"انقطع حبل الوصال"
انتهى الحب والوعود..
ورحلت المشاعر والأشواق
وانطفت اخر شمعة امل ضوت حياته..
ولولو حرم سامي..اصبح اسم انكتب يوم من ألأيام واليوم حلّ وثاقه..!
مو عارف هل بتسعد بهالخبر..والا بتكون ردة فعلها عكسيه..!
مو عارف هل كان اناني بتصرفه..وحبّ نفسه اكثر من أي شيء اخر..ام حبها هو اللي دفعه لأعادة تجربة الزواج مره اخرى..!وكانت النتيجه فاشله بالأثنين..والتقارير ليس لها امل..وبيظل عاجز طول العمر..
هو حزين..هذا اللي يعرفه هاللحظه..كل شيء اسود كاحل بعينيه..حتى قصره اللي غلبه اللون الأبيض اصبح اسود وانعدمت مقومات الحياه برحيلها..!
حتى عمله كرهه وهو المثابر صاحب العقل التجاري..وهو الراشد البالغ 32 سنه..ماتوقع بيوم يحب..ومن مين!من طفله علمته اصول الحب..واحتراق الأشواق..وعشق كل شيء جميل..
ام عبدالله\ولاتزعل..غيرها الف..
سندس مارضت على صاحبتها واستأت من نهاية زواجهم\يمه بس لولو غيــر..!
ام عبدالله\غير بأيش!..مافيها زود على البنات..
كانت ساكت بااكراه ويناظر الفراغ اللي حوله..ومو حاس بولد اخته اللي بحظنه..
سندس\مو انتي اللي خطبتيها له..ليش غيرتي رايك!
ام عبدالله بكل عجرفه ردت\لأنها ماقدرت المكانه اللي هي فيها..
سامي اخيرا تكلم بصوت مثل حدة السيف\يمه رجاء..كفايه..سكروا الموضوع..
ام عبدالله\بسكره..وانت بس اشر ياولدي وبخطب لك احلى البنات..
سامي ثار من العصبيه\ماابغى اتزوج..ولا راح افكر...." رفع ولد اخته وخرج معاه للحديقه لغاية ماصلوا لجلسه بوسط الحديقه من خشب البلوط رفيعة الكراسي....
مالك الصغير\عمي انت زعلان من جده!
سامي\لاحبيبي مو زعلان عليها..بس متضايق شوي..
مالك\متضايق من عمه لولو!
استغرب من كلام ولد اخوه!
مالك\وينها..ليه ماتجي بيتنا..!
انفطر قلبه..مو متخيل انها بترحل بشكل ابدي من حياته..
هو يعرف..لكن مو مصدق..مو مصدق انه اصبحت محرمه عليه..مايقدر يتامل وجهها الجميل..ولا يضيع بدلعها الطفولي..حتى تذمرها باانشغاله بيفقده...
ايعقل هذه هي النهايه..نهاية الحلم الجميل..والقلب اللي اصبح حديقة مليئه بالحب..
هو خسرها اكيد..لكن من المحال ان ينساها..بيونس وحشته بالذكريات اللي جمعتهم...وبتظل اميرته النرجسيه..وبتعذره..اكيد بتعذره..!
============
"باع الحب"
مدة الهروب انقضت..قررت تفتح تلفونها..وتواجه مصيرها..
هي متيقنه انها لقنته درس صعب يمحيه من ذاكرته..بس هذا جزاه..وهذه عواقب افعاله..!
بتنصت له..وبتعرف اسبابه..وبترضى فيه..وبتكون عاليه ماضي وانتهى..وكل مرض له حل..وهي راضيه فيه..لأنه وبكل بساطه تعلقت بهواه..وهي بدون هوى تمووووت..
بتخبره أي عذاب كانت تعيشه..واي ضياع قتال مضى بـ ايامها..
بتشكي له عن لياليها الحزينه..وبتعترف له بحبها العظيــم اللي غفر له زلاته
بدور\والله انك هبله..وشفيك تناظرين التلفون!!
بلعت الشتيمه المباشره وكبرت عقلها لأنها رايقه..
لولو\حبيبتي بدور..هذا كلام كبار..
اتممت بدور جديله شعرها وهي تقول\على فكره انه هالسنه ثانويه..عشان اصحح لك معلوماتك..!
زفرت بطولة بال\ايوه صحيح..نسيت..وين فريد ماصار تروش هذا..!!
بدور\اسألي نفسك وش كنتوا تسون بالسوق طول هالوقت!!
لولو\كنا نلعب حبيبتي..!
وقفت بدور على طولها ووضعت ايدينها على خصرها النحيل\ياسلااااام انا اصلا كنت متوقعه..تروحون وتتركونا عشان تلعبون!!
لولو شعرت انها بتكون تافه اذا ردت عليها..
بدور\مره ثانيه بروح معكم..
لولو\طيب..
رن التلفون ومن ربكة لولو رمته بالأرض بدون قصد..
بدور\يرن..رفعيه..
رفعته وعلى شفاتها ابتسامه محرجه..ظغطت على رد وهي متوجهه لغرفتها..
لولو\الو..
سندس\هلا والله..
لولو\هلا فيك..كيفك سندس!!
سندس\الحمدلله..وينك ماتردين على مكالماتي..!
لولو اظطرت تكذب\سوري بس ماكان فيه شحن..!كيف عمتي وعمي!!
شعرت بالأسى على لولو..لأنها جاهله الكلام اللي قالته امها من خلف ظهرها
سندس\كلهم بخير..
سكت الطرفين..
لولو تنتظر سندس تبادر بالحديث.,
وسندس متفاجأه من برود لولو
سندس\تصدقين..ماتوقعتك تردين علي بعد اللي حدث!توقعتك صداقتنا بتنتهي لكن اثبتي العكس..
لولو\اي حدث تتكلمين عنه!
سندس بكل براءه قالت\قصدي طلاقك من سامي!!
شعرت بخناجر تطعن ولا تبالي,,تجرح ولاتشافي....وفجأه حست بشيء يتفتت يذوووب..وحتى الذوبان كان حاار نااار يصهر الأنفاس..وكل هذا كان بثواني..ثواني مضت وكأنها عمـرّ..
شاب راسي..واختنقت انفاسي.. وراح خلي ..وانا اللي كنت راضي..!
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
صار الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..
كانت تهمهم..تتأتأ..تبقى تخرج حرف.وتشاكبهم بحروف..تبقى احد يقولها..لا..لااا هذا كله كذب..سامي مايبيع..!
لولو\سسساامي..طلقني..!!
سندس\ليه..انتي ماتدرين!طلقك امس..
نكرت بـ صرخه زلزلت المكان..وطاحت منهاره..
سمعتها فريده اللي دخلت الغرفه على صرختها وحاولت تمسكها لكنها طاحت على ارض صلبه زادت من المها..
فريده كانت خايفه مرتبكه تردد اسم بنت خالتها بدون شعور\لولو..بسم الله عليك..لولو قومي..يمـــه خالتي..لحقوا علي..
::::
مضت ساعات وهي على نفس الحال..كانت تهلوس وتنطق بااسمه.."سامي" لكن وينها..ووين سامي..!
الكل كان مجتمع حولها..وعيونهم تبكي لألمها..!حتى الصغار كانوا يبكون بدون مايعرفون السبب!
فريده كلمت سندس اللي كانت على الخط وفهمت منها الموضوع وخبرت خالتها..وطلاق لولو اصبح واضح للجميع..واولهم مصعب كان يمشي ذهاب واياب على طول الغرفه و يسب ويسخط بسامي ..
ويتوعد فيه ونسى الرابط القوي اللي كان يجمع العائلتين..
مصعب\اقولك لاتبكين..هو مايستاهلك..
كيف ماتبكي..اذا مابكت اليوم..متى تبكي!
ولا احد يعرف مدى الوجع اللي تشعر فيه,.
وحتى لو عرفوا..مستحيل يتوجعون..!!
لولو\ليه ياسامي..ليه..!!
بدريه كانت تمسح على شعرها \خلاص يمه..خلاص حبيبتي..اهدي..اهدي مو زين لك اللي تسوينه بنفسك
لولو\يمه حرام..حرام عليه..يمه ذبحني سامي..ذبحني..آآآه
مصعب كان كاره يشوف اخته الوحيده تبكي وهو مو بأيدي شي..\اسكتي مابي اسمع صوتك..قلت لك لاتبكين عليه.."تقدم لها والشرار يهل من عيونه ومسح دموعها بقوه وكأنه يضربها ويفجر غضبه فيها..لاتبكيييييييييييين..ماابي اسمع صوووتك
بدريه\خلاص يامصعب اترك اختك..مالك شغل فيها..
لولو بكت اكثر..الوضع اللي تشوفه فوق طاقتها..
خيانة سامي
زواجه
مرضه
وطلاقها
وفوق كل هذا..
حال اهلها
محد داري بالنار اللي بجوفها.,.
هيا\مصعب مو حل انك تسكتها..خلها تبكي وترتاح..
مصعب\خالتــ
هيا \مصعب تعال معي "اخذت بيده وخرجوا وكل هذا تحت نظر فريده ..كانت تشاهد الموقف وماتعرف هل هي ضد اندفاع مصعب..او بصفه!لكن اللي تعرفه انها تفاجأت من غضبه المرعب..
=============
"تحس"
محرجه..
هذا الشعور اللي يخالجها وهي غرقانه بـ عطفهم..حنانهم..وطيبتهم..
صحيح انها رفضت ولدهم بدون سبب يغفر..لكنهم اثبتوا معدنهم الأصيل وتقبلوا رفضها برحابة صدر..
وماتقدر تمحي من ذاكرتها جملة خالتها ام عثمان اثناء ماسلمت عليها
كانت تقول لها "كنا نتمناك زوجه لولدنا لكنك بتظلين بنت لنا"
ذابت من هالجمله..واعتصرت خجل..ماتعودت على هالأطراءات المريحه..
حست بالأمتنان لهم..لأنهم ازاحوا عنها عبءّّ ثقلّ صدرها..
طيبه\توقعتك ترفضين!!
عايشه\نعم..
طيبه\اقولك توقعتك ترفضين..تعرفين ليه!
عايشه\ليه!
طيبه\عشان ابوك..اكيد رافضه انك تبعدين عن ابوك..
عايشه اظطرت توافقها الكلام\فعلا هذا اللي فكرت فيه..
طيبه ابتسمت بلطف\يالله مو مشكله نخطب له ريناد..
عايشه\ههههه لاتسمعك..
طيبه\تتمنى لو حتى عثمان فكر فيها..
عايشه\شكلك تحبينه كثير!
طيبه\مين!
عايشه انحرجت تنطق باسمه\اخوك..
طيبه\مره..اخوي على عصبيته لكنه حنون..ومالنا غير اخو واحد ومعوضنا عن ابوي الله يرحمه..
عايشه\الله يرحمه..تدرين اتمنى يكون عندي اخ..احساس حلو اذا كان عندك شخص ممكن تلجأين له اذا وقعت بمشكله او حتى تشكين له ..انا افتقر هالأحساس..
طيبه ردت بـ اسلوب مازح\ولايهمك عثمان بالخدمه..
ماعرفت ترد..وريناد انقذتها
ريناد\العشــــاء..
اكل الجميع على طاوله واحده..ومضت ساعه ورجعوا بيت خالتها منزلهم وهدأ الجو..
سعاد\انا طالعه انام..يالله جود..
رمت جود نفسها بحظن عايشه\ماابي..بنام عند عيوشه.
حظنتها عايشه بحب\خلاص يمه خلها تنام عندي الليله..
عبير\افففففففففففف الله يعينا عليها.,.
سعاد كانت متردده\يمكن تزعجك
اعترضت جود وظلت تضرب ارجلها على الكنب\مابي مابي..
سعاد\جود افنان فوق نايمه بسريري..
ريناد\والله انها سخيفه انا ولامره نامت عندي..
عايشه\تحــس..
ريناد\تحس؟؟؟
عايشه ناظرت امها\تحس بالحنان..
تعمدت تقول هالكلمه..لعلّ القلب يحس..!
سعاد\تصبحون على خير..
=============
"كوب بااخر الليل"
الجو بائس..بعد الضجة والضحك والحكايات اللي كانت بهالمكان..
البنات قرورا ينامون ويتركون الكبار بعالجون هالمشكله..
و فريده وامها وخالتها كانوا ملازمين لولو بغرفتها..ومو مستعدين يتركونها ولا لحظه..
اما مصعب كان جالس بالصاله ولازال مثل البركان الهائج يرمي قذائف من الشتائم بدون مايشعر ..حتى ركان صديقه افرغ غضبه فيه وتشاجر معه بالتلفون..!
ويفكر حاليا ينزل الشرقيه ويواجه جبن سامي رجل لرجل..ويعرف اسباب طلاقه المفاجأ..لكن خالته هيا كانت بمثابة المسكن وبصعوبه قدرت تمتص القليل من غضبه وتأجل سفرته اذا طلع الصباح..وعلى قولِها
"الصباح رباح"
:::
كان متسند على ايدينه ومرخي اجفانه وهو بين صحوه وغفوه متعبه ويفكر لغاية ماارهقته افكاره..وماشعر ابدا باي حركه حوله....
الا لمن استنشق ريحه مميزه يعرفها..ويعرف صاحبها..فتح عيونه وعلى شفاته ابتسامه صغيره..
وناظر الكوب والبخار المغري اللي يتصاعد منه..
التفت بدون شعور خلفه..لكنها كانت اسرع منها..وماسمع غير تقفيلة باب الغرفه..
زادت ابتسامته..ورجع لوضعه..واخذ الكوب بين ايدينه ..لمساتها كانت بهالكوب..
حتى عطرها كان عالق اثره..
يعني هي لازالت تحبــه..!!
واكيد يقدر يتقدم خطوه اخرى..بدون العايب ومراوغة وخطط ومكابره..!
شرب اكثـر وهو مستمتع بالنتيجه اللي توصل لها..ومااكتفى.. وظل يشرب ويشرب وهو مو عارف مذاقه الحلو..والا الأيد اللي صنعته هي الأحلى,,
============
"تتجاهله"
..طول هالأيام تتجاهله..وتتمناه يبعـد لآخر مدى لجل تتنفس براحه,,لجل مايلاحظ ابتسامتها الخجوله..لجل تبان طبيعيه وماتظهر حبها له..!!
الكل ملاحظ تغيرهـا..سرحانها..ابتسامتها..توترها المستمر..نظراتها الحالمه..وصمتها اللي تطبع فيها..
كانت تحس انه الجميع متيقن انها تحـب..وحبها مبعثـر تصرفاتها...لكن كل هذه كانت تهيؤات ليس لها وجود وهي الوحيده اللي خلقتها..
تتمنى تكون بهاللحظات قرب صديقاتها وتحكي لهم عن مشاعرها .
وينورونها هل اللي تحس فيه صحيح ام لا!؟..واولهم لولو..لولو اللي تعبت وهي تتصل على تلفونها وماتحصل رد شافي منها,,
طارق\مستر انت َ..فيك..شي!!
اغلقت التلفون ووضعته بحقيبتها المركونه على الكرسي\لا...ابدا...
سكت وهو بداخله كلام..كلام مبهم..غير مرتب..جاهل صحته ..
انشغل بلوحـته..وهو يحس بتصرفاتها الغريبه..
طرت على باله فكره..وعلى طول اسرع بقولها
طارق\بكره بنعمل عرض لأول جزء من المسرحيه..قبل نهاية العام..ودك تحظرينها!
جاوبت بسرعه وبحده\لااا..
ناظرها مستغرب من رفضها القاطع..
حنان خففت من حدة صوتها\قصدي..انا مشغوله طول النهار بكره..
طارق\براحتك..
ماعقبت على رده..وصمتوا الطرفين..
وبعد برهه..
طارق\رايح الكافتريا تبغين شي معين.,!
حنان\لا..شكرا..
طارق\حناااان..
كان اول مره ينطق اسمهــا..
طارق\انتي طول هاليومين غريبه اطباعك..فيك شيء..
التفت له\ليه مهتم!
ماتعرف كيف قالت هالكلام!!الجمله خرجت من فمها بدون شعور ..
هي المفروض ماتحكي معاه..لأنه وبكل بساطه ماتعودت تحكي مع غريب..بس طارق غير..
طارق اصبحت تلتقي فيه بشكل يومي بالمحاظرات وايضا بالنشاط...وشافت فيه فارس احلامها..
ونتيجة هالشيء وقعت بحبـــه..
واصبحت جريئه بحديثهـا...
"طارق انت لخبطت كياني..
حنان\سوري..انا اليوم تعبانه شوي..
ابتسم..وابتسامته كان لها الف معنى..واهم المعاني انها بدأت تقع بشباكه..
:
حنان حبت طارق ومتيقنه انه الحب من طرفين..لكن طارق هل فعلا بيحب حنان!
مانوع الخطوه اللي بيقدم عليها مصعب!!
سامي طلق لولو ..معقوله انتهى دوره بالقصه!
عايشه رفضت عثمان..هل بترضى بهذه العلاقه مع امها!!
|