قالـــوا وش اللي بين قلبــك وبينــه !

من حضرته يــومه عن الناس ملهيـــك !!

طالت سنين الحــب وأنـتي تبيــنه

وشــلون عن غيره بحبــه مسليــك

قلت : العفــــو عمــري رخصتــه لعيــنه

وارمي بــروحي له بــدرب التهالــيك

لو قال ابي الثنتيـن ماهي ثمينــه

أو قال ابـي عمــرك وبــاقي ليــاليـك

قـدمتها لـه كـلها في يميــنه

وأقـول خـذها من حبيـيك ومغليــك

كلش رخص به لي وأنا له مــدينه

غيـر الوفـا والحـب زين المسـاليك

دايم يقول القلب لا تشغلينـه

ويامـا حـلف بـالله والله مخليـــك

خــلي يقــول البــعد لا تذكــرينــه!!

محـدن يفـرق بيننـا كـود "واليـــك" !!

شفت الليالي مع هوى البال زينه

أسري على صوته واناديه "لبيـــك"