"وداعا مكه"
صباح مشمش..نشاط محمس..اصوات متداخله..تصويتات في اعتلاء..
رائحة القهوه املئت الصاله..لكن البيض المقلي كان الأقـوى في الصداره,,
الجميع مجتمع على مائدة الفطور..وبقي يومين فقط ويشدون الرحال للديار..ولابد من استقلال هذين اليومين..
بدور\انا اقول..جده..نستأجر شاليه على البحــر..
اعترضت نعيمه وضربت الطاولة بملعقة السكر\لااا..انا ابي اروح ملاهي..مو على كيفكم تحبسونا بشاليه..
رغد هتفت بحماس\ايه..ايه..نبي ملاهي..
هيا\ممكن تسكتون شوي.."وانتي يالولو..ايش رايك!!
لولو\على راحتكم..ماعندي مكان معين..
احلام\انا اقول نروح نتسوق..مجمعات جده كثيره وودي اشوفها..
رغد\لااااااا مابي سوق مابي سوق,,,
مصعب\طيب ممكن تسمعوني..
الجميع التفت عليه..ماعدا فريده الجالسه باخر مقعد من الطاوله ومعلنه الصمت..وكانها بمكان اخر..
مصعب\الشاليه محتاج ترتيب من قبل..وانا واحد جاهل اماكنها..وش رايكم نستأجر شقه وناخذ جوله سياحيه لمدة يوم..وبعدها الشرقيه تنادينا..
هيا\يعني قصدك مانرجع مكه..
مصعب\طبيعي..لأنه رحلتنا بعد بكره..
هيا\حلو..
شهد\ونروح الملاهي!
ابتسم بحنان لها\وكمان نروح الملاهي..
رفعت احلام ايدها\انا موافقه..
بدرية\وانا بعد..
تقريبا الكل رفع ايده وعجبته الفكره..وكالعاده فريده كانت ضيف شريف بينهم..وهم اعتادوا على هدوئها اذا حضر مصعب...
مصعب\اوكي.."قام من كرسيه..جهزوا اغراضكم الليله..بكره ماشيين الصباح..
بدور عقبت على حديثه وهي رافعه حاجبها بغرور\ماارح نتأخر...بس لو سمحت اعتقنا من سبوحك اللي يظل ساعتين..
حك مصعب مؤخرة شعره بخجل\شكرا انسة بدور..مدري على مين طالع هاللسان!!
بدور اخرجت لسانها\عليك..
ظحك الكل..واولهم مصعب..
::
الجميع بدأ يخطط..ويرسم جدول مكبل بألأمكان اللي بيزورونها غدا..
والكل قرر يتناسى حادثة لولو ويحاول اسعادهـا..وايضا موقف فريده من هدية مصعب لأنه الطرفين بحالة هدوء وكأنهم اعلنوا الهدنه بينهم..
نزل الجميع الحرم..وقرورا يقضون اغلب الساعات هناك..فريده اقترحت عليهم يطوفون طواف الوداع ويودعون مكه بطريقتهم الخاصه..
===========
"اول الشكوك"
خرجت من القاعه..وهي تدعي ربها انه تكون اجوبتها صحيحه..هي ماتتطلع للكمال..لكن يكفيها النجاح..الماده هذه من اصعب المواد بهالفصل ..وبس...ربي يستر..
وقفت امام باب القاعه تنتظر ازهار وبطنها يخرج اعذب الأصوات وكانها قيثار اطربها فنان..
لمست بطنها باحراج وشعرت بالعصاره اللي تفرزها معدتها الفاضيه....شكلها اذا نزلت على السعودية بيلاحظون كيف جسمها خسر الكيلوهات..
طبيعي اللي يحصل لها..هي ماتعرف الطعام غير الجامعه وماتلتقي مع عمها وعيالها بغير وجبه واحده باليوم بسبب مواعيد جامعتها الطويله.. وباخر الليل تلاحظ انها مااكلت غير السندويشه الصغيره اللي تتلذذها بكل استمتاع ..فـ ياخذها الجوع للمطبخ و تفتح باب الثلاجه وتغلقه بعد ماتلقي نظره سريعه عليه..وممكن وتستلم وتنااام وهي تحلم بأأطباق امها الشهيه..
تقدم طارق لها بااناقته المعتاده..وكان هذا اخر شخص تتمنى تلتقي فيه اليوم بعد الموقف المبهم اللي حدث امس..
طارق\مرحبا..
اظطرت ترد عليها..لكن شيء بداخلها يمنعها من الحديث معه..معقوله اخذت موقف منه..المفروض ماتستعجل بقراراتها..سوســن..سوسن هي اللي بتخلصها من تساؤلاتها الغير منتهيه..
طارق\كيف الأمتحان..
حنان\منيح..
طارق\انا والله تبهدلت بالسؤال الأخير..وتركت الصفحه فاضيه..
ابتسمت مجامله له\فالح..
شعر ببرودها ..واختصارات اجوبتها..وشتم حمدي وسوسن بسره..
طارق\تفطري معــي!!
رن تلفونه..وارتاحت حنان من الرد.
طارق\الو..هلا بالغلا كله....وحشتيني يمه...وحشتوني كلكم..ايه زين الأختبار..ناجح ناجح لاتخافين..هههه..اكيد..يمه انتي داقه عشان تسالين عني..والا عشان تبين اوصلهم..آآه..ان شاء الله..ان شاء الله..بزوره قريب..بس قولي لهاخلي ينوم بناته ماابي اشوف وجههم..يمه اسف خلص..مايسوى علينا هالخال..يالله سلمي لي على الوالد..واختي..بحفظ الله..
حنان\امك!!
ابتسم وهو يدخل تلفونه بجيب الجينز\ايــه..
حنان\شكلها بتحبك كتيير..
طارق\فوق ماتتصورين..انا الوحيد بين خواتي..وتبيني ازور خالي ..بس بناته غثيثات..واكره جلساتهم..
حنان\زوروا..صلة الرحم واجبه..
رفع نظارته وبانت عيونه السوداء\ولايهمك..عشانك بنزورهم..
انحرجت..وسكتت..ووصول ازهار انقذها للمره الثانيه من طارق..
حنان\تأخرتي..
ازهار\آآه ياحنان..العمه الأمتحان صعب..
حنان\الصراحه توقعت اسئله اكتر صعوبه..
ازهار\شوفوا مين يتكلم..!!الشاطره حنان..طارق شو عملت..!؟
طارق\يعني..ممكن اجيب نص الدرجه..
ازهار\هههههههه لا عزبت حالك كتير..
حنان\انا بسبقكم للكافتيريا..
مشت وتركتهم..وتأكد طارق انه الموضوع له علاقه بموقف امــس..
=========
"عدتُ طفله"
دخلت البيت بروح منهزمه..خائبه..ومستسلمه..
اشتاقت لمكان طفولتها وذكرياتها...اشتاقت للبقعه اللي شهدت وحدتها ..وبنفس الوقت كان كلها امل ترجع وقلبها مطمئن ومرتاح..لكن اللي حدث العكـس..وقلبها ازداد هم وكآبه..وهي اصغر من انها تفصح عن سرها..هي سلبيه ...وماتعرف هل الظروف اجبرتها على تطبعها بهالصفه السيئه..ام هو رضى داخلي بنفسهــا..
صعدت لغرفه ابوهــا..هي محتاجه له اكثر من أي وقت مضــى..محتاجه يحسسها بأنها مهمه بحياته..
وبالحنان اللي شعرت بعظمته وهي بعيده عنه..
فتحت الباب..ومثل ماخيلّ لها..كان جالس بكرسيه الخشبي..ويتأمل الحياه من نافذته المفتوحه على الشارع..
تقدمت له وهي تبكي وحشه..وحنين..وتيه.واول مااصبحت بوسط صدره وأيده تمسح على شعرها..بكـت اكثر وعجزت تتحكم بنفسها..
هذا اللي فقدته...هذا اللي محتاجه له..ومهما صار ..وكان..مستحيل تعيش هالأحساس الا مع ابوها..
ابوها يحسّ..بدون مايتكلم..
ابوها عاجز عن الكلام لكن.. اغرقها حنان..
عايشه\خلاص يبه..مستحيل ابعد عنك ولا لحظه....
هز رأسها بالنفي..وهو يسألها..
عايشه\يعني تبيني ابعد عنك..اذا انت تقوى..انا مااقدر..
ساره\طيب ابعدي ..وخلي شوي لنا..
سلمت ساره على اخوها..وابعدت عايشه بالأكراه..
ساره\ذبحتنا هالأنسانه..ابوي..ابوي..كأنه محد عنده ابو غيرهــا..
عايشه\يبه..شوفها..
ساره قلدتها بمداعبه\ابوي شوفها..بنت وش كبرك وصرتي اطول مني. وللحين تتدلعين..
عقدت حواجبها بااحراج\بايخه..
ساره\روحي نامي.. شكل الحمه أثرت فيك..وودك تستغلين الوضع..
لمس ابوها جبينها..وتوه ينتبه على حبيبات العرق الللي توسطتها..والأحمرار اللي صاحب وجنتيها..
ناظرها بتفحـص..وفهمت مقصده..
عايشه\ابوي لاتصدقها..شوية حراره..تعرف بنتك مناعتها ضعيفه وتغيير الجو مأثر فيني..
امرّهـا تقوم وترتاح..وهي فعلا محتاجه الراحه..لكن مو بعيد عنه..بغرفته..وعلى سريره الدافي..وبين لمساته الحنونه..
نزعت عباتها واستلقت بسرير ابوها بكل سعاده....وشعرت انها رجعت طفله...طفله صغيــره غير مباليه بهمها..طفله تواقه للحياه..
نامت وقررت ترمي همها قرب ابوهــا..وماتعرف هل نامت بهالسرعه من الحمه والكسل..ام من الراحه والأطمئنان!!
===========
ثاني يوم,,
"ضجيج"
ابتعدت عن ضجة اهلها..وتقدمت له..
لولو\شوف هالبنتين..ماابعدوا عينهم عنك...شكلهم عارفين انك مصعب..
تجاهل سؤالها ورفع ثوب كحلي مطرز بكتابات صينيه\شرايك فيه..!
لولو\ذوقك دوم حلو..
مصعب\يعني اشتريه..
لولو\وش رايك يعنــي..!
مصعب\اوكــي..
رجع يبحث بين الملابس على اشياء بسيطه وبنفس الوقت مميزه..
لولو\مصعب..
كانت عينه على الملابس \هلا..
لولو\ماتبي تقول شيء!
مصعب\مثلا!
لولو\اي شيء..
رفع بصره لها..وسكت ثواني..\...لا..انتي في بالك شي!!
لولو\ايه..
مشى للجهه الثانيه..وهي اتبعته\اسمعك..
شبكت اياديها ببعض\فريد..!
التفت لها..وحثها بنظراته على الحديث..
لولو\الموقف اللي حصل..ماتبي تعلق عليه..تتوقعتك تعصب..تصرخ..او على ألأقل تكلمني..
مصعب\لولو..قولي اللي تبينه بالظبط..
لولو\ابي اعرف انت قاصد هذه الهديه!!
مصعب\واذا جاوبتك..وش الفايده..
لولو\سر بنفسي..
توجه للكاشير بعد مااخذ كل اللي يحتاجه ودفع وخرجوا من المحل\مااظن هالمكان مناسب لفتح هالموضوع..
لولو\طيب..انا بنتظر ايجابه..
مصعب\وينهم..!!
لولو\مدري...شكلي ضيعتهم..كانوا بالسواني..
تقدموا شابين وطلبوا توقيع من مصعب...ولولو متفاجئه..
لولو\تصدق..اول احس بهالشعور..الشهره حلوه..لكن تفرق نوعيتها..!
مارد عليها..لأنه كان ملخبط داخليا..نفس الشعورين ينتابونه بكل لحظه..
هو مو عارف هدفه..بالرغم انه حقق كل اللي يتمناه..
معقوله بعد كل هالنجاح..والصعود...والشهره..ترجع هالأحاسيس..وكأنه مالقى ضالته..!
وين الطموح..والآمال..!
وين الراحه..والثقه بالنفس..!
بأيده كل اللي يبتغيه.وبنفس الوقت يحس بالفراغ والضياع..
يبي احد ينور له مساره..خلاص..هو تعب..ومحتاج دليل...
ضجيــج..هذا بااختصار حالته النفسيه الأن..
صــراع بين الصح.والخطأ..
لولو\مصعب..وشفيك..امي تناديك..!
بدريه\مصعب..تعبنا من المشي..وجوعانين..
لاحظ انه الجميع امامه وينتظرون رده..لكن متى اتوا..!لايعلم..\ في مطعم قريب من الكورنيش لبناني.بيعجبكم..
خرجوا من المجمع..وتوجهوا للكورنيـش..
:::::::::
يمثــل الوداعه..والحنان لهم..وعامل فيها الشهم اول الرجال..والمؤدب المحترم..واللي ماله صلى بالجنس الناعم..
لكن مو عليها هالتصرفات..!!واذا كان مفكر بتصرفاته بيعتذر لها..فهو غلطان..وستين غلطان..
"وشفيك يافريد..انتي متاكده انه بو شامه مايتصنع بتصرفاته..وهو دوم حنون على اهلك..ويعتبرهم اخواته..واكبر دليل انه امك تعطي سرها له..وتعتبره ولدها اللي ماانجبته..!
بدور\نفسي اعرف..هالعقل وش يفكر فيه..
فريده\كولي عسل زين..
بدور\غيرانــه..!
تذكرت الموقف الغبي اللي حصل اثناء مادخلوا المطعم وكيف البنات هتفوا بااسمــه بكل حالميه وجرئه..
كتفت ايدينها بقهر\على ايش اغار..!!
بدور\ناظريني اذا ماتغارين..
طنشتها واكلت من طبق التبوله اللي امامها..كان لذيذه بشكل لايقاوم..الملعقه ظلت تتحرك من فمها الى الطبق ذهاب..واياب..,, ذهاب..واياب..وبطريقة آليه,,,,لغاية ماافرغت الوعاء.,,
رفعت عينيها وهي تمسح بأيدها على شفايفها..واكتشتفت انه الجميع يتأملها بصمت بدون ماتشعــر,,
ابتسمت بحرج\طعمها لذيــذ..
ظحك الجميع..ورجعوا ياكلون..وشكرت ربها بسرها انه مصعب تغدأ مع صديق قابله هنا..والا كانت فضيحتها بجلاجل,,
نعيمه كانت تضرب ارجلها بالأرض بحماس شديد\يالله..كلوا بسرعه..بتسكر الملاهي..
فريده صرخت عليها\اي تسكر انتي الثانيه..هي فتحت لجل تسكر..
نعيمه\اووف..انتي بس تصرخين علي..
لولو\نعيمه حبيبتي بنروح ماعليك منها..
فريده\خربيها علي..
لولو\انتي ولا كلمه..
فريده\نعم؟؟
لولو\اللي سمعتيه..بطلي ازعاج..
فريده\أأأقو
قاطعتها بتعصب\اووووش..
فريده\مممم
قاطعتها مره اخرى\ولا نفس..
زفرت بضيق..ورجعت تأكل بشهيه اكبــر,,
=============
""تتجاهله"
تتجاهله..وكأنه غائب..وتتحاشى النظر اليه..وحتى النشاط اعتذرت عنه امس
بحجه ارهاقها بعد اول امتحان كان عندهم,,وكأنه فعلا هناك حلقه ناقصه بالموقف..ولابد أي من الطرفين ويبادر على اتمامها..
صحيح انه طارق بوضع حرج وسلبي..لكن هالحادثه ايقظت عقله على امور ماكانت بالحسبان..
ولا خيلّ له انه ممكن تتحتل مساحه بدأت تتوسع وتاخذ له حيز اكبر بعقله...واكبر دليل الليله اللي قضاها امــس وهو يعيــد حديثه مع سوسن..
معقوله تكون تصرفاته تعكس احساسه وهو فعلا بدأ يستلطف حنان..
وين الثأر..والووعيد..
بالبدايه كان يرسم الخطط بحذر..وكله حماس ان يلقن هالأنسانه اعظم الدروس في الخيانه..
لكن الوضع الآن اختلف..والغلّ المتشبع بصدره اختفــى بدون أي أثــر,,
والسبب غير معروف..!!
هو ماوصل لدرجة الحب..لكن هالأنسانه قدرت تغير شيء داخلي فيه..وهو كاره هالوضع وبنفس الوقت يروق له..
تناقض..تناقض كل احاسيسه تملكها التناقض,,
واكبر دليل انه يجري خلفها مثل الأعمــى ,,
حمدي\اكلت البنت بعيونك..ليك رسيني على بر..انتا شو بدك منهــا..
طارق\انت اخر شخص يتكلم..انا مانسيت ثرثرتك اللي فاتت..
حمدي\يااخي ذليتنا ..والله انها غلطه..زلة لسان..
جمع كتبه واغلق قلمه\عشان تبطل زلات..
حمدي\وين رايح..
طارق\بعد وين..عندي نشاط..
حمدي\عندك نشاط.والا لأنها طلعت من القاعه..
طارق\اعتقنــي ياحمدي..والله مو رايق لك..
حمدي\طيب بلاش عصبيه..
نزلوا المدرج..وقابلوا سوسن بطريقهم..اعطاها طارق نظره حاقده..ومشــى..
حمدي\بتحبك!
عصب وشتمها\حبها برص..وبعدين قلت لك لاتكلمني..
حمدي\سوري..نسيت..
مارد عليه..وتوجهوا للمسرح وكلا الطرفين صامتين...دخل طارق المسرح بدون مايسلم على صديقه ووجهه يدل على التهجم واعصابه متفجره..
لاحظ حنان تتكلم مع بنت معهم بالنشاط ومتحاشيه دخوله..
طنشها وبدأ يتشغل..لكن التطنيش كان بعيد كل البعد عنه..ناظر ساعته..كان يشوف الثواني تمر وهي تضحك بنعومه وهو على نار بدون سبب..
وبعد عشر دقايق تقدمت وبدأت تشتغل بدون ماتتحدث معه..
كان يقاوم عدم فتح حوار معها..وفعلا هذا اللي حدث,,لكن الهدوء مااستمر غير دقائق..
طارق\سلام...
كانت كلمه بغير محلها..وايضا بغير وقتها...لكن هذا اللي استطاع قوله,,
حنان ردت بنفس رده\سلام...
لوهله شعر انه كلمته مبنيه على غبائه..او ممكن عفويته,,
طارق\حنان فيك شي!!
حنان\انت فيك شي,,
طارق\لا,,
حنان\وانا لا كمان,,
زم شفايفه بحده\اوكــي,
وبــس..هذا الحديث الوحيد اللي تطرقوا له..
وحنان ماحست ابدا بتأنيب الضميــر حول طارق رغم حبها المجنون له كانت حاسه بسر
مجهول يخفيه عنها..وهالات مبهمه تدور حوله,,
=============
"انكسار"
احساس التقصير بحقها دوم ملازم لها رغم انها البادئه في التواصل معها,,وممكن هي عودت نفسها على المبادره مهمها كانت ردة فعل الطرف الأخر,,
دقت على رقمها وهي كلها شوق لسماع صوتها,,وظلت تنتظر الرد وهي تتمشى بـ فناء الحديقه وتتأمل النجوم المضيئه وسط الظلام الحالك..
انقطع الخط..ومامن مجيب..رجعت تعيد الأتصال وكانت النتيجه واحده..دقت على فريده وكانت تتوقع الرد السريع منها..لكن خيبت ظنهــا,,
حست بالأستياء,,وتمنت تحظى بحديث معهم الليله..
فكرت بحنان..لكن الوقت متاخر جدا..واكيد هي مستغرفه بااحلامها الورديه,,
جلست على عتبة الباب الخارجــي ..كانت محتاجه هواء نظيف لجل تخفف الحمه اللي جعلتها تلازم الفراش يوم كامل بنهاره ومساؤه,,,,
كان الفراغ يملىء روحها..تذكرت الأيام اللي قضتهم مع امها واخواتهــا,,البارحه رجعت البيت وودعتهم ...لكن ليه تحس انها ودعتهم من سنين ولا كأن مرّ على رجوعها غير يوم واحد فقط..
حاولت تنسى تلك اللحظات,,لأنها معذبه رغم حلاوتهــا..مدمره رغم قصرها,,
"سلامتك ياقلبي..يقولون تعبانه"
رفعت بصرهــا تبحث عن مصدر الصوت..ومامرت ثواني الا وبان وجهه الخبيث ,,
حمد\كيفك اللحين..خفت الحرارة..!!
ماعرفت كيف تتصرف,,تتكلم!!..تقوم..!!تهرب..!!..تبكــي!!
لكن كالأمور كان ضد استجابات جسدهــا..لأنه وبكل بساطه تموت خلاياه ويصيبه الشلل اذا حس بوجود هالكائن المدمر,,
حمد\وشفيك ياحلوه..حتى الرد حارمته علي
ظل يتقدم لها وهي عاجزه..لفت يمين وشمال,,ساره نائمه..ابوها كذلك..,,
لازم تقوم..لازم تبعد عن هالوحش اللي بينقض عليها باي لحظــه,,
خطوه فقط..ويكون قربهــا..خطوه فقط ..وتتكرر المأساه,,
الظلام حالك..والناس نيام..وهي وحيــده لااحد يعلم بحالتها غير ربها..
"يارب ارحمنــي,,وامهلني قوتك,,
"يارب ارحمنــي,,وامهلني قوتك,,
"يارب ارحمنــي,,وامهلني قوتك,,
لمس شعرها ووانتفضت..وابعدته بأيده الضعيفه وهو مسك ايدها بكل تملك..
حمد\هدي..هدي,,
عايشه\اتركني ياحقيــر ياحيوااان..اتركنييييييييي
ظحك بصوت عالي\والله حتى سباتك تعجبني.."رمقها بنظره تفحصيه من قمه راسها لأخمص قدميها..كل شي فيك يعجبني,,
نزلت دموعها وجاهدت تبتعد عنه بكل قوتهــا لكن قوتها مانفعتها بل زادته جرئه ونجاسه وجنون,,
"عايشــــــــه"
=============
"ابي امي"
كل شيء اصبح ضبابي ببصرها..مفاصلها ارتخت..ورأسها يتملكه الصداع..ولسانها جاف من عظم الصراخ والضجيج اللي اصدرته وهي تطلب العون والمساعده..ولو كافؤها بمليون ريال مقابل اعادة اللعبه لاختارت الهروب بدون الخوض بالعذاب ولعبة الموت,,
فريده\راسي..لولو..بموووووووووت..جلسيني..تكفين..
جلست بأرض الملاهي..بدون ماتنتظر ردة فعل من لولو..وتجاهلت جميع الناس اللي يناظرونها بأستغراب,,
لولو حاولت تشد ايدها\فريد..وشفيك..ياربي قومي ..قومي مو قادره اشيلك..
فريده\لولو نادي امي أي احد..احس بمغص ودوخه..حسبي الله على بليسك يادوووبه..آهه ياشنيه..ياغبيه آآآهه..
ماتعرف ..هل تضحك على حالهم..والا تنادي خالتها..والا تحاول تقومها..
لولو\تكفين لايغمى عليك هنا..حرام عليك..كفايه فضايح..ياويلي..وش اسوي فيك,,!!
صرخت بوجهها وهي تشد على راسها بأيد..وألأيد الأخرى تضغط بطنها\انتي هبلـــه بتذبحيني بغبائك..جيبي لي مويه..بمووووت..
ارتعبت من صرختها..وركضت مثل المجنونه تبحث عن أي كافتيريا,,
:::
استغرب من تأخرهم واخذته ارجله لمكان اللعبه..وهو يمشي طاحت عينه على بنت جالسه بألأرض وواضح توجعها..استهزأ ساخر بداخله على جلوسها بالأرض,,اظطر يمرّ جنبها وهو يحاول يبعد نظره عنها..واثناء مامر..سمع همسها وانينها ولف وجهها ناحيتها..وتفاجاه انها فريده..تقدم لها بلا وعــي,,
مصعب\فريد!!
كان هالصوت مألوف..ومحال تنسى هالنبره الحاده..
"لا يامصعب..مو وقتك..مو وقتك ابدا.."
مصعب\فريد..وشفيــك..قولي..وليه جالسه هنا!
ماردت عليه...وظلت تلتفت لعلها تلمح مجيء لولو..
ثار من تجاهلها له وصرخ بوجهها\تكلمــي..
وبكل ضعف واستسلام ردت عليه بكلمتين
فريده\ابي امــي..
هدأ وتذكر انها متوجعه من شيء تخفيه...وثنى رجله اليمنى ومدّ لها علبة المويه\طيب..خذي..اشربي مويه..
ماتعرف كيف اخذت العلبه وفتحتها بسرعه وشربتها بدفعه واحده تحت نظراته اللي صعبت تفسرها.
لولو\فريد تأخرت عليك..لكن وربي زحمه وبالموت شريت مويه.."انتبهت بوجود اخوها وكيف المسافه قريبه منهم ..مصعب!!
وقف على ارجله بسرعه وبرر الموقف\تأخرتم..وجيت ادور عليكم..
مسكت فريده ايد لولو وبصعوبه وقفت\لولو......... بروح دورة المياه..
لولو\اوكــي..
مشوا..ومشى مصعب خلفهم ...واثناء ماوصلوا التفتت له لولو\بتدخل معنا؟؟
رمقها بنظره حاده..ودخلوا دورة المياه..واول شيء فعلته فريده رشت وجهها بالمويه مرات عديده..ومااكتفت بهالقدر..ملئت علبة المويه ووضعتها على شعرهــا,,ولولو لازالت متمسكه بايدها ومسندتها ومستغربه منها\كل هذا دوخه..وحرّ..والا..؟؟
فريده\انتي تاكلين عسل..زين..!!
لولو\وانتي كثير عليك لعبة السيارات..!
فريده\بايخه يالشينه.."ظغطت على جبينها..راااااااسي..
لولو\اووووووف زين..عرفنا..خلاص انا عفت اللعب وشكلي بعطي تذاكري لخواتك..
فريده\اسكتي..ماابي اسمع صوتك..
لولو\طيب تكفيين..سؤال..!
فريده وهي تلبس نقابها وعارفه طبيعة السؤال\لااا..
لولو\تكفيييييييييين
فريده\لاتحاولين..
لولو\طيب..بس اذا رجعنا الشقه غصبن عنك بتجاوبيني..
فريده\وثوق..
لولو\طبعا..مو انا لولو..
خرجوا من دورة المياه وكان مسند ظهره وينتظرهم..
تقدمت لولو ناحيته..وفريده خلفهــا تجرّ خطواتها من المواقف المحرجه اللي تصادفها معاه..
كل ماقررت تبعد..يقترب..
وكل ماقررت تقترب..يبعــد..
تحس حياتها موجه..مره ترفعها للعالي..ومرات ترسيها على جبروت الصخر..
هي وعدت نفسها ماتفتح أي حديث معه..واليوم..كلمته..واخذت من ايده علبة المويه..وللأسف مقرره انها تحتفظ فيها للأبد..!
===========
هل ستستمر الهدنه بين مصعب وفريده!!
ماسبب عودة عايشه الأنهزاميه..ومانهاية هذه الليله!!
لولو معقوله اعتادت على وضع المطلقه!!
حنان ستكشف سر طارق!!