الجزء الخامس عشر
:::للحب حــــدود:::
-----------------------
" نهاية حُب"
كانت بعالم الهروب والنسيان..البعد والغفوه المؤقته..
تاركه خلفها فوضى عارمه من صنع ايديها الثائره..واحداث ليلة امس بجميع تفاصيلها الأليمه تصارعها بغوفتها البسيطه واستطاعت ازعاجها واوقاظها من جاثوم حبس انفاسها وزاد تعكير على كوابيسها,,
استقظيت والدموع عالقه اثرها على عظمة خدينها..وايدها الصغيره حاظنه عنقها وتجاهد على اخذ اكبر نفس ممكن بعد ماصارعت الموت المؤقت..
كيف استطاعت تغلب الكوابيس والجاثوم اللي كتم انفاسها..!!هذه اكيد نعمه من ربهـا!
الحياه حلوه..هذا اللي اكتشفتها بهذه اللحظات..!لكن أي حياه بتواجهها واي غد بتعيشه وهي خسرت انسان وهبته حبها وخان!!؟؟
معقوله اللي يحدث لها..!
معقوله اللي حصل ليلة امس!
سامي متزوج بنت عمه!
سامي مريض!
سامي كذب عليها..
الآن توضحت كل الطلاسيم اللي تحيطه..وانكشف على حقيقته..!
ومو غريب عليه لو كذب عليها حتى بحبه!!
لكن ليه تزوجها..ليه علقها وهو عارف مرضه!!
بنات الناس مو لعبه ياخاين..!
وقلوب العذاري طعنتها وتلذذت بتعذيبهـا!
وياريتك وضحت لي اسبابك..ظليت ساكت ورضيت بجريمتك..!
قتلتني ياخاين!
بكت وهي تتذكر كل اللي حدث..وكيف انتهى امرها بغرفتها اللي في بيت اهلها,,غرفتها اللي اصبحت دمااار وكل جزء فيها متكسر ومرمي مثل غرفتها اللي في بيتها..بيتها اللي عاشت فيه الحلو والمر مع سامي!
قامت من على سريرها وهي رافعه اصابع ارجلها خوفا من وخز اي قطعة زجاج متناثره بوسط الغرفه..
رفعت السماعه وطلبت خادمتها فورا توضب هذه الفوضى..وكانوا الخدم على علم بوجود لولو ماعدا العنصر الأهم..امها مالاحظت وجودها..وهي مو كترثه اذا لاحظت او لا!!
دخلت دورة المياه واغتسلت بماء بارد ارجف عظامها بدل عن الدموع الحاره اللي خرقت قلبها قبل جسدها..
وتوضت وقضت الفجر وتتلوها الظهر..وبااقل من خمس دقائق لبست ملابسها وكانت بالسياره متوجهه عند اهل القلب الحنون..فريده..
كان الباب مفتوح دوما وابدا..دخلت وهي تسرع من خطواتها وكان الجميع مجتمع بالصاله ماعدا فريده..تجاهلت الكل ورمت نفسها على خالتها وانفجرت تبكي..
""""""
شعرت بصوت مألوف لها..حاولت تميزه..هذا صوت بكاء.. وماخاب شعورها لمن لاحظت لولو ملقيه نفسها على احظان امها..ارتعبت بخوف..
وصرخت معبره\لولو.يمه..شفيكم..!
لولو\سساامـــ ـــي..وووو..انــا ..عالـ اا آآآهه
تخالط بكائها بصوتها المرتجف والمتقطع..ولا احد فهم حكيها..
هيا\يمه لولو..اهدي ..مو لازم تحكين اللحين..بدور جيبي ماي لبنت خالتك..
بدور حظنت حمودي اللي حاملته وتوجهت للمطبخ..
بهذه اللحظه كانت فريده بقمة عصبيتها..صعب عليها تشوف ادمع بنت خالتها وهي واقفه وملزومه تتبع اوامر امها وتصمت لحين ماتهدأ
جلست على الكنب وارجلها الحافيه تضرب الأرض بتوتر ..
شربت لولو قليل من الماء..وامرت هيا بدور تاخذ اخواتها ويدخلون غرفهم ماعدى فريده اللي ظلت تتفحص ملامح بنت خالتها لعل وعسى تكتشف سبب حظورها وبكائها..!
==========
"اول المؤامرات..بأخر النهار"
هذا مرادها..تتشاجر معها لجل تكون هي بموضع الغلط..وبالمقابل تبرىء نفسها..!
لكن هي اكبر من كذا..وبتعاملها كطفله تتدلل بلعبتها..!
الاء\يعني شوا..!ضاعت فجأه..!
حنان\عندي نشاط بعد ربع ساعه..واذا ظليت معاكي بتفوتني..!
الاء\ذنبك انك بتروحي معي للجامعه..حركي نفسك ..انتي مابتعملي أي اشي بالبيت..!
حنان بهداوة بال\طب البسي غيرها..لازم هاد البنطلون..!كبتك مليان بناطيل..!
الاء ثارت بدون سبب مقترف\شو...تحسديني على ملابسي..انا عارفه انك مقهوره مني وتتمنين تكونين متلي لكن حسد متل هيك مابحياتي شفت!
كانت صابره على اهاناتها وحقدها وغرورها طول هالمده..لكن تقولها على شيء هي مااكترثت له..صعب جدا عليها.!..كانت بترد عليها رد اقوى...وبتعملها انها مو ضعيفه مثل ماتفتكر لكن تذكرت عمها وعمتها ..هم مايستاهلوا ابدا وجع الراس...وكثر خيرهم انها ساكنه في بيتهم..
حنان\استغفر الله العظيم..
الاء\شو ست حنان ..ماعجبك كلامي..!
حنان\الاء احكي من الأخر بتروحي الجامعه والا لا!
الاء علت صوتها بقصد\مو رايحه..وان شاء الله يفوتك كل شيء وتموتي حره..!
حنان اتفاجأت من هالحقد الكبير فردت بدون شعور\وانتي كمان..!
الا\انتي قليلة ادب..!
حنان\وانتي انسانه وقحه..!
منار\حناااااااااااااان..
من اول ملاحظت الاء دخول امها خففت نبرة صوتها وادعت البكاء وهرولت لها\ماما شفتي بعينك كيف اللي بتحبوها غير متربيه..!
صفاء بااسلوب صارم\ولا كلمه..
حنان\عمتي هي اللي بدأت..
صفاء\وانتي كمان مو حابه اسمع منك كلمه..ماتوقعت منك حكي متل هيك ابداااا..!
حنان\عمتي ورب الكعبه اانـ
قاطعتها بنبره قاسيه\انتي مابتفهمي..مابدي اسمع منك ولا كلمه..
مااستحملت حنان الأهانه..ولا الظلم..خرجت بعيد عنهم....ودخلت غرفتها واقفلت الباب,,.ورمت نفسها على السرير وناظرت الحمامه اللي حركت جناحيها وكأنها حاسه بالمها..
خنقت عبرتها اللي توسطت بلعومها وكررت مصره\مااراح ابكي..ماااراح ابكي..انا اكبر من هيك..انا اكبر من هييك..
=========
"سنشد الرحال غدا"
بعد ماهدأت حكت امام خالتها..صحيح انها حست بالحرج..وبالأسى..لكن كلام خالتها طمنها رغم تشتها..
هيا\اتفقنا..لاتخلين الشيطان يعمي بصرك..وشيللي فكرة الطلاق من راسك..واذا ودك ترتاحين يومين في بيت اهلك لك الحق...
فريده\طيب يمه..لازم خالتي بدريه تعرف..
هيا\خالتك متضايقه من سفرة مصعب..ومانبي نزيد حملها اكثر..!
مسحت دموع لولو دموعها\اي سفرة!
فريده\انتي شكلك ماتعرفين اخر المستجدات!
دق جرس البيت..
هيا\فريده خذي بنت خالتك ودخلوا غرفتك .هذه اكيد بدريه..
فريده\قومي اعلمك داخل..
""
جلست لولو عالسرير\ايش الموضوع!!
قربت فريده منها لغاية مااصبحت امامها\اولا.."ومسحت دموعها ..هذه ماابيها,,
حركة فريدة العفويه..فجرت سيل من الدموع على خد لولو..
عقدت فريده حواجبها \تفهمين هندي انتي..اقولك ماابي اشوف دموع!
لولو\غصبن عني اللي صار لي مو شويه..
فريده\تعرفين..انا من البدايه حاسه انه سامي مخبي بقلبه سر كبير..لكن ماتوقعت المساله توصل لزواجه من بنت عمه..ولا حتى ضعفه ..
لولو\اللحين اكتشتفت كل شيء..اللحين عرفت ليش هو يبعد عني ويتحاشاني..تدرين فريده..سامي حطمني..خدش انوثتي..خلاني اشك بنفسي..والحقيره بنت عمه قالت لي انا طلبت الخلع لمن عرفت انه انسان عاجز..!ذبحتني بكلامها..آآه يافريده احس اني بموووت من الحرقه..واللي جنني انه مابرر موقفه ويوم طلعت من البيت مافكر يلحقني..او حتى يعتذر مني..!!
فريده\الجبان..النذل..!!
لولو\خلاااص..لاتذكريني بالموضوع ابي انسى شوي..وافكر باللي قالته امك..!قولي اللحين ايش فيه مصعب!
فريده\اخوك المحترم سافر وعلقنا..
لولو تفاجات\سافر..!؟كيف..وشلون!!ومكه!
فريده اخذت نفس وجلست جنبها\مو عارفه..
لولو\عشان كذا امي جت لعندكم..!
فريده\اكيد..على كلام امك تقول انه احتمال يرجع الليله..!
لولو\واذا مارجع..الحل!!
فريده\مو عارفه..اللي كاسر خاطري خواتي..ماتتخيلين قد ايش هم متحمسين للسفره..ويوم عرفوا انه احتمال مانسافر التوأمين ظلوا يبكون طول اليوم..والباقي انطفى حماسهم..!اخوك هز البيت بسفرته المفاجأه..!
لولو \كل الرجال نذلين!
فريده بالم ردت\توك تعرفين!!
لولو\كنت اعرف لكن انا الغبيه اللي جريت خلف المال والشهره..!!
فريده\ندمانه!!
لولو حسيت بالحيره والضياع\مدري..مدري..!
فريده\هذا صوت امي..تنادينا..!
مسحت لولو وجهها وجمعت خصلات شعرها المتبعثره خلف اذنها..وظبطت ملابسها\قومي نشوف ايش الموضوع!
فريده\وين نروح وانتي بهالحاله المزريه..عيونك متورمه من البكي..
لولو\ماعليك..مااراح تلاحظ امي..
فريده\واذا سألتك ليه جايه!
لولو\بقول لها سامي مسافر..
دخلوا الصاله على نهاية النقاش واهم حدث..
بدريه\بكره طيارتنا ..ومو منتظرين كرم منه..السفره ماراح نلغيها ..وخلي اللي راح لهم ينفعه!
هيا\اللي تشوفينه يااختي..وتبغين الصراحه كلنا ودنا نروح..بس مثل ماقلت لك انتوا بالطياره...وبو محمد حجز لنا بالنقل..
بدريه\ليه ياهيا انـ
قاطعتها فريده\السلام عليكم..
سلمت فريده على خالتها اللي تفاجأت من وجود بنتها بوقت الظهريه
بدريه\لولو انتي هنا..!
لولو\ايه يمه..كنت طالعه مع فريده مشوار..
بدريه\وسامي.وينه..
رمقت لولو فريده بنظرة لأنها كانت صائبه بكلامها\مسافر...وبيغيب اسبوعين..
فريده حبيت تنهي الموضوع\خالتي مثل ماقالت لك امي حنا بنسافر بالنقل الجماعي..وماله داعي نكلف عليكم..
بدريه\ماارح اردك يابنت اختي...بس على شرط الفندق على حسابي..
فريده وضعت نفسها بموقف محرج!وخصوصا مع جملة خالتها الأخيره..! من قلة الذوق انها ترفض ولو نقول طلبها وليس امرها..!..فكرت لبرهه برد يرفع الحرج عن الطرفين!..وابتسمت بدهاء وهي تقول\الشور بأيد امي ياخالتي!
بدريه كانت متوقعه مثل هالرد واكثر..بنت اختها وتعرف كرامتها\وش قلتي ياهيا..
هيا\مقدر اردك هالمره يااختي..
بدريه ناظرت بنت اختها\على كذا احنا متفقين..بكره ان شاء الله السفر..
لولو\لحظه..
التفت لها الجميع..ينتظرون اكمال حديثها..
لولو بكل عزيمه ردت\انا بكره بسافر معكم..!
=========
"بعد ماحلّ الليل..كانت هناك مكالمه.."
:
فريده\صوتك مو عاجبني!
فريده\حبيبتي الدلوعه..شوفيها!
فريده\لا لا لا..واضح انك زعلك كبير!
فريده\طيب حني علينا..نبقى نسمع صوتك..طيب ولايهمك..ظحكه وحده منك..طيب ابتسمي..ابتسمي لخاطري!..ابتسمي يالشييييييييييينه..
هذه فريده..وهذا اسلوبها..مثل اقحوانة عطر..لا لا هي شمس تنور على احبائها..لا هي اجمل من كذا..هي حمامة السلام اللي تصلح وتسامح وتنصت وتعاون وتخلق البسمه بوجه الجميع..هي فريده..ومابعدها فريد!
بكل مشاعر جياشه ردت عايشه\فريده..احبك..
فريده\وانا احبك واحبك..بس تكفين بلاها هالسلبيه..حبيبتي انتي باول الطريق..بادري بخطوه..لاتنتظرين حد يخطيها غيرك..ناظلي..وجاهدي لجل تتوصلين لمرادك..!..انتي قدها..مو هذا كلامك..!
عايشه\قدها..لاتلوميني..كل اللي اشوفه منها احس واجب..ورد اعتبار!
فريده\سميها مثل ماتحبين.بس تذكري انها مهما فعلت..هذه امك..امك والجنه تحت اقدامها..اوصليها..حبيبيها فيك..اعطيها مشاعرك حنانك عطفك وحبك..صدقيني بمشاعر عايشه التي لاتقاوم بيحن الصخر..انتي شاكه بقدراتك يابنت..انتي عايشه..الكاتبه عايشه جهاد..شكلك نسيتي انا الكاتب يعطي وماينتظر مقابل..!
حست بروحها ترجع من جديد..باانفاسها وهي تتطلع الى الحياه..وبجسر الأمل الذي ينتظر ارادتها..
عايشه\تعرفين انا مو راجعه الا و ماخذه وعد منها انها ترد لي الزياره..!..
فريده\ايه..هذه عواشي اللي اعرفها..!
عايشه\من اول ماشفتها انجرفت بمشاعري..وناديتها يمه ..يمه يمه لاتتركيني..يمه انا ضعت وانتي ماتدرين..يمه انا ولاشيء ببعدك..ولاشيء..سالت دموعها وهي تكمل.."وماكنت عارفه هل هي سمعتني...حست بدقات قلبي..شعرت بالدم اللي ضخ بوجهي..ولمست رجفات ايديني..والشوق اللي انهمر بعيوني..فريده انا حالي تبدل..وقلبي وضعته بين ايديني..ابيها بس..بس تحس..اني جيتها وانا ضايعه..محطمه حزينه..ليش ماتحس فيني.!؟
نسيت ابوي..عمتي..انتم! فرغت نفسي لها...وكلي امل انها تعطيني قليل من حبها..فريده امس قالت لي حبيبتي..لكن تصدقين ماحسيت فيها..ناظرت عيونها..كنت ابي اشوف الحب..يمكن هي من النوع اللي ماتظهر مشاعرها..لكن تدرين ايش شفت..شفت برود..جفاف..وانشغال..كرهت كلمة حبيبتي وكرهت حالي..وظليت بغرفتي ابكي مثل المجنونه لغاية مانمت بدون مااشعر..ومو بس كذا..رجعت لي الكوابيس الحقيره..حتى اني..انـي عملتها على نفسي..بنت بتدخل 19 سنه..وهي لازالت طفله...
فريده.ماعرفت أي كلمه ممكن تقال هاللحظه..عايشة مسكينه..حالها يفطر القلب..كل صاحباتها يعانون..حتى هي تعاني لكن مافكرت تحكي!حبت الصمت..الصمت مريح ومعذب بنفس الوقت..!
عايشه\فريده..انا بسكر اللحين!
فريده\لا..مستحيل اخليك تسكرين وانتي متضايقه!
عايشه\مين قالك..انا ارتحت لأني فرغت كل همي لك.والا كان انا لازالت ابكي على وسادتي المسكينه....فريده ادعي لي..ادعي قدام الكعبه انا ربي يصبرني..ويغفرلي زلاتي..!
فريده\من عيوني..ولايهمك..
عايشه\اذا وصلتي حاكيني..مظطره اسكر اللحين..
فريده\طيب مو مشكله
عايشه\سلمي لي على لولو..وقولي لها قلبي وياك..!
فريده\ان شاء الله
عايشه\بحفظ الله مع السلامه
فريده\مع السلامه..
=========
"حدود"
استغرب من غيابها امس..مو من عوايدها تتعذر عن أي محاظره فكيف لو كان نشاط هو جزء من طموحها!
واللاب سيبدأ الآن..وهي لازالت مختفيه!
حمدي\شو بك تتطلع بساعاتك..!منتظر حدا!
ناظر باب القاعه ورجع يرمق نظره خاطفه لساعته\لا..ابدا..!
حمدي\كداب!
طارق\وبعدين معك يعني لازم اقولك منتظرها..!
حمدي\يعني لهلأ انت على خطتك..!
طارق بكل ثقه رد\اكييد..
حمدي\ووين وصلت!!
طارق ماكان عنده رد..هو وين بيوصل مو عارف..لكن اللي يعرفه انه بيرد كرامته بطريقته\مو عارف!
حمدي\غريب انت!
طارق\تصدق اول امس شفتها اشتركت بالنشاط..
تحمس حمدي\والله وبدى اللعب صح
طارق ابتسم بخبث\يافاهمني ياانت!
حمدي\ايجت!
التفت طارق لمكان الباب ولاحظها تمشي بخطوات واثقه وهي تشد من كتابها ونظراتها كانت ثاقبه وللأمام
وبتلقائيه انرسمت بسمه على ثغره ..وماكان يدري هل هذا من ضمن التمثيليه..ام شعور عفوي..!
حمدي\لاااء..انتي ناوي تكركبها تمام..ليك لو اني مو صاحبك كان ماعرفت انك عم تمثل..!
طارق\خل التمثيل..وضربه على كتفه..لأصحابه..
حمدي\انصحك انك ترجع لطبيعتك..سوسن ايجت..
قطب طارق حواجبه لمن سمع صوت كعب سوسن يضرب الأرض قبل اقترابها..!
سوسن\مرحبا شباب
طارق+حسن\مرحبا..
سوسن\طارق بليز بدي واجبك..انشغلت البارحه وماعملته..!
حمدي همس باذن طارق\انشغلت بخرجاتها
ناولها طارق الكراسه\تفضلي..وهذا قلم مجانا..
سوسن\تؤبرني شو طيب..
ابتدأ اللاب وانقسموا مجموعات..طارق كان مع سوسن فعلا..لكن بين كل فتره يرسل نظره مميزه كفيله باارجاف ايد حنان وهي تخط على اللوح..واستمر على هذا الوضع حتى بالنشاط..وبنهاية النهار..ماقدر يمنع نفسه من السؤال,,
طارق\مستر انتَ امس كنتي غايبه..عسى المانع خير!
على الرغم انه سؤاله امتزج بين السخريه والأهتمام وهي ضاعت بين الأمرين..لكن رجع لها ذكرى سيئه قطبت فيها حواجبها..
طارق ادعى البرائه\عذرا..شكلي تعديت حدودي..
حنان\لا ابدا..بسـ اممم كان عندي ظرف بمواصلاتي..
طارق نزل القلم وناظرها\اها..
حنان\امممم ممكن سؤال..!
راقت له طريقة كلامها..وادبها..وخصوصا الـ امممم
طارق\تفضلي,,
حنان\ليش هالكوره دوم ملازمتك..!
سكت لحظات..وهي على طول ردت مثل رده السابق\عذرا..شكلي تعديت حدودي..
طارق ابتسم لها \لا ابدا..بس هذه من شخص غالي..اختي..
حنان\الله يخليها اياك..
طارق باليه رد\وانتي كمان..
حنان\انا شوا..
طارق تعمد يصمت ثواني..ثم رد\....ولاشي..
حنان\طيب..
طارق رفع حاجب\طيب..
حنان\طيييب..
رجعت للوح..وهي تسب نفسها..!ليه هي غبيه اذا حظر..وبريئه اذا تحدث..وهبله اذ اردت..
طارق\هههههه
حنان بدون ماتناظره\مستر انتِ ليه عم تضحك..!
طارق\ولا شي..
حنان\بلا1
طارق\شوا!!
حنان تعمدت تصمت ثواني..ثم ردت\....ولااشي..
طارق\اوكي تعادلنا..
حنان\يييييه تأخرت..الدبه اكيد راحت عني..
لملمت اغراضها..وهي تناظر ساعتها..
طارق\مين الدبه!
حنان اعطته نظره كأنها تقوله "اعطيتك وجه"
طارق \عذرا.."وابتسم وهو يكمل..شكلي تعديت حدودي..!
تجاهلت رده ومشت..وقبل ماتخرج قالت\لا ابدا...وخرجت..
=========
|