احسن بك النيه

أحسن بك النية وتفتح علي أبواب
باب النكد يا عجل ما تفتح أبوابه
إن جيت أبين لك على رغبتي بأسباب
أخطيت في تقدير ظني مع أسبابه

خليتني أخشاك ما كننا أحباب
متعوس قلب ٍ ما توفق مع أحبابه
وإليا بغيت أطلب حسبت ألف وألف حساب
يرضيك من حبك معك يسقط حسابه

إن قلت لك مرتاح والله أنا كذاب
وإن كان روحي سرها البعد كذابه
الشوق يدني ربع من طولوا غيّاب
والشوق يذبح لي تباطوه غيّابه

أقولها لك والنفس تحفظ لك الترحاب
يسودها فكر ٍ عطاك كل ترحابه
إني بحبك سيد الحب ولا ترتاب
أسكنك يا حب ٍ هجد نفس مرتابه



كلمات: مخاوي الليل
ألحان: خالد عبدالرحمن