منتديات قصايد ليل - عرض مشاركة واحدة - أحقا ستحلق الطيور / الكاتبة : وصيت قلبي عليك ، كاملة

11-15-2016

الجزء الرابع والعشرون

................هروبـــ
===========

"شغب بنات"

فركت عينيها المتورمه من كثرة النوم..ودخلت المطبخ وهي تتثاوب وتتمنى ترجع لسريرهـأالدافىء وتكمل غفوتها..
بدور\ياربي متى بنعطل...اففففففففففف "سكت وهي ترى صحــون من الأرز مالئه المطبخ...شنوا هذا..........!
فريده\لك عين بعد تسولفين..انجري جيبي القصدير وغلفيهم...احلامو ونعيموه احسن منك..يالخبله..
بدور\وان شاء الله تبوني اغلف كل الصحون..."وعمى محد يطبخ ببيته...!
هيا\عييييب..انتي صايمه..وبعدين مو كلهم بيع...!
بدور\وحنا وش خصنا بالناس..الكل مو محتاج كثرنــا..
تجاهلتها امها..لأنه متعوده على موالها اللي ينعرض اول رمضان كل سنه..
فريده وهي توزع شرائج الجزر على الصحون قالت\وش تبين انتي..ناويه يخترب صيامك..
بدور\انا ابيكم تبطلون هالعاده الغريبه..
ومثل كل مره اخذت لها كرسي خشبي وغلفت مع اخواتها الصحون..وبوجه هيا ابتسامه على بنتها ..
نعيمه\ماما..ابي بطاطس مقلي على الفطور,,
فريده\يادوبه..بتنفجرين علينا..
نعيمه\ماما شوفي فرييييد..
هيا\فريده تركيها بحالها..
نعيمه\ماما متى بياّذن.."شدت على بطنها بقوه...جوعااانه..
رددت فريده كلمتها الأخيره بكل ميوعه\جوعاااانه..
هيا\وبعدييين..كبيرتهم خبلتهم...!
فتحت فريده فمها باندهاش..والبنات ضحكوا بكل انتصار ...
فريده\يمه..سبتيني قدام بناتك..ولا...وبرمضان!
هيا\يارب صبرني..وينك يابومحمد..
فريده\دام استنجدتي بـ بومحمد..مسموحه ياحلوه.."غمزت لها بعينها..على طاريه وينه تأخر..
هيا\قولي ان شاء الله يجي بالفطور..!!
بدور\ليه...وينه هو؟؟
هيا\راح يوصل ناس بالرياض..
صرخوا بالنات بصوت واحد\بالريااااااض!!
هيا\وشفيكم متفاجأين..؟
فريده\لا....بس..اليوم اول رمضان...."بنبره قلقه اكملت...مو تعب عليه..
هيا\يابنتي كلن يدور رزقه..الله كريم..
سكتوا البنات..وماعلقوا..وكأنهم معتادين على شغل والدهم..
هيا\احلام نادي رغد..
احلام\ان شاء الله..
هيا\مريم(الخادمه)..وزعي الصحون مثل ماقلت لك..
فريده\يمه بتخلين رغد تروح معها..
هيا\ايه..رغد فاهمه..
فريده\وليه مو نعيمه..!
نعيمه\لااا..انا صايمه وتعبانه..وبعدين اخاف..
فريده\اها..قولي كذا,
دخلت عليهم رغد وهي فرحانه..
رغد\يالله بطلع..
بدور\تفكر بتروح الملاهي..!
سمعتها رغد وعلقت بكل براءه\متى بنروح الملاهي...؟
لم يرد عليها..!
رغد\قرية الألعاب..والا جيان؟
فريده\رغد..روحي..لا يأّذن وانتي تقرقرين..
رغد\طيــب...اذا رجعت تخبروني..
خرجت رغد بقلب يرفرف..وطول الطريق تفكــر بنوع الألعاب اللي بتدخلهــا..وماوصل الأمر لهذا الحد..قررت توزع صحون الرز بسرعه هائله والخادمه تحاول تستبق خطواتها وتعادلها..ورغد كلها امــل ترجع البيت وتخبر شهد ..
===============

"حلمي ..حقيقه.."

شدت المخده على وجهها بكل ماأوتيت من قـــوه..وقلبها يدق..يدق وهو يعلن عن عصيانه...
خوف..رهبه..اندهاش..امل..مشاعر عديده امتلكت لحظتها..والتساؤلات اعظـم واغرب..!
ليه طارق هنا؟
وكيف تجرأ ولحقها لغاية بيتها؟
لكن لحظه...ليه صابه الأندهاش بالمثل اثناء مارأهــا..؟
منو انت ياطارق..؟
"حناااااااااااااااااااااااان..ازن المغرب"
لااااااااااا..قالتها بداخلها وهي تشد على المخده المسكينه اكثر وكأنها بتدخل بااعماقهــأ..
"حنااااااااااااان"
رجعت صوت بنت عمها مره اخرى وهي تتمنى تختفي..تذوب..تكون سيان هاللحظه...!
"يالله ياحنان"
هذا صوت عمها...مستحييييييييييييل...كيف تخرج لهم..كيف!!!!!!!!!!!
حست انها على وشك البكــاء..خايفه..متفاجأه..جوعانه..عطشانه...!!
تحس بالظغط بكل اتجاه واللي ينادوها زادوها توتر وارتباك..
طيب يمكن مشى..!!..حبت هالفكره..اصلا لو كان لازال موجود كان سمعت صوته او أي احد خبرها بوجودها..!
طيب كيف مايخبرونها بوجوده ..!موهي اللي استقبلته وفتحت الباب...
"ياااااااااربي,,"قالتها وهي تقوم من على السرير على عجــل..وفتحت الدولاب..وغيرت التيشرت بثوب اسود طويل ومزموم الأطراف ..واخذت معها شال رمادي بنفس لون الجينز..ناظرت نفسها بالمراءها..وانفجعت من شعرها..وعينيها الحمراء..
رفعت شعرها بأيد ترجف..وحتى اعصاب ايدها كانت باينه وكأنها بتنفجر وبتخرج من مكانها....
لبست الحجاب باحكام..وبخطوات بطيئه فتحت باب غرفتها وبنفس الخطوات دخلت الصاله وهي تدعي بداخلها انه رحل...وماكل مايتمناه المرء يدركه..
كان جالس بكل ثقه قرب عمها..ويحكــي والضحكه مالئه وجهه..
ماحس حد بوجودها وقررت تخرج وتختبى بغرفتها..ومو مهم تفطر...ان شاء الله تموت!!
لكن صوت عمها خيب ظنها...واسكن حركاتها..
العم امجد\تعالي يابنتي..افطري..
الجميع التفت لها واولهم طارق اللي فاجأها بابتسامه ماكره...لعوبه..
العم امجد\قربي جنبي..
خلاص..هذه نهايتها...بتجلس امامه..وبتكون تحت مرأى عينه..
"اكرهك ياطارق..اكرهك..
جلست بهدوء..وقربوا لها الرطب..والماء..اخذت قطعه واحده وسمت بالله وعينيها خاوت الأرض..
شربت كأس الماء باكمله وكأنها محتاجه لشيء يروي عطشها وتساؤلاتها وحيرتها..
امجد\كيف الجامعه ياطارق...!
طارق\الحمدلله..كل شيء تحت السيطره..الأسبوع الجاي بتبدي الأجازه وبنزل السعوديه..
امجد\حتى حنان بتنزل السعوديه..خلص احجز لها معك..
غصت بقطعة المكرونه وكحت بقوه..وبتلقائيه ناولها طارق كأسه..وبكل غباء العالم اخذته منه..وشربته..
وبعد السيناريو الخطير..البنتين ناظروهم بنظرات غريبــه يمتلئها الغيره..
لاحظ طارق الجو المتكهرب..فقال مباشره\تسلم ايدك ياخاله على الشوربه لذيذه..
خاله!!
معقوله تكون خالته..
او قال خالته احترام لها..!!
ممكن يكونون اصدقاء من زمن ..!
راقت لها هذه الفكره..
لكن ليه عمها واثق فيه ودليل على ذلك طلب منه ان يحجز لها تذكره معاه..!
تعبت وهي تفكــر وبدون حلول مرضيه..
ام منال\الله يسلمك..بس مو انا اللي عاملتها..منار..
منال جاوبته بابتسامه واسعه \عجبتــك..بدك اسكب لك مره تانيه..
طارق\لا..شكرا..
الاء\والمحاشي..شو رايك فيها..!
عبس وجهه بتلقائيه\مااحبهــا كثير..
انحرجت الاء..وابتسامه غبيه اعتلت وجه حنان بلا شعور..
تناول الجميع الأكلات بمتعه..وقضوا الوقت بين سوالف الأمس واليوم..وحنان بعالم اخر..
تحاول جاهده تجميع الكلمات وتشبكها لجل تكشف الستار لكن هي تغرق في بحر التساؤلات والغموض..
لدرجة كان ودها تصرخ وتقول.."مين انتِ ياطارق..؟
مسألة وقت..وتتضح الصوره..
صبرت نفسها بهذه الكلمتين..
وقفت على طولها..واخذت طبقها
حنان\الحمدلله..
ام منال\وين..
حنان\تسلم ايدك عمه..بصلي المغرب
ام منال\صلي وتعالي حلي معنا..
:::
حرك ملعقة السكر بالقهوه..وهو يشعر بتخمه شديده وامتلاء بمعدته..
وصورة الشيزكيك بالتوت اللي امامه زادت عذابه..اخذت قطعه صغيره منها وكانت تذوب بفمه من خفتها..
مرّ طيفها ببالها..
خوفها..
اندهاشها..
اتساع عينيها..
الحمره البراقه اللي اعتلت وجهها..
شعرها المتبعثر على كتفها..
حتى خطواتها وهي تهرب منه كانت خيول تتسابق بقلبه..وصوت صهيلها هي ضخات دم الشرايين النابضه
هي وهو اقـــارب..!!؟؟؟؟؟؟؟؟؟؟؟؟
أي قدر وقع بحياتهم..!!
كل شيء اتضح الآن..
تذكر حوار امه عنه المجهوله اللي تغربت لجل دراستها وحلمها..
والأهم تذكر اللقاء الأول القريب من نوعه..
والواضح كوضوح الشمس بعز الشروق انها لازالت تجهل هويته وقرابتهم الشديده من بعض..!
طفله...
كانت طفله وهي تهرب من نظراته..ومن ذاتها ..
الاء\القهوه بردت..!
رفع حاجبه من سخافتها,,وقرر يجاريهــا..اكثر شيء كان يبعده عن هذا البيت هي واختها ..وحتى بالجامعه كان يحاول عدم مصادفتهم وتجاهلهم اذا مروا قربه والشيء الحلو بالأمر انهم بقسم مختلف ومستقل عن مبناهم وهذه النقطه من صالحه..
دخلت عليهم وجلست باخر زاويه بالصاله وبعيده عنه..واخذت كوبها ..حاولت تدفي به ايديها البارده..
تأملها عن بعد والجميع كان منشغل بشاشة التفلزيون..
تعمق بأدق تفاصيلها ..حتى رموشها الكثيفه المتطابقه ببعضها البعض كراقصه باليه اتقنت دورها ..كانت اثاره بالنسبه له..
ومااخفي عليه اصابعها النحيله الراجفه..والوشاح الفاتن الأسود النقيض لبشرتها الصافيه..
بالرغم انه الأختين كانوا باأبهى طله..لكنها وبكل بساطه كانت الأجمل بنظره..
ابعد هالأفكار من باله...هو برمضان..لهذه الدرجه الشيطان حبب له صورتها بالرغم من سترهــا..
وطى بصره بالأرض واستغفر ربه..
هي مو مثل أي رخيصه مرّ معها بعلاقه عابره..!
هي غييير..هي هاله من البراءه..
الاء\شو صار على مشروع اعادة تصميم جدران الجامعه..بديتوا فيه..
طارق\بدأنا قبل يومين..والمشروع محتاج وقت اطــول..
الاء\لأني قررت اشترك فيه..
همس بضيق\من حظي السيء ...
الاء\شوا!
طارق\اقصد..مااظن في محل شاغر..والأستاذ مجد خصص قروب معين..ومشاركين مؤهلين باامكانيتهم..
الاء\شو قصدك..انت تسمي الخربشه على الجدران..اشيء مهم..هي حيالله رسمه وانتهينا..
جاوبها بنظره ثاقبه وساخره\خربشه بنظرك..وفن بنظرنـــا..!شفتي كيف الفرق..؟
شعرت انها تمادت بردها وهذا مو مطلوبها..
الاء\ممكن..
جاوبها بثقه\اكيـــد..
ماكان عندها جواب على كلامـــه لأنه بكل سهوله قادر على اسكاتها...وماوحى لها تصمت ثواني والا وطرت ببالها فكره..
الاء\وبنت خالك..نفس رأيك...!"والتفت على حنان وبوجهها ابتسامه متصنعه"
التقت عيونهم ببعض..ورحم حالها هاللحظه..!
شعر انها عصفور صغير رفرف جناحه لجل التحليق وبوهله هبط بقوه لأرض صلبه..وكان الهبوط مدمر ومفاجىء..
كان يتمنى يقول لها انه حالها مثل حاله..والحياه لعبت باأقدارهم..
لكن اكتفى بالنظر بعيونها الحائره..
==============

"صعب تقبلك"
اخذت الكيس من الخادمه..وسألتها..
لولو\من مين!
الخادمه\مستر بندر..
تنفست الصعداء وففتحت الكيس المكتوب عليه بخط ذهبي "سعد الدين"..وكانت بسبوبه مع علبة سكر سائله..
انزعت الغلاف البلاستيكي..
لولو\طلعي الصحون الذهبيه..والأشواك..
وضعت البسوبه بصحنين..وجهزت القهوه بصينيه مع الفناجين.. وخرجت من المطبخ والخادمه خلفها تحمل الصينيه..ناظرت شكلها بمراءه المجلس ..
جلابية حمراء بطراز هندي والفصوص فضيه على شكل طاووس بقلبها..
وحتى ألأكسسورات كانت بين الفضي والأحمر..خففت من حمرة شفايفها
ودخلت المجلس وهي تحرك شعرها المجعد..
ولاحظته مشغول بمكالمته ..ونظراته الثاقبه عليها..
امرت الخادمه توضع الصينيه على الطاوله..وجلست بكنبه مزدوجه على يساره..
صبت القهوه بفناجين..وقربت له الصحن والفنجان..
انهى مكالمته بسرعه..واغلق هاتفه..
بندر\انتي تأملتي شكلك بالمرايه!
قطبت حواجبها بغرابه\..امم..غريب سؤالكَ!
بندر\لا..بس اذا جيتي تقابليني خففي حلاك شوي..
حست انها ذابت..وبتلقائيه تكورت بمقعدها..ونعست رموشها..وبهالحركه ذوبت قلب بندر معها..
رفع حاجب وهو يتأملها\مقدر انـــأ..كل عام وانتي بخيـــر..
لولو\وانت بخيـــر.."اشرت على الفنجان...سم..
شرب القهوه..واخذ قطعه من البسبوسه..
لولو\شكرا على البسبوسه..تعبت حالك..
بندر\العفو..ماعملنا شيء..خلينا نرد شوي من حلاك...
"وبعدين...قالتها بخاطرها..وهي كارهه التقلبات اللي تطرأ عليها..هي بنت واي كلمه ممكن تؤثر فيها..
وكلام بندر....قتالّ...
بندر\كيف اول رمضان..!!
لولو\مره حلو..بس دخت شوي قبل الأذان..
بندر\سلامتك ياقلبي..
ابتسمت غصبن عنها\..ربي يسلمك..
اشغلت نفسها باكل البسبوسه..وماكانت قد نظراته الحره..وبلا شعور اكلت القطعتين واختمتهم بثلاث فناجين من القهوه وهو لازال هادءى ويتأملها..
بندر\.......لولو...."نطقها بهمــس"
رفعت عيونها وبلحظه كان قريب منهــا...حست باانفاسه الحاره..تكهربت وعبست وجهها بـ كره.. قامت من مقعدها بسرعه..وصرخت مستنكره
لولو\انت مجنون...!
انصدم من ردها\مجنون...؟؟؟...مجنون لأني تقربت منك..
لولو\انت كنتـــ..."سكتت واحمر وجهها..
بندر\كنت ايش..كملي..ومااظن القرب ممنوع للمتزوجين
ارتبكت وماكان ببالها رد\بس...بسس حنا برمضان..
بندر\انتي صايمه؟
شعرت بسخريته\تتطنز!
بندر\اسألي نفسك..
لولو\انا مااسمح لك ..
استغفر ربه بداخله\ممكن اعرف وش تبين بالظبط..
استسلمت وحست انها مبالغه بتصرفاتها..بس المفروض مايلومها..هي طفله بجسد انثى..وزواجها الأول ماغير فيها شيء..لكن كيف بيعرف بندر ..واذا عرف بتصيبه الدهشه!..وبيراعي مشاعرها ..\ولاشيء..ماابي شيء..
بندر\طيب ممكن تجلسين..
ناظرتها بشك..
بندر\لو سمحتي...
لولو\..طيب..
جلست بصعوبه قربه لجل تبين له انها غير خائفه..ولجل تبرهن لنفسها انها اقوى..
ظل يحكي لفتره طوييله..وهي مره تندمج له..ومرات تسرح بخيالها..وماتقدر تنكر انه يحاول يلطف الجو بحديثه المستمر.
=============

"انتصار..ام مقاومه"

اغلقت باب غرفة والدها بهدوء وهي حامله معها صينية السحور..
فكرت بواجبها الغير محلول..وقطعتين لازم تترجمهم..والورد من القران..ومذكرتها المرميه على الرف من يومين..والحمام المجهز بشموع الفانيلا..
كل هالأمور بتاخذ منها اربع ساعات..!!
يعني بتستقبل الصباح بنعاس شديد..وبتكون طعم سهل لسخرية فريده؟؟؟
بالرغم من حلاوة اول يوم رمضان والجو المعطر برونقه خاص..الا انه متعب ..!!
دخلت المطبخ الفوقي وهي مقرره تبدأ بواجباتها..
حست بشيء يلمس اكتافها قبل ماتوضع الصينيه على الطاوله..
تشجنت اعصابها..وهي من متاكده من هويته..
حمد\صباح الليل..
حاولت تبعد ايده بقسوه..لكنه كان اقوى منها..
حمد\استرخي ..مااظن انه ودك احد يعرف بوجودي..وخصوصا ابوك المريض..
عايشه\ابعد عنــي..
فرغ ضحكته قريب من اذنها\والله وعرفنا نرد....لاتظنين انه زواجي بيغير الماضي..كان ودي بااشياء كثيره..لكن دام حنا برمضان انا بكتفـــي بــ..
صــرخ وهو يحس بشيء حاد اخترق عيونه..ناظرها بعين شبه مفتوحه..وماحس الا بظلها يختفي من المكان بسرعه رهيبه..
ضغط على عيونه بقوه والم\ياحقيــــرررررررره....وين بتروحين منــــي...!
::
اغفلت باب غرفتها مرتين..وبكل استسلام حضنتها الأرض البارده..
مو مصدقه اللي اقترفته..رمت الشوكه المعدنيه بوجهه السيء..واخترقت عيونه بكل حده..
لمست مكان قلبها...كان ينبض بشده..وصدرها يعلو ويهبط خوف ورهبه..
معقوله جرحته ضربتها..!!
معقوله بيعتمي بسببها...!!
ليته يموت..وترتاح منه...ولأول مره تشعر بنشوة الأنتصار منه..لأول مره تقاومه قولا وفعلا..
لأول مره تسمع صرخاته الرافضه..ولأول مره ايضا لم يلاحقها..
دمعت اعينها وهي غير مصدقه انه لمسها بهاليوم الفضيل..!
كان مثل الحيوان الاهث من وجود فريسته..
احساس بشع يمتكلها هاللحظه..تكره قربه..تكره انفاسه..تحس انها جرثومه اذا لمسها باصابعه المقززه...
دخلت الحمام..وفتحت الصنبور ونزل الماء كالثلج على ملابسهــا..لازم تبعد اثره..لازم تدثر هذه اللحظه..
هو مجرد حثاله..اقترب رحيله..!!
رمت كل الشموع على بلاط الحمام..حتى الورود المجففه بعثرتها بكل قسوه..
اخذت سائل الجسم..وفرغته بأكمله على رقبتها واكتافها..وفركت جسدها بقوه..لغايه ماكونت طبقه حمراء على جلدها الأبيض..
كانت ترتجف مثل ورقة خريف سيان امرها..وغريب صمودها...!
ولمن انتهت من حمامها المدمر..كومت نفسها بااغطية سريرها الدافئه..
وتناست واجباتها..ووردها..وحتى مذكرتها المهجوره...ونامت والدموع نهــر على خديها..
============