الجزء الخامس والعشرون
مواجهه
==========
">>>>>>>>>>..ستحلق الطيور"
دخلت المطبخ بقلب تفجرت شراينه شوقا وولهفه.
فريده\يمه احبــك..أحبك..احبــك.."حضنتها واصابعها النحيله متمسكه بجلابيتها العنابيه"
هيا\حبتك الصحه والعافيه..بس وش الطاري اليوم..سلامك عجيب..ماخذتي غفوتك زين..خبري التكشيره كبر وجهك اذا صحيتي.."قالتها وهي تقلب شوربة العدس وتضيف عليها الملح"
فريده\بــــس...اليوم جاي على بالي اعبر عن حبي الكبيــر لك..
ابتسمت امها لها..وتأملت ملامح بنتها اللي بدأت تتفجر حمره\بفمك كلام احكيه..كل شيء فيك يفضحك..
فريده\الصراحه..وبكل براءه..كل يوم اشوف بنت تسلم على امها وتضمها اذا جت تاخذها بنهاية الدوام...وشوي تضايقت....تقولين كأنها بالروضه وهي سنه ثانيه..!!
هيا\وانتــي طبعا غرتـــي....
ردت بخشونه\لاااا.."قالتها بصرامه وثواني واختلفت اقوالها...قصدي ...ايه..ايييييه.."ابتسمت بخجل"
هيا\هههههههه يقطع بليسك ماتخبين شيء....طيب يايمه صبي ماي مغلي على الورق عنب لايحترق..
فريده\تصدقين..اليوم لولو بتفطر معنا..سبحان الله كأنك حاسه بجيتها..
هيا\فديتها..قولي لخالتك تجي بعد..!..والا جيبي التلفون انا بكلمهــأ..
فريده\ان شاء الله..
اخذت التلفون المعلق على حائط المطبخ..ودقت على رقم خالتها...وناولت امها السماعه..
اما هي اضافت الماء على قدر الورق عنب..
هيا\يمديك تتجهزين..لاتتأخرين مابقى شي على الأذان..الخير موجود..لاتعبين حالك..الله يحفظك..
ناولت بنتها السماعه..
فريده\بتجي..
هيا\ايه..بس تقول بتطلع بدري عندها قهوه بمجلس ام ناصر..
مدت شفايفها وهي تشعر بالقرف\هذيك الشينه اللي دوم تتكلم عن زوجهــا..
هيا\لاتحشين بخلق الله..انتي صايمــه..روحي ناديلي احلام وبدور مايسوى علينا هالحلا اللي يعملونه..
فريده\قصدك مايسوى عليك هالمسلسلات اللي يتابعونها ورى بعض..وكل مسلسل اسوء من الثاني..والفكره معاده..بدوروووووووووا..احلامووووووا..
هيا\لاتصرخين هنا..روحي جيبي الحلا منهم..او استعجليهم...
فريده\طااااااايب..
خرجت المطبخ..ولاحظت انه الحلا مصلحينه من فتره واعينهم على التلفاز ومن كثر اندماجهم مااكترثوا للشجار الحاصل بين التوأمين..
فريده\ماتشوفونهم يالأغبياء..فاتحين فمكم وعيونكم كأنكـــم و..."قطعت كلمتها واستغفرت ربها...
بدور\وليه بعد تقطعين كلامك...انتي سبيتني وانتهى الموضوع..
فريده\كووولي عســلللللل...
بصرخه واحده من فريده صمت الجميع..ابتداء من نعيمه المنعزله بزاويه وتناظر الشاشه الصغيره بهدوء..ثم بدور واحلام....وانتهاء بالتوامين اللي وبكل وداعه جلسوا امام بعض على الأرض وظلوا يركبون قطع التركيبه بصمت مطيع..
فريده\اطفال مايجون الا بالعين الحمره..
بدور ردت بحقد\انتي مو فريد..انتي تخريع..
فريده\هيهيهيهي..بايخـــه..
اخذت صينية الحلا..وقالت بتحكم\قومي انتي وياها..جهزوا الأكل خالتي وبنتها وعواشيء بيفطرون هنا..
بدور\صحيح؟؟؟؟؟؟؟؟
فريده\لا موصحيح..اكذب عليك..شايفتني نعيمه على غفله..!
رمت كلامها واتوجهت للمطبخ..وهي شاعره بنظرات نعيمه الباكيه.
|بعد المغرب|
:::
لاتقول "الله يقرفك"
كثير منا صاير يقول اشياء لا يعيها لما يصير اي شي مايعجبة..او يعجبة مثال: اذا انقرف من شي صار,,, وش بيقول؟؟؟ الله...يقرفك !!! يقرف!! الله عز وجل الرحمن الرحيم و جميع اسماءه الحسنى تنسب اليه هذا الكلام !!! والأمثلة كثييييرة وكل فعل بيصر لك بترد عليه بنفس الشي
مثلاً
رجيتني'....'يرجك
ضيعتني'....'يضيعك
طفشتني'....'يطفشك
يقول رسول الله صلى الله عليه وسلم: «إن العبد ليتكلم بالكلمة من رضوان الله تعالى ما يلقي لها بالاً يرفعة الله بها درجات، وان العبد ليتكلم بالكلمة من سخط الله تعالى لا يلقي لها بالاً يهوى بها في جهنم» رواه البخاري
ويقول:إن العبد ليتكلم بالكلمة ما يتبين فيها يزلُ بها الى النار أبعد مما بين المشرق والمغرب. رواه البخاري ومسلم
تأدبوا مع الله الحليم الكريم
تأدبوا مع خالق السموات والأرض
لولو\تصدقين ياما اشياء قلناها وحنا جاهلين معناها..!!
فريده\صحيح..الصراحه الرسائل اللي باأيميلي علمتني الكثيــر..لكن احس نفسي مقصره..وحتى لو عجبني مقال..مااعمل له رد..واكتفي بفائدته لنفسي..أنانيه مو!!
لولو ردت بلؤم\مليون بالميه..
فريده\ياشينك ماتجاملين..
لولو\طالعه مثل بنت خالتي..صريحه..
فريده\وبكل فخر...
لولو\اكييد.."هذه المره جاملتها"...طيب اقرئي لنا رساله ثانيه من صاحبتك شهلوله..قصدي شهلاء ..
فريده\حلى هو!!..خلص بس هذه رسايل اليوم..!
لولو\طيب افتحي المجلد رقم اثنين...ورجاء الكل يسمعني..
التفت لعائشه المستمعه طيلة الجلسه ..
لولو\عواشي..وشفيك..ماعلقتي على شيء...
عائشه\ماعندي شيء اضيفه..."ابتسمت رغم الخيبه المالئه وجهها"
فريده\شوفيك يابنت..من جيتي وانتي هادئه..
لولو\اكيييييد حاطين باأكلكم شيء..اعترفوا..
ضربتها بالماوس الا سلكي\ماتستحين انتي..!
لولو\بلا,..بس شوي..
فريده\رايقــه...!وش عندك..."غمزت بعينيها..
لولو\لا تختلقين وتبحرين مع اوهامك..المهم اسمعووووونــــي...
فريده\قولي..والله بديت اطفـــش..اححححححححح حار.."وضعت كوب الشاي والاب توب على الطاوله ومددت ارجلها"
لولو\محد قالك تشربينه وهو حار.."اخت الاب توب وفتحت المجلد"...سمعوني ياحلويين..انا قررت انصت لندائكم..ونصائكم..واعمل المشروع اللي كنا نحلم فيه من سنين...!!
عائشه\قصدك..."لمعت عينيها واكتفت بالنظر لوجه صاحبتها اللي ياكد احساسها"
لولو\بالظبط..المركز النسائي..
صرخت فريده بحماس\يادوووووووووووبه اخيرا...
لولو بكل تذمر ردت\ لازم تخربين فرحتنا...دوبه بعينك ياشيخه..
شدت فريده اكتافها وحضنتها بحراره وبكل قسوه..وثواني وكانت عائشه خلفهم ومن ثقل اجسادهم ارتد جسم لولو على الكنبه ..وهم ورائها..\لاااااااااااا انا كذا بختنق....اااااااااااااااااااي..ابعدوا عنــــي..
لطمتها فريده على وجهها اكثر من مره\مابغيتي يابنت..بهدلتينا..عذبتينا..
لولو كانت تبكي وتضحك بنفس الوقت لغاية ماابتعدوا عنها وجلسوا بكل احترام وادب على الكنبه وشاشة الاب توب امامهم \أأأأأأأأأأأاههههههههههههه..عورتوني وربــي..
عائشه\معليش..متحمسين..
فريده\شوفوا كيف وجهها انقلب..180 درجه..!!"كانت تشير الى عائشه"
لولو\طبعا..افكاري الخطيره..
عائشه\اقول اسكتي انتي وياها..اصلا فكرة المشروع هذه مني..
لولو\بلا كذب مني..
عايشه اعترضت بثقه\لا..مني
لولو\اقولك مني..
فريده\كولي عسل انتي وياها..اساس الفكره كانت من لولو..وتطويرها كانت من عايشه..
سكتوا البنتين دلاله على عدم رضاهم..
فريده\ياشينكم اهم شيء استمراريتها..والله كأنكم التوأمين..بس بقى تمدون شفايفكم..
ابتسمت عائشه..وضحكت لولو..
لولو\طيب اسمعوا..هذا بعض الصور اللي نزلتها من المواقع..ممكن نستغلها بالديكور والألوان..وهذه بعض المقالات اللي ممكن تفيدنا ..وحفظت مواقع كثيره بتزودنا باأماكن شراء الألات..
فريده\وليه تفكرين بديكور وتصميم..نسيتي حنان..!هذه شغلتها..
لولو\عارفه..بس خايفه نشغلها وتكون بالأردن..
فريده\اذا حنا اسسنا الفكره ودونا الأهداف وامتلكنا رأس المال من سنين طويله مااظن ترتيبنا الوقتي مع حنان بيكون عائق ضدنا..اذا رجعت بنخبرها بكل شيء...
عائشه\ستحلق الطيور..
لولو\باذن الله.."قالتها وهي تتنفس الصعداء"
فريده\الأحلام حلوه..حتى لو وقف القدر عكس امنياتنا ..يكفي انا نحلم..لأنه حلمك متعه..والمتعه سعاده..والسعاده نعمه....وانا حلمي الأول وألأهم..اني انزع الحمل الثقيل من ظهر ابوي وارد له شوي من جمايله علينا..مدري هل مكتوب لي اعيش الحلم الأول..او لا..لكن بالنهايه انا بظل احلم ..!
عايشه\كل شيء قريب..انتي مااستشعرتي هذا الشيء..
فريده\بلا..شعرت فيه..احسه قرييب..مثل ماهو مرسوم بخيالي هاللحظه..
===============
"دمي فلسطيني"
في عام 1987 قام "خالد اثر "من الجبهه الشعبيه بعمليه خطيره حيث اقلع بطائرة شراعيه لكي تستطع الرادارات الأسرائيليه اكتشافها فنزل بها قرب معسكر "جبيور" الأسرائيلي واستطاع قتل 6 جنود وجرح 8 قتلى قبل استشهاده وادى هذا الى تنامي الروح المعنويه عند الفلسطنين ..
| تفجرت الأنتفاضه في 9\12 واعتمدت لها سلاحا وحيدا الا وهو الحجاره قام بها اطفال بمنتهى القوه والحماس وربلطة الجأش يقف الطفل امام الدبابه فيرميها بحجاره فاانتزعت تلك الأنتفاضه الخوف والذل الذي غرس من اربعين سنه وظلت تاخذ اشكال متعدده من المقاومه وبدأ ينشأ جيل جديد يتربى على المقاومه ..
الاء\نفس اعرف شو هالكتاب اللي ملازمته ليل نهــار..!!
رفعت حنان الكتاب وقرأت عنوانه\هذا وطنك....يتكلم عن وطنك...
ردت بثقه وهي تقلب قنوات التلفاز\للأسف هالوطن اللي بتحكي عنه مابحس باانتماء له...شو بك..تفاجأتي..
حنان\انتي شو رايك...عادي حكيك...؟
الاء\ولدت هون..تربيت هون..بكيت هون وضحكت هون..صرخت باأعلى صوت وحنا نقول النشيد الوطنــي للأردن..رفعنا العلم..اصحابي اردنيات...بيتي بالأردن..حتى جنسيتي اردنيه..وبعد كل هالحكي بدك تقنيعيني اني فلسطينيه وانا اللي مابعرف اخبارها بغير شاشة التلفزيون..!!!!!!!!!!!
..اسفه لأني احبطت معنوياتك...انا اردنيه...
ماكانت تعرف حنان ..هل كلام بنت عمها صائب..ام خاطىء....عقلها يأكد حديثها..وقلبها ينفي وينفي..وينفي..!
هي تبحث عن ايش..!
عن وطن كل مالها ويدمر...والا عن شعب عاش الخوف بكل لحظه وثانيه..والا عن ارض سلبت بكل اجرام وبشاعه..!
والا عن دمعة طفل استشهد وهو ماحضى بحقوقه وقتل بصاروخ فتاك..!
هي تبحث عن ايش...وتصرخ لمين..وتدافع لمين..؟
الأوراق نزفت..والكتب فاضت من الدم..والجميع يقاوم..ويقاوم ويترقب اليوم العادل...!
"مذبحة اسرائيلية بغزة"
حنان\لحظه....!
الاء\شو!!
حنان\رجعي قناة الجزيره..!
الاء\ليه...
حنان\لو سمحتي..
رجعت الاء القناه..وعرض الشريط الأحمر والخبر العاجل..
" اكثر من 155 شهيدا و200 جريح في القصف الإسرائيلي"
والصوره كانت مصوبه لعسكري فلسطيني وسط عشرات من الفلسطينين المستشهدين والمرمين على الأرض وهو ينطق الشهاده..!!..ثم صوره اخرى لأطفال محتجزين على ببواية المدرسه وهم ممنوعين من خرجوهم وسط الدمار والغارات..تعددت الصور..وانسكب الدم..والقلب يبكي..
ناظرت حنان الاء..وشعرت بلمحة على عينيها رغم مكابرتها..
حنان\لساتك ماتشعرين بالأنتماء...!شوفيهم كيف يتعذوبوا...قلبي مايوجعك عليهن..هذا هم اهلك الحقيقين...اذا انتي فعلا مو حاسه فيهم..على الأقل تذكري انه دمك فلسطيني..!
قالت كلمتها الأخيره وهي تهرب لغرفتها..ودموعها تنهمر على المشهد المؤلم..وعلى ضياعهم الحقيقي..
حتى لو صرخت..وقاومت..واعلنت المظاهره..تحس بالأنكسار..بالألم...بالغربه الجارحه..ايدها مقيده..عجـــز..عجز عقيم..صعب شفاؤه..
==============
"ذكريات"
دخل معه لمنزله وهو يتأمل الحديقه ويسترجع ذكريات جميله محفوظه بكل تقدير بقلبه الوفي..
بهذه البقعه ارتفعت ضحكاتهم ووصلت لشارع الحي..وعلى النخله الشامخه تبادلوا مواقفهم اليوميه
وباخر النهار كان يرتدي نعليه المبتله من اثر التراب بصحبة اخته لمياء..ويرجع لمنزله وتصيح امه على هيتانهم المستمر بمنزل الجيران
ذكريااااات..
شيء قليل ..
ذكريات
فقط هي ممتلكاته..وامنياته!!
خالد\طيب ياعم..اخليك...وبكره بمر اخذك لصلاة العشاء...
قبلّ رأسه ..وابعد ايده عن مقابض الكرسي المتحرك..ونادى "عصمان"..
خالد\تامر على شيء ياعم...
هز محمد "ابو عائشه" رأسه بنفي..وبشفاه ابتسامه شكر وامتنان...
خالد\مع السلامــه..
سلم وروحه متعلقه هنــا..تأبي الرحيل..
كان يتمنى يصادفها هنــأ..هذه هي الحقيقه حتى لو كانت خاطئه..ومنهيه..لكن هذه اوامر قلبه المشتاقه..!
خجل من افكاره المراهقه,,والجرفان الغريب المتفجر بقلبه ..
دخل منزله وهو عازم على فتح الحديث مع امه..قبل فوات الأوان..!
واندهش اثناء ماسمع كلام امه وكأنها فعلا تقرأ افكاره..
ام خالد\تعال...عمرك طوييل..
ناظر لمياء المرسومه على شفايفه ابتسامة لؤم وغيض...وجلس قرب امه..
خالد\صبي قهوه..!
لمياء\بسسسسسسس قهوه.."حركت حواجبها "انت تستاهل قهوات..
خالد\هرجك كثير يابنت..
لمياء\وانت هرجك قليل ياولد..
خالد\لاحول ولا قوة الا بالله..انا ابغى اعرف من وين جايبه هاللسان..
مدت اليه فنجان القهوه\وراثه..صدقني ورثته منك..
ابو خالد\اذا ودكم تتشاجرون ..دخلوا الغرفه..انا ابي استمع لصلاة الحرم بهدوء..
رمق خالد اخته بنظره..وسكت..
لمياء\لا تناظرني كأني ماكله حلالك...انت من جيت وقالب الصاله ازعاج..اعرف بتقول لي انتي اللي بديتي..وبقولك انه اعصابي ماتتحمل تشوفك وتسكت وماتغيضك........
خالد\يمه فحصي بنتك..اخاف هي راديو متنقل..!
لمياء\شفت يبه..هو اللي يبدأ..
بوخالد\صبي قهوه وانتي ساكته..
انحرجت شوي..ومالبث هالأحراج يتدفق بوجهها الا وهي مغيره الموضوع باانسيابيه\ايه يمه..وش كنتي تتكلمين عنه من شوي..
ام خالد\اييه..ذكرتيني..الله يذكرك بالشهاده...قولي امين..
لمياء\آمييييييييييييييين..
ضجيج لمياء ايقظ عقل خالد للمواجهه اللي بتبدأ الآن..ومايعرف هل بيخرج منتصر ام لا!!
ام خالد\بصراحه ياولدي انتي..كبرت..واللي بعمرك جابوا عيال..والحمدلله ربي رزقك بوظيفه وهو عالم بنيتك..والصارحه انا وابوك ودنا نفرح بزواجك..وترتاح..وتعيش حياتك..
كان وقع الخبر على خالد مفاجأ..وكأنه لم تكن له خلفيه بالموضوع..!
زواج..
اسره..
اطفال..
حياه اخرى..
شعور غريب امتلكه..وهو يتخيل انه حب حياته ارواح متصله مع بعضها البعض..يعيشون بمنزل واحد..ويأكلون بنفس الطبق..ويربون اطفالهم أفضل تربيه..وتسير الحياه كما صورها باأجمل لحظاتها..!
ابتسم بسعاده مفرطه..وتفائلت امه بالخير واكملت حديثها..
ام خالد\ماارح تلقى احسن من اللي اختارتها امك لك...فريده بنت بومحمد..جمال واخلاق وعلم..
ذكر اسمها لك يتفاجأ منه..بل زاده اصرار على مبتغاه..
خالد\يمه بنت بومحمد ماعليها زود..
ام خالد قاطعته بفرحه\ظني ماخاب فيك ياولدي..
ارتبك وقرر يكمل حديثه \يمه سمعيني للأخير..انا ابي اخطب وحده غيرها..
ام خالد\غيرهــا..منوا اللي احسن من فريده وتبيها..
لمياء\يمه سمعيه للأخير هو ماعاب فريده..
ام خالد\اسمع عيالك يابو خالد..هرجهم مو عاجبني..
بوخالد\انتظري يامره...قول ياولدي منوا اللي ببالك...
بلع ريقه وقال بدون تردد\بنت جيرانا بنت العم محمد..
===============
"اًحبك"
مشروع؟؟
تقلبت على السرير وقربت السماعه لأذنها\ايه مشروع..والا مو عاجبك..!
بندر\عاجبني ..وكيف مايعجبني وهو من حبيبتي...بس تفاجئت شوي..
لولو\تفاجئت..
بندر\ماظنيت انه تخطيطاتك بتوصل لمشروع مركز نسائي..
لولو\ليه..شاك بقدراتي...؟
بندر\لا طبعا..
لولو\بندر اسمع ازعاج عندك..
بندر\لأني حاط على السبيكر..
لولو\اهلك جنبك.."قالتها بشك"
بندر\ايه..عبدالوهاب يسمعك بعد..
لولو\نعم..!!!!!!
بندر\وطي صوتك..
لولو\لو سمحت اغلق السبيكر..
بندر\ليه معصبه..
لولو\....
بندر\الو...الووووووووا..
لولو\...
بندر\تكلمي اغلقته..
لولو\انت ماعندك غيره..تخلي اخوك يسمعني..
بندر\دخل غرفتي وكنت حاط على السبيكر وبعدين اذا تخرج من الجامعه تعالي وعارضي,,
لولو\مو هو بثاني جامعه
زفر بضيق...\ايه..
لولو\وتقولها بكل ثقه..!
بندر\لأنها الحقيقه..
لولو\هو جنبك اللحين..
بندر\لا خرج من صراخك..
لولو\ليه دوم تحسسني اني غلطانه وانت على حق..
بندر\لأنك تعطين الموضوع اكبر من حجمه..!!
لولو\معقوله ماتغار ؟
بندر\اغار لكن بحدود..
قالت باندفاع\مااظن حتى غيرتك دخلت الحدود...
بندر\جريئه يالولو..ويمكن هذا اللي محببني فيك..
لولو\اذا كنت تعتقد الجرئه قول فاانا فعلا جريئه..
صمت وهو جاهل كيفية الرد على قولها...وهي ايضا صمتت بعد مافجر اعصابها..
لولو\مظطره اسكر اللحين..تامر على شيء..
بندر\سلامتك..
لولو\طيب...مع السلامه..
بندر\لولو..
لولو\همممم..
بندر\.....احبك..
شعور حلو داعب روحها والكلمه ترن كأجراس بمسامعها..وقلبها يدق بكل رهبه...
بندر\مع السلامه..
اختفى صوته..ظلت دقائق على وضعها...وبعدها ابتسمت بكل خجل..
||||||||||||||||||||||
ليلة مضت..وتلتها ليالي طوال ...
حنان هو الطير المحلق الذي يستعد للرجوع لأسرته
عائشه كانت الطير المحبوس داخل قفصه
وفريده الطير الصامد الذي لايأبي الصعاب
اما لولو فقررت التحليق من جديد
||||||||||||||||||||||
|