأصلي : شفتها يانواف صدفه بعد ماغابت عني سنين || الكاتب : السلطان || المصدر : منتديات قصايد ليل