نفس المكان الي ذكرني نساني
ومن طيبتي جيت المكان وذكرته


جيت ومعاي من العتب ما كفاني
عشان ماقول بغيابه خسرته



وعشان كل ذكرى بقت بالمحاني
يوم الطريق من السنين أختصرته


هناك ؟ كان من السوالف أماني
وهناك ؟ يا ما غاب وأدري حضرته


وهناك ؟ شي من الزعل يوم جاني
من بعد ليل ٍ طال وحدي سهرته


من كثر شوقي ؟ كنت أسابق زماني
أخاف يسبقني وأنا ما شعرته .!!


وأموت لا منّه تأخر ثواني
وماكنت داريبي سبقت ونطرته


وهناك أول حب قاله لساني
وهناك ؟ آآخر شي قلب ٍ كسرته


شفت الصدى يملى مكانه / مكاني
والوردتين الي عليهن شكرته


ياناس قولوله أمانه عشاني
لا عاد يرجع في غيابه عذرته .!!