السلام عليكم

قصيده اخرى من تاليفي واتمنا انها تنال اعجاب من يقراها

مدخل

بعض المواقف تظهر العِدَا والاصحاب
تصبح كنك فــ حرب يا مذبوح ياذابـح

يبقون الاذناب اذناب والاشناب اشناب
وتعرف من ينقذك لا غرقت يــ السَّابــح

:::::::::::::::::::::::::::::::::::::::::::
راحت سنين العمر فراغ وفضاوه
ادري كم راح لكن مدري كم باقي

والوقت يركض ماهو يمشي بالهَدَاوَه
كن عقارب الساعه في ساحة سباقي

لحظه تبيها تبطي من زود الغلاوه
تمر اسرع من رصاصه بعد الاطلاقي

في مزيج ٍ من المراره والحلاوه
ومابين البروده واللاَّهب الحَرَّاقي

تجي ساعة شدّه تجي ساعة رَخَاوَه
تجي ساعة توفيق تجي ساعة اخفاقي

تجي ساعة خُوَّه تجي ساعة عداوه
تجي ساعة فرقا تجي ساعة تلاقي

وأنا عايش بين اللِّين وبين القسَاوَه
طَيَّرني الاعصار واغرَقني فالاَعماقي

ما للشِّقِي ياغير الشّقَا والشّقَاوه
ياحياة الشقا يعين الله الشَّاقي

قوة التركيز احيانًا تقلب فهَـــــــــــاوه
من ما يسبب في خيبة هقوة الهاقي

تشويش الرٌّؤيَه بعد علوّ الصّفَاوَه
يصَعّب رسم الخطه ويلخبط اوراقي

ويسَهّل الغش في البيع وفالشّرَاوَه
ويتساوا التقليد والاصلي فالأسواقي

ينعدم تمييز الذياب من الجراوه
ويتمّ بين البُوم والصّقر اتفاقي

وتكثر المصايب من امراض الغباوه
ويزيد التصادم ولا يفيد الارباقي

كوابيس نيام تروح ان فَزَّوا صَحَاوَه
مثل م َيروح الظلام وقت الاشراقي

ماهو مستحيل ٍ نبصر بعد العَمَاوَه
من يدور شي ل يعُود إلا وهو لاقي

ربحك والخساره ماهي بفقر وغناوه
اهم شي م تحَدّر بعد ما كنت راقي

ابرَك من غني فقير ابدَع بالتّلاَوَه
يوم الغني صايبه انحِطَاط الاخلاقي

كلٍّ يشوف انه في القمَّه والعَلاَوَه
ومهما تعتلي يبقى فوقك الخَلاَّقي

مهما تملِك من الذَّكَا ومن الدَّهَاوَه
منت قادر تعرف من العمر كم باقي

::::::::::::::::::::::::::::::::::::::::

وش على الذيابه من منابَح الكلاب
خل ّ الكلب ينبح ماله غير المنابَــح

وش على الصقر الحُرّ من نعيق الغراب
يرجَع الغراب خاسر والصَّقـــــــــــــر رَابح

وسلامتكم