انا وفرحـي والمواجـع والاسبـاب
وعروقي اللي لوّحت وسـط ريفـه
.
.
ســــــــــــــــؤال
.
.
هو للغـلا نـار وجنـه ومحـراب
؟هو للغلا ذمـه وقصـه عفيفـه ؟
.
.
ينساق عذر وينكسر عظم الاسبـاب
ولاتنجـرح نظـرة عيونـن كفيفـه
.
.
جيتك بقايـا لـو تجمعـت بكتـاب
تقرأ فهارس مـن خفوقـي نزيفـه
.
.
اشره عليك بضحكةٍ بين الأصحـاب
وتشره عليه بكلمـةٍ جـت كسيفـه
.
.
اغيب وابعد كلمـا جيـت مرتـاب
(وارجع واقرب) في حياتي ضعيفـه
.
.
(ماهو جفا لا..لا ) ولا قطعت ارقاب
لا يابعـد كـل الغصـون الرفيفـه
.
.
مافيه خيمه ترتفـع قبـل الاطنـاب
ولافيه دولـة تمشـي ابـلا خليفـه
.
.
بكيفي وانا عندي مفاتيـح الابـواب
وكلٍ على مـا قيـل يمشـي بكيفـه
.
.
واللي يعاتبني علـى قفلـت البـاب
بكـره يعـرف ان النوايـا شريفـه
..
...
|