عنّوا عليك البدو ؛ ياقلب وش صابك؟!
بعد التّمدن ورغد العيـش وش حـدّك!
معقول عاد البدو ؛ يا قلبي أحبابـك ؟!
البـدو ؛ معادهـم ؛ مثـل الـذي ودّك
معاد به من يعيش ؛ الصبـر بغيابـك
وأن رحت عنّه بعيـدٍ ؛ حُبّـه يـردّك
بين العرب يمقتك ؛ ويبيّـن أحرابـك
وأن قابلـك فالخـلا عيّنتـه مــودّك
حبيب ؛ وأقرب على ؛ روحك من ثيابك
من روحه اللي ورى ضلعيه ؛ معتـدّك
يعذر خطاياك مهمـا ؛ كانـت أسبابـك
ويقبل معاذيرك اللي ؛ تنحسب ضـدّك
يا قلب لا تفتح لماضيْك ؛ فـي بابـك
يجلب عليك الحزن ؛ ويشهّـر بسـدّك
تعنا بحزنِك ؛ ويبقى الحـزن يعنابـك
والحزن ثـوبٍ طويـلٍ نايـفٍ حـدّك
الشور يا قلـب منّـي ؛ قيّـد ركابـك
لا يجرفك حاضرك في ماضـيٍ هـدّك
غمّض جروحك ؛ وعيش لغدك أصحابك
لاتحسب الماضي اللـي فايـتٍ غـدّك
يا قلب عشق البدو ؛ لو طيّر أسرابـك
مادلّت المنقع اللي ؛ مالصغـر شـدّك
/
/
/
محمد السالم