[poem=font="Simplified Arabic,5,,normal,normal" bkcolor="transparent" bkimage="http://www.gsaidlil.com/vb/images/toolbox/backgrounds/18.gif" border="ridge,4," type=0 line=0 align=center use=ex num="0,black"]
استأذنك .. بسافـر ايـام .. وآجيـك=
وان طالت ايّـام السفـر .. لاتحاتـي

حتى ولو طوّلـت .. مانـي بناسيـك=
ياللي بدونك .. ويش تسـوي حياتـي؟

تامر على حاجه .. بودّعك واليـك=
عسى عوّض الايام .. في المقبلاتـي

حتى يدي .. ماودّهـا تفـارق يديـك=
ساكت .. وانا اشوف البلا في سكاتـي

ماشفتني لارحت منك .. التفت فيك=
بـلاي والله (( روحتـي والتفاتـي))

لكن قبـل مـاروح .. ودي اوصيـك=
وانت الوحيـد اللـي يقـدّر وصاتي

لاحدٍ سالك .. وقالك ((وين مغليك))=
قلـه: "لـوازم لاقضـاهـا بيـاتـي"

وان طروا النسيان .. مانـي بناسيـك=
ياراس مالي في الحيـاه .. وغناتـي

وان طروا السلوان .. مانـي بساليـك=
طيفك معي حتى وانـا فـي صلاتـي

قلبي .. وهو قلبـي اذا مـرّ طاريـك=
لولا ضلوعي .. كان عـزوّ مماتي

لو جض صدري .. كان يمديهiياتيـك=
ويبـات عنـدك .. ويهنـى بالمباتـي

انا .. وقلبي .. والغلا .. ساكنٍ فيك=
وانته .. وقلبك .. والغلا .. وسط ذاتي

غلاك .. مثل الحكـم عنـد المماليـك=
اكبر طموحي .. لا .. كـل امنياتـي

شف في غيابـي ايّ حاجـه تسليـك=
لاني بعدك .. اسلى مع (( ذكرياتي))

احـاول اذكـر .. اي شـيٍ يطريـك=
"واقول هو سوا .. وانا ذي سواتـي"

كني مـوادع .. كـل شـيٍ حواليـك=
وكني حسبت حساب ((حزة وفاتـي))

احب .. لاني مقدر انساك .. وآبيـك=
ولا اقـدر اخليـك .. ياللـي تحاتـي

معنى احب .. وماقدر انسى واخليـك=
يعني بدونك ويـش تسـوا حياتي !
[/poem]
منقول

الموضوع الأصلي : يعني بدونك ويش تسوى حياتي || الكاتب : السلطان || المصدر : منتديات قصايد ليل