مشتاق لك والغـلا قـرب يضيعنـــــي والخـاطر اللي صِبر مل وقضى صبـره بعلمك شـيٍ وإفهـم دام تسمعنــــي من واقع التجربه والوقـت والخبــــره لو الخلايق على حبـك تنازعنـــــــــي يبطون مآحركوآ فينـي مغـز إبــــــره ماغيرك أحـد ٍقـوى قلبـي وولعنـــــي وغـلاك عندي بوسط القلب ياكبـــــره جيتك مشتـت فكـر ودي تجمعنـــــي متضايق من البعـاد وشوف لـي دِبْـره لو بتكلـم غزيـر الشـوق قاطعنــــــي مكسور والخاطر المكسور وش جبـــــره يخونني الوقـت والغيبـه تصارعــــنـي أكتب وحتى القلـم خان ونشف حِبــره رجعتلك والغلا والشـوق رجعنـــــــي ياحيّ هالشوف و الضحكه و هالنبــره غيرك من الناس لو حـاول يطالعنـــي أصد عنـه ولا أشوفـه ولا أعتبـــــــره إلا أنت يالشـاري اللي منت بايعنــي نظرة عيونك صفا لـو ليلتـي غبـــره وإن كان ودك لدرب الحب تدفعنـــــي القلـب يعشقـك مايحتـاج تختبــــــره وأكبر دليل الخـلايق لـو تنازعنــــــي بالحب ماحركـوا فينـي مغـز إبــــره