حبيبي وش تقول ب عاشق قصة غرامه فيك
نسى الدنيا و من فيها و جا ينشد عن أحوالك..

حبيبي جيت ل مصافح مواعيد الفرح بيديك
و جيت أعطي يمينك حب ما تدريبه شمالك..

أشوفك و أسمعك قبل أعرفك واد أشتاقلك و أبيك
و أحس آمال عمري من عرفتك تشبه آمالك..

أنا ما عشت قبل أعيش ب حساسك و قبل أجيك
حبيبي جيتك ب قلبي ولو ما جيتلك جالك..

أحاسيسي كريمه و أنت تستاهل كرم غاليك
ترى لو ما أشرقت شمسك وصل .. رحت أتبع ظلالك..

يقولون العرب دار بلا مغليك ماتغريك
و أقول أنك بليا حب كنك عايش ل حالك..


أنا لا جيت أسولف عن شعوري قمت أسولف فيك
و أنا أدري رغم كل الشوق ما مريت في بالك..

دريت أن الغلا مثل القدر يرضيك لو يبكيك
ولا ينفعك بعلوم الغلا عمك ولا خالك..

ما بين الحلم و الواقع يصيبك حظي و يخطيك
متى تصبح قريب اللي وقف بآماله أقبالك

ولا تزعل من اللي لا زعل منك رجع يرضيك
و لا تطري كلام البعد .. فال الله ولا فالك.

الموضوع الأصلي : أبد والله .. سمعت بطاري عيونك وجيت أغليك || الكاتب : طهر الغيم || المصدر : منتديات قصايد ليل

 

التوقيع: