أنا أحبك ولا فكرت أخونك=ولا فكرت إلا في عيونك
أشوف الناس من حولي كثيره=ولكن بالغلا مايآصلونك
لأنك غير وإسلوبك حضاري=وتعرف فالهوى من يعشقونك
ولأنك شمس عيد ولون شمسك=خذى من لون خدينك وكونك
ولأنك من ثلاث سنين وأكثر=عرفتك وإبتديت أقول عونك
عرفتك وإبتدى للحب نخوه=تنميها شعورن يفهمونك
ولأنك غيمتن ماهيب قفراء=جفاف الوقت يوم أعيش دونك
حبيبي لا تناسى من يحبك=تخيل دنية الظامي بدونك
نهاية عمر مدري ليل مسرى=سراه اللي تجنن من جنونك
ياعمري والزمن ماهوب وافي=ياشحه لو طرى مره يخونك
وياظلم الناس لو غروا جنابك=إذا تموا حبيبي يعذلونك
وأنا مانيب قيس إبن الملوح=أنا سلطان من يعشق عيونك
أنا سلطان من هزه جمالك=ظنوني صد وغيابي ظنونك
أنا سلطان من لا قلب غيره=تغيب شوي مايحيى بدونك