"صباح جديد..ووجه جديد"
كانت مطالبه بان تختار لغه اضافيه اعتماد على نظام دراستها..
وبدون تفكير وبرتابه وهودنه بآن واحد..اختارت "العبريهّ"..ازهار تفاجأئت من اختيارها..فالأغلبيه يختارون..الفرنسيه..او التركيه..او الأيطاليه..او أي لغه اخرى تزيد من خبرتهم في مجال عملهم..ماعدا العبريه..الا اذا كانوا يهود..!لكن هي فنظرتها بعيده..وقلبها لم يغمد جرحه..ولن يفهم احد سبب اختيارها الا هي..!
وهاهي اليوم تحظر اول محاظره وهي وسط حشد من اليهود الخونه..اليهود اللي عرفتهم من القحفيه التي تتوسط رأسهم..والأصفرار الذي قبحّ ملامحهم..وحديثهم الذي كان كالطلاسم يجلب الحمل الثقيل للقلب وكأنه اساس وجوده ان يكون بلا معنى..
كانت تناظرهم بنظرات ثائره وتنزف وعيد وحقد..حست انها حنان جديده..حنان الفلسطينيه التي تفدي وطنها بروحها مقابل تنفس هواء مستوطن..قلبها كان ينطق بالويل..الويل لأولئك الأشرار الذين استوطنوا ديارهم...ودمروا بيوتهم...وسفكوا دمائهم..واغتصبوا اطفالهم بدون حق..وبكل عجرفه ومجن..!
قامت من مقعدها بفخر وعزه وهي تعلم انها الوحيده بينهم المسلمه وهم الجبناء القرده الخنازير..وخرجت من القاعه وهي لاتعلم أي قوه اكتسبتها وهي بينهم..جلست تحت اقرب شجره تستمد منها الظل وفتحت كتابها وبقلبها غل شديد عليهم,!
عام 620
"في هذا العام الشريف حدث الأسراء والمعارج الذي كان من بيت المقدس..فنزلت تلك الأيه(سبحان الذي اسرى بعبَده من المسجد الحرام الى المسجد القسى الذي باركنا حوله لنريه من اياتنا انه هو السميع البصير)
هذه الحادثه كانت اكبر لفته في تاريخنا الأسلامي..عرج النبي به الى السموات العلا ..وبهذه المرحله سال عن عدد الرسال قال ثلاثة مائه..وسئل عدد الأنبياء وقال مائه واربعه وعشرون الفا..فهذه الأعداد الهائلع من النبياء اعادهم الله تعالى الى الحايه ليجتمعوا لأول مره في ذلك المكان الطاهر وقد اختاروا لهم الله هذا المكان لشرفه وعظيم منزلته فهو مهبط الوحي وارض الرسالات ..والرسال جميعا باامامة النبي عليه افضل الصلاه والسلام..فكانت تلك اعظ صلاه في التاريخ.,.
وايضا بعهد الخلفاء الراشدين..استمر عمر في تجواله باحثا عن المسجد الأقصى فلم يجده فسأل عنه البطريرك فقال له اهو الذي كان يعظمه اليهود!!قال نعم..فدله عليه..فوجده وقد حوله اليهود الى مكان لألتقاء القمامه والقذاره فشمر عمر بن الخطاب ساعديه وبدأ يكنس وينظفه فملا رأي القاده والجند ذلك تجمعوا وبدأو ينظفون المسجد ..ثم اخذ عمر عباءته فصلى عليها ثم تركها هناك فكانت اول صلاه للمسلمين في المسجد الأقصى بعد النبى عليه السلام..صلى ركعتين في الركعه الأولى صورة "ص"وفي الثانيه سورة الأسراء تعظيما لهذا المكان..ثم امر عمر ببناء المسجد بعد المزبله التي كانت فيه فبناه المسلمون من خشب يتسع ثلاث الاف مصل,,واخذ المسلمون يتوافدون في هذا المكان المبارك.. "
"حنان..وينك انتي..تأخرنا على المحاظره"
اغلقت حنان الكتاب ورفعت نظرها لأزهار..وقالت بدون شعور\ازهار..بكرهم.!
عقدت ازهار حواجبها بااستغراب\مين!
حنان\بكره اليهود..
ازهار كانت سورية الجنسيه\حتى انا بكرههم..بس شو بنعمل اكثر من قول هيك كلمه..!
وقفت على طولها ونفضت حبيبات التراب اللي تعلقت بملابسها\بنعمل كتيير..وبنحاربهم لكن بلغه تانيه..!وتحركت ارجلها بالأرض بثبات..
جارتها ازهار الحركه \عشان هيك انتي بتدرسي لغتهم..!
حنان\بالظبط..انا بدي اعرف كل شيء عنهم..!!وبهالمدخل بهاجمهم..!
ازهار\بتتعبي..عملوها غيرك..!
حنان بدون اكتراث وبعزيمه كبيره ردت\بتعب..حتى لو رجعت خايبه..بيكفي اني مت وانا عملت لو القليل لبلادي..على الأقل بموت وانا مرتاحه..!
ازهار عجبتها نظرة الأصرار اللي بعيون صاحبتها..وحست شكثر غاليه هالبلد عليها ..غاليه بالرغم انها كل مالها وتزيد هلاك ودمار..لكن الأصيل بيظل اصيـل..!
زاد تمسكها بحنان..وفرحة بصحبة هالبنت الوفيه..اللي مانست دمها وكل خليه فيها ينبض بااسم وطن عيا ينلم..لكن بعيون وروح وقلب حنان..الأمل موجود..!
:::
من جهه اخرى..كان على اتم الأستعداد في اداء تمثيليه وهواستاذ فيها..!تمثيليه ممكن ترد من كرامته المرفوعه.. وتلعب بمشاعر انسانه ..
ظبط ياقة بلوزته بلون الأورنج..وتخالط معها بشكل مربعات اللون الأخضر..وبنطلونه كان من قماش الشمواه البني الداكن..
وشعره ماكان محتاج منه غير لمسه لجل يرتب الشعيرات المتمرده بجبينه العريض..
حمدي\مسكين..مين يطيح براسك.!
طارق\سكين ان شاء الله..
حمدي\اجت..
ارخى طارق ارجله على الأرض بعد ماكانت مرفوعه على طاولة الكلاس ورفع نظره لمكان الباب..ولاحظ مشيتها الهادئه والبراءه اللي تطفر من وجهها..شعر بوخز من تأنيب الضمير لكن مااسرع ماقتل هالشعور والقى عليها ابتسامه حنونه تدل على رقة صاحبها..ومثل ماتوقع لاحظته وظلت تطلع المدرج وهي مثل كل مره تناظر فيه وكأنها تعرفه..واثناء مااقتربت منه اخرج رجله بحركه سريعه ومنع مشيها وهو لازال يقذف ابتسامته الحنونه لها..
تفاجائت من حركته وناظرت ازهار اللي تشاركها الذهول..وحبت ترفع الحرج عن صديقتها..
ازهار\ممكن طارق..!
مارفع نظره عنها ولارمشت عيونه..تأملها اكثر وهي شعرت انه يخترقها بهالنظرات..انتظر ثواني بسيطه وكان قاصد يوترها سحب نفس قوي وزفـر بصوت مسموع وطوييل..ثم اردف بنبره هادئه وخافته\تفضلوا..وابعد رجله..
تحركت بسرعـه وابتعدت عنه وهي تحس انها دخلت بسحره..وقلبها يزيد بدقه بدون سبب.,.!
=========
"صباح حار..وقرار احرّ لارجعه له"
فكر بحواره مع عمته طول الليل..كان كلامها منطقي ومقنع ومؤثر ..في اشياء كثيره كان جاهلها ولأول مره يستشعر بواقعيتها,,! عمته تاخرت كثير..كان وحيد تايه على مفترق طريقين..واحد اساسه الشهره والفن والطموح..والثاني طريق بائس رمادي مرّ الطعم..!وبعد مااختار الطريق الأول وحياته في صعود عظيم وكبير دخلت عمته عالمه وتوالت عليه بالنصائح والتذكير بالأخره..!لكن بعد ايش؟؟
صعب عليه يرجع للطريق القديم بعد ماعاش ملك صوته..!
صحيح تمرّ عليه نغزات مؤلمه ومخاوف تهاجمه كل ماتذكر نهايه هذا الطريق,,لكن حلاوة الفن عمت بصره واغلقت قلبه بااحصنه جباره..وفعلا اذا قيل الغناء والقران لايجتمعون في قلب المسلم!؟
تذكر امه وزعلها المبرح..كيف بيراضيهـا.!ليه رافضه تفهم انه كبير على توجيه النصايح والسير خلف طلباتهـا..ياما حاول يجتهد بدراسته لأجلها والنتجيه كان مخزيه جدا..!ليه مايتركونه بسلام امام القرار اللي انصف حياته ورفعها للقمه.!يتمنى يرحل بعيد عنهم وعن تذمراتهم لكن هو عارف انه مرده راجع لهم..واكبر دليل كان يعد الأيام بمصر لأجل يوصل لهم..صحيح يكابر..ويتظاهر بالجمود والبرود امامهم..لكن قلبه طفـل يحنّ لهم!!
وهو مارجع السعوديه لجل يكون بعيد عنهم ويسكن بفنقد وبيته مفتوح..بيحاول التقرب منهم وبالنهايه بيستسلمون وبيتعبون الحاح بالموضوع..وبكذا بينتهي القلق وهو بيعيش يومه براحه بال..براحة بال مع احبابه..واولهم ذيك الطفله المجنونه الغاليه عليه..!
كبرت..وحلوت..هذا ردة فعله من شافها..كل افكارها تلخبطت من التقى فيها..وحتى هي كان حاس بااظطرابها..كان متوقع تجيه ضربه علي رأسه من لبسها النظاره ولمس بدون قصد وجهها..او حتى سبه محترمه منها..لكن ردة فعلها اذهلته..تركت يعاصر مشاعره لوحده..واختفت عن مرأى عيونه..
كانت طفله..لا..ملكه..لا..حوريه..!
ايش اللي غيرك يافريد!!
تذكر نظارتها....ياما ظحك عليها واستهزء فيها وهي لابستهــا..اخذها من الدرج ولمسها برقه بكل ناحيه..وتخيل شكها وهي لابستها.. غمض عيونه وابتسم من هول المشاعر اللي اقتحمته هاللحظه ... جميله حتى لو لبست اكبر منها..قرر يصلحها..وبالمره يعطيها الهديه معها..!وبيشوف وش بتكون ردة فعلها هالمره..!
طرت على باله فكره راودته هاللحظه.. تذكر الحاح امه عليها..وبالمره ياخذ خالته معاه..ولأجل يطبقها..توجه لأخته في بيتهـا..
عشر دقايق وضرب بوري وفتح له الحارس البوابه ومشى بالسياره لغاية ماوصل للباب الرئيسي..
ترجل من السياره ودق تلفون لأخته اللي ردت من اول رنه,.
مصعب\هلا لولو..افتحي لي الباب..انا تحت..
لولو ظلت ثواني لجل تستوعب كلامه\تحت..!..ضربت جبينها بغباء..اوكي جايه..واغلقت السماعه..
دقايق وفتحت الباب..
لولو\اهلين..توه مانور البيت..
تقدم لها وصافحها\منور بااصحابه..كيفك..
لولو\الحمدلله..
مصعب علق ساخر\بتخليني واقف كثير..
اتسعت عيون لولو وبسرعه ضاقت بااحراج\سوري..نسيت..تفضل,,
دخلوا مع بعض..وهو بتلقائيه جال نظره على الديكورات العصريه اللي مصبوغه باللون الأبيض واللون الرمادي كان دخيل عليها بشكل بسيط..وعجبه بشده تصميم البيت..
مصعب\سامي موجود..!!
لولو\ايه..بينزل عشان يلحق على المصنع
جلسوا بكنبات الصاله المتوسطه البيت وحوالينها جميع غرف الدور الأرضي..
مصعب\حلو...زين اني لحقت عليه..
لولو اخذت سماعة التلفون\تشرب شي معين..
مصعب\لا..
لولو\مايصير..فردوس جيبي اثنين عصير,,
مصعب\ومن متى لولو اختي تشرب عصير!!
لولو ابتسمت لكلامه\من زمان..
ظحك ساخر\ههههههه اشك بصراحه..
نزل على ضحكاتهم سامي من الدرج وهو يبتسم بوجه مصعب ويرحب فيه..لمن وصل له وصافحه..
صمعب\كيف حالك يالنسيب!
سامي\الحمدلله بخير وصحه..انت وش علومك..طمني عنك!
مصعب\الحمدلله..عايشين بهالدنيـأ..
سامي لأول مره يلتفت لولو من نزل\ماخبرتيني انه اخوك موجود..!
لولو ببرود ردت\ماجا على بالي..
سامي رجع يناظر مصعب\المهم والله ودي اجل معك من زمان عن سوالفك لكن متأخر ووراي شغل!
مصعب\لا عادي..انا عارف اختي سبب تأخيرك..وابتسم بمكر..
سامي جاراه الأبتسامه\كأنك عارف..
ناظرت فيهم اثنينهم..وبانت الخيبه بوجهها..مسكين اخوها مو فاهم شيء..!
مصعب\يالله اجل مااعطلك..روح شغلك..!
سامي\افا تطردني من بيتي.!
مصعب بكل غرور رد\اذا ماعليك امر..!
سامي\طيب يامصعب نمشيها لك هالمره..
دخلت عليهم فردوس ووزعت العصير على مصعب..واخذ سامي الكاس الثاني بدون أي تردد. وشربه مره وحده...ولولو مقهوره من تصرفاته الهمجيه..!!
وقبل مايخرج صافح مصعب واقترب من لولو وطبع بوسه رقيقه على خدها..وخرج ووجه لولو اتقلب احمر قاني..اما مصعب ناظر اخته وابتسم بمكر وبنفس الوقت ارتاح نسبيا من سامي لأنه توقع يفتح معاه موضوع الغناء مثل الأغلبيه لكن اللي مايعرفه مصعب انه سامي مايحب يتدخل بمشاكل غيره وخصوصا بمثل هألأمور..ويمكن هذه صفه سيئه فيه..لكن مافي احد كامل.!
لولو\ايوه يامصعب..وش مناسبة هالزياره الغريبه!
مصعب\احلى شي فيك يااختي انك عارفتني مااحب الف وادور..
لولو اومأت رأسها\اكيييد..دمنا واحد..
مصعب\في بالي فكره يمكن امي زمان وهي تطلبها مني..ويمكن بهالأمر ترضى عني ولو شوي.
لولو\قبل ماتحكي..حبيت اكلمك عن الغناء..صحيح انا رفضت الموضوع ينفتح امس ويوجهون كل التهم عليك لكن بنفس الوقت انا رافضه المبدأ و
قاطعها مصعب بشده\شوفي لولو انا ماجيتك اليوم لجل تكملين محاظرة امك وخالتك..لأنك مهما قلتي انا مقتنع بقراري فاارجوك وفري كلامك..
لولو تنرفزت من كلام اخوها\بمعنى كلامك انك مازلت مصرّ
مصعب\وبشده..
لولو انخرس لسانها كيف بتقنعه وهو معارض حتى النقاش\الله يهديك..
مصعب ببرود رد\ادعيلي..يمكن ارجع على قولة لأمي لعقلي..
حست بسخريته اللاذعه..هذا اخوها ماتغير ابدا..لا في خيره ولا بـ شره..!
لولو\قول وش عندك!
مصعب\باخذ امي وخالتي لمكه.!
لولو تفاجئت من كلامه\نعـــمّ؟؟
==============
"ليت الأيام تعود يوما"
ناظر شكله بمراية غرفته الدائرية الشكل..وطوى يمين غترته وارخى اليسرى كعادته ومثل مايحب..كانت عقارب الساعه تشير 11 صباحاً وهو عارف عمه يحب يكون اول المصلين..!اخذ القليل من دهن العود..ومسح على اذنيه..وتعطر وخرج من غرفته على عجل..وابتسم لأخته اللي تدور باانحاء الصاله بجلابيتها الزيتيه وباايدها البخور..تقدم لها بمرح..
خالد\صباح الخير..
ردت له الأبتسامه لمياء \صباح النور..تفضل..ومدت له البخور..
خالد كان يحب جميع انوع العود والعطور العربيه..واهله عارفين ادمانه\يعطيك العافيه..انشغل بتبخير نفسه..واخته تتأمله بااعجاب...خالد حس فيها....فحب يمازحها..
خالد\معجبه الأخت..!
لمياء حركت عينيها يمين وياسر..وبالأخير ثبتت امام مرأى عينيه\موووت..
خالد ارخى اجفانه وملامحه تهل وسامه\شكرا..
لمياء غمضت عيونها وفتحتها بحركه اغرمت رسم الأبتسامه بوجه اخيها\العفو.تعال كل يوم..
خالد عاد لأسلوبه الطبيعي\اقول..ابوي راح المسجد!!
لمياء\من زمان..عشان يلحق على الخطبه بجامع الخبر..
خالد\الله يهديه ابوي..هذاك الجامع بعيد..
لمياء \هو مايرتاح الا بهذاك..هناك يشوف ربعه..!
رجع لها البخور\طيب..انا ماشي..باخذ عمي بومحمد
لمياء\غريبه..وين اخوه او سواقهم..!
خالد\ماعندي علم بالموضوع..بس اللي اعرفه انه حمد اخوه مسافر الرياض..يالله سلام..
عايشه\سلام..لاتنسى ادعيلي بصلاتك..عندي مادتين حملتهم..وابي انجح فيهم..والا الرسوب حليفي..
خالد\محد قالك ياكسلانه ماتذاكرين..!
لمياء ماعجبها الحكي فغيرت الموضوع\اقول..ادعيلي وانت ساكت..
خالد لبس نعاله اللي امام المدخل\يصير خير..ابي ارجع والغداء يجهز ورانا دوام..مو مثل بعض الناس توهم يفكرون ينامون..!
بان الحرج بعيون لمياء\بسوي نفسي ماسمعتك..وبعدين يااخي احنا بعطله..يعني نوم الظهر..وسهر بالليل..!
ظحك خالد لكلامها وخرج من البيت وكل تفكيره معها..!بيكون قريب وبيدخل مملكتها وهي البعيده..غريب امرهم...لمن ربي كتب له يقترب هي اللي بعدت!..لكن هو قنوع..وبيكتفي بهالقدر..!
دق الجرس وثواني وفتحت الباب الخدامه وعرفته وطلبت منه يدخل للمجلس لأنه بومحمد ينتظره..تأمل الحديقه لحظات..وتذكر طفولتهم ولعبهم وشجارهم بهالمكان اللي جمعهم..ليت الأيام تعود يوما..ويظل الطفل اللي حب براءه طفله..ومن هذاك اليوم وحبه يزيد بقلبه لمن فاض عاطفه..دخل المجلس والذكريات الجميله تداعب افكاره.. والقى السلام على بومحمد المستلقي على الكرسي المتحرك وتهلل وجهه اثناء مارأى خالد يتقدم له ويقبلّ راسه.
نزل لمستواه خالد وجلس على ركبتيه\شلونك ياعم..ان شا ءالله بخير..!
هزّ بومحمد راسه وهو يميل شفتيه بصعوبه..
ابتسم خالد بعطف وحنان له\وانا بخير..دامك بخير..وش رايك نمشي اللحين..اخاف اتأخر اكثر وتزعل علينا
ردّ له بومحمد الأبتسامه..واستقام خالد بوقفته ودف الكرسي بهدوء وهو يسولف مع عمه..وكان خالد طول سيره مشيا للمجلس يتحدث براحه وبومحمد منصت له ووجهه البشوش ردّ لأحاديث خالد الساره لغاية ماوصلوا للمسجد الذي مايبعد غير شارع عن الحي..
==========
"ملل بكل ماتحتويه الكلمه من معنى"
لأنها بتنفجر ملل وقهر..حبت تفرغ كل جنونها بخواتها..والا هم اصلا ايش اساس وجودهم بالحياه!
شدت شعرّ اختها بدور بخشونه وصرخت معبره\طفـــش..
بدور ابعدت شعرها عن ايد اختها \متوحشه..انا و شدخلني اذا انتي طفشانه!
قبل ماتهرول بدور هاربه مسكت اذنها ولوتها بقهر\ماغيرك المتوحش..وبعدين تعالي اذا ماطفرت فيك وفشيت خلقي فيك ياام شعر طويل اضرب مين!
بدور تأوهت متألمه\آآه يادوبه ضربي الجدران..قطعتي شعري وبعد تبين تخليني صمخه..!
فريد ظحكت بحراره\هههههههههه ياعليك زود..
بدور\اوريك يمــه شوفي بنتك الشريره..!
فريده وضعت رجل على رجل\لا بالله خرعتيني..اقول كولي عسل زين..
بدور\لوعتي كبدي بهالعسل..كوليه انتي..!
فريد\لااااه..انتي لسانك طويل هاليومين..!
بدور\اقول بس روحي تمقلي بمرايتك يمكن يكون في حبه طلعت بوجهك..!
حست بالأهانه من كلامها..رصت على اسنانها تطفي غضبها..وبتهور شدت شعر بدور مره اخرى..
بدور\آآآآآآآآآآي
دخلت عليهم الصاله رغد وهي تهرول فتحت التفلزيون وفررت المحطات لمن استقرت على msc3 وهبطت بالأرض وعيونها مشدوده باللي يعرض..
فريده عرفت انه رغد الضحيه الثانيه بعد بدور..ابتعدت عنها ووقفت على طولها..وببرود غيرت القناه ولاكأنها تشوف رغد ابتسمت بمرح لمن شافت صلاة الجمعه تعرض على قناة السعوديه
رغد كانت طول الفتره ساكته وتنتظر فريده..لكن من ايدها ثبتت على القناه اخرى...صرخت معترضه\فروده رجعيها..تكفين..
فريده\انثبري انتي الثانيه..مافي كراتين..صرنا كرتون من كثر مانتابع معكم..
رغد بنبره بكاء\اوووف..
فريده خنقت ظحكتها وضربت رجلها بالارض\اووف يطيرك.ويوديك بلاد العجائب اللي بروسيا..فكينا..
رغد بحماس طفولي\صج فروده..يعني اقدر اروح بلاد العجائب..
فلتت الظحكه منها\هههههههههههههههههه ههههههههههههههههههههه صج انك بزر..
تأكدت رغد انها فريده تتمصخر عليها..فسكتت مقهوره ومنحرجه..
بدور\والله انك بزر تحطين حرتك ببزر..!
فريده التفت لها\انتي انكتمي..خليني افرغ كل طاقاتي عليكم..يااخي مت من الزهق..ابي اروح اطلع اتمشى اسافر..لوعتوا كبدي كلكم..هي انتي تعالي وجلس يجنب اختك..
اشرت شهد على نفسها ببراءه وهي تدخل الصاله..
فريده\لا عمتي..
شهد التفت يمين وشمال\وينها!
فريده\بلا استهبال وتعالي انطقي جنب اختك بسرعه..
جرت شهد خطواتها بهدوء وهي تبتسم ببراءه وتمسح على اطراف شعرها الصغير بدون شعور وجلست جنب رغد وهي تحس انه جميع النظرات عليها وشوي شوي اختفت ابتسامتها ووطت رأسها بالأرض..
ماتت فريده على حركة اختها..وبدون شعور تقدمت لها..وحظنتها بقوه\فدييت الخجوليين انا..
دخلت عليهم امهم هاللحظه ونعيمه ماسكه طرف ثوبها بتملك..وجلست على اول كنبه بهدوء وسرحان..
فريده استغربت من حركتها وتوها بتنطق الا امها سبقتها..
هيا\مصعب توه مكلمني..!
فريده\مره ثانيه..واكملت ساخره..وش يبي الأخ!
هيا\يقول يبي ياخذني مكه مع امه!
سكتوا البنات..وظلوا يناظرون امهم بدهشه!
=========
"يمه ابيك"
شكلها غريب..ودخيل عليهم..يمكن كانت تبالغ امس...لكن اليوم تأكدت كل ظنونها وهي تشوف امها منشغله بعيالها وزوجها..ومتجاهله وجودها..حاولت تفتح معها كذا موضوع وتبادر بالحديث...ونست كل شيء..نست ابتعادها عنها وحزنها وعذابها وفتحت صفحه جديده لكن للأسف امها ابعدت نظرها عن هالصفحه بااظطرابها الواضح وانشغالها بااعيالها..وبرودها اللي موت احساس الأمومه اتجاه بكرها و اول اطفالها..!
ماعرفت كيف تتصرف..تعاملها بنفس الأسلوب..والا تنفجر امامها وتقول "يمه مليت"..فكرت كثير انها ترجع مع ساره قاومت لحظات الضعف و قوة نفسها ويكفيها وجود خواتها اللي بعثوا احساس جميل بحياتها..ولو امها اهدتها هالأحساس كان اكتملت الصوره بنظرها..!
لكن لازال في وقت..لازال في وقت لجل تكتمل الصوره اللي بداخلها وترجع لأحظان امها اللي تعرفهـا..!
ام عايشه\ يالله يابنات تعالوا.. عايشه الغداء.
يمه انا ماابي غداك..ولا عشاك..انا ابي..عطفك.. قربك..
يمه انا خايفه من دنياي..طمنيني!
يمه انا بردانه وحشه..دفيني..!
يمه انا عطشانه حنان اسقيني!
يمه انا قست معي الأيام ارحميني!
يمه انا محتاجه حــب ارويني!
يمه انا ابيييك..!
ساره\فيك شي حبيبتي..صوتك متغير!
القت عايشه نظره خاطفه لأمها اللي تتوسط بناتها وتغرف لهم من الأكل\سلامتك..مافيني شيء..وش فيك داقه..!
ساره\ويبيلها سؤال..حبيت اطمن عليك..كيف خواتك!
عايشه\الحمدلله..طيببين..
ساره ترددت تسأل\وامك..كيفها.!؟
عضت عايشه على شفايفها تمنع غصه وقفت بحلقها..تمسكت بالسماعه وردت بصوت مخنوق\امي ...امي مدري كيف كنت عايشه بدونها..نفسي عقارب ألساعه توقف واكون بقربها,
ارتاحت ساره من كلام عايشه وفسرة نبرة صوتها على صعوبة وصف مشاعرها..وهي عارفه مشاعر بنت اخوها العميقه..
ساره\طمنتيني..والله كنت خايفه العكس..
عايشه بصوت خافت\لاتخافين..مين يقدر يشوف عايشه ويقاوم..!وسكتت تمنع الأهه..
ساره\ههههههه بهذه صدقتي..قلتي لصحباتك انك بالرياض..!
عايشه\ايه..كلمت فريده تبلغ البنات..
ساره\طيب..يالله اجل مااعطلك...روحي تغدي معهم..واستمتعي بكل لحظه..
عايشه\طيب ياقلبي..مع السلامه..!
ساره\الله يحفظك..
اغلقت الخط..وتقدمت لهم بخطوات خافته وترسم على وجهها ابتسامه ميته عيت تعيش..
ريناد\تعالي جنبي..واشرت على المقعد اللي قربها..
عبير\ماعليك منها..تعالي جنبي..
جود كانت تتكلم والرز داخل فمها\لاا..تعالي هنا..جنبي وجنب افنان
ام عايشه\انتي اسكتي كلي اول اللي بفمك بعدين تكلمي..يالله..
طعنه والرامي امها..اللي مااكترثت بوقوفها..
عايشه\خلاص بجلس هنا..
عبير\لا والله..وش معنى يعني!
ريناد\لأنها تحبني..
عبير\لاتصدقين نفسك كثير..
ريناد\اغرف لك من ايش..والا اقولك بحط لك من كل شي..
عايشه\لا انا بحط لي..ارتاحي..
ريناد\حلفت عليك..انا اللي بحط..
ابتسمت بحب لها\مقدر اقول لا..
ريناد ردت لها الأبتسامه\ياربي وانا اقول طالعه على مين..!!
ام عايشه\لا..انتي طالعه على ابوك..!وعايشه اخذت ملامحي وطبايع ابوها..
لمست الأستهزاء بلهجة امها.!نبرتها وهي تتكلم كان لها مقصد اخر!
كانت تتمنى تقول ..لي الفخر اني اخذت طبايعه...لكن مو من عوايدها الرد..الأنطوائيه والهدوء من اساس صفاتها..كانت تترجم مشاعرها بورقه..وايضا غضبها كان يترجم بورقه....وللأسف هي ماتناقش الا على اللي يطمئن قلبها لهم..وامها مااعطتها الامان اللي ترتجيه..!
=======
"لعبة المشاعر"
سمع انها اختارت اللغه العبريه وعرف اسبابها بدون مايسال.. وحس بمدى تفاهته لأنه اخذ اللغه الفرنسيه لجل يتباهى بكم كلمه امام الناس.. !
غريبه هالبنت....غريبه في لقاءها فيه..وغريبه بااسلوبها معاه..وغريبه بشخصيتها المميزه,,
لكن مع هذا هو مازال يلعب معها لعبة المشاعر..وهي لازالت جليدة المشاعر..بس هو واعد نفسه انه يذوب هالثليج اللي يغلفها..
وبناء على ذلك..بيستمر على خطته..
حاسب البائع ومشى بخطوات ثابته ناحيتها وعيونه مافارقت وجهها..واثناء وصوله وضع الصينيه امامها بقوه لجل ينبها..رفعت عيونها له وكلها دهشه..جلس قبالها وكل هذا تحت انظار القروب اللي جالسين بنفس الطاوله..
طارق بنبره ساحره وهادئه\تفضلي مستر "انتَ"..سندويش جبن وعصير برتقال عوض عن الفطور اللي طاح منك ذاك اليوم..!
اتسعت عيونها وبوجهها انقلب مليون لون..
طارق باسلوب مراوغ\لاتقولين انك ماتحبين عصير البرتقال..!
حنان تلعثمت وبلعت ريقها كذا مره وبصعوبه ردت بنبره حاولت تكون جافه وهي تحرك ايدها على وجهها باارتباك \اااا..لا..شكرا مستر انتِ وشدت على التاء....عامله ريجيم انا..!
بتلقائيه تأمل جسمها ثم ركز نظراته لعيونها البنيه\..ماتحتا..ولمن حس انه البؤبؤ اللي بيخرج من عيونها..قال..قصدي العفو..
ظغطت على الطاوله باايدها..وكانت تتمنى تقوم من مكانها وترمي الكرسي بوجهه لكن هدأت من روعها واظطرت تنتظر شوي لجل تبعد الأنظار عنها..
طارق كان حاس بااظطرابها..وكان متوقع هجوم قوي منها..لكن اللي شوفه عكس ذلك..معقوله قدر ياثر عليها!
وضع ايده على خده وسبلّ عيونه وكأنه هيمان فيها..وهي من ناظرت شكله توترت اكثـر..وحتى حديثها مع ازهار قطعته لكن رجعت تتكلم وكل شوي تلقي نظرات خاطفه عليه..
حمدي كان جنب طارق\ارحمها..حرام عليك..
رص على اسنانه ورمى ابتسامه لحنان\انثبــر..
حمدي\شوا!
طارق\يااخي اسكت..!
حمدي وضع ايده على فمه\خلص..
تكلم هالمره رامز بصوت عالي\صبايا شباب..اليوم عامل حفله ببيتي بمناسبة عيد ميلادي وعازمكم فيها..
اعتلت صرخات الجميع..والكل بدأ يبارك لرامز..
ومن جهه ثانيه..
ازهار\يتحضري الحفله..
حنان ببرود ردت\لا طبعا..!
ازهار\ليش!!
حنان\لاني ماتعودت احضر حفلات..!
ازهار\طيب تعودي..
حنان\انا اسفه..
ازهار\طيب..بدك نطلع!
حنان\تعملي فيني خير.!
ازهار\اوكي..وعلت نبرة صوتها وهي توقف على طولها..قومي حنان بوريك شغله كتير حلوه..
رامز\ازهار لاتنسي اليوم..!
ازهار\اكييد..
رامز\وانتي حنان..!
ابتسمت حنان بخجل\اسفه رامز مابحظر حفلات انا
كل الأنظار التفت عليها واولهم طارق اللي اندهش من ردها..
كان بيرد عليها رامز وهي قاطعته\عموما كل سنه وانت طيب
رامز مااكترت اساسا لحظورها لكن من بابا المجامله رد\وانت طيبه..
وقفت حنان معها واخذت شنطتها الكحليه ورتبتها على كتفها واثناء ماتعدل نفسها كانت تشوف من طرف عينها طارق يتأملها..كرهت نظراته اللي دوم تتبعها ومسكت ايد ازهار ومشوا خارجين من الكافتريا..
ازهار\طولي بالك..ايدي يابنت الحلال..
حنان فكت ايدها بهدوء\ماتواخزيني..بس..عضت على شفاتها..نرفزنــي!!
ازهار\والله مابعرف شو بدي احكي لك..انا كمان مستغربه من تصرفاته..مو هيك كان طارق!!
حنان\ازهار بدي احكي لك شغله!
ازهار\شوا!..
حنان\موقف حصل لي معاه امس..
خبرتها بكل حاجه وبادق التفاصيــل..وازها رظلت ساكته وماابدت أي درة فعل..
حنان\شو بك!
ازهار كانت تمشي بخطوات مالها اتجاه واحد\مابصدق!!...وقفت والتفت لها..عطتيه كف..!
ابتسمت لمن تذكرت شكله\يستاهل..ولو بأيدي اعطيه كف تاني..
ازهار\كل هذا قهر!
حنان\لأنه مغرور..وقليل الأدب..وجريء..
ازهار\انا معك بكل اللي حكتيه..بس انا بعرف انه طارق..
حنان قاطعتها\قصدك مستر انتِ
ازهار ظحكت معلقه\ايوه مستر انتِ مستحيل يسكت حقه..واللي بيشوفوا غير..!
احتارت حنان بكلام ازهار..هي كانت متوقعه انه حاب يعتذر من كلامه لكن بطرقه ثانيه\يمكن هو حس بغلطته..
ازهار\مستحيييل..طارق يغلط ومايهتم بمشاعر غيره..!صحيح هو طيب كتيير..لكن حقه بياخده مهما كانت العواقب..
حنان\طيب!!مابتوقع..
ازهار\ايوه طيب..على الرغم من غرور..لكنه بيعمل بيساعد كتير ناس بالجامعه عشان هيك هو محبوب عند الكل..
شعرت بالخوف من هالتركيبه الغريبه بشخصيته..اللي تشوفه غير..واللي تسمعه مختلف تماما..!
..تصرفاته اصبحت اكثر هدوء ورزانه.. ونظراته مثل كل مره تحكي الكثيــر..اقتحم عالمها بدون سابق انذار..حياتها اصبحت غير متوازنه..احاسسيها مره ترفضه ومرات تتقبله..توعد نفسها كل يوم انها بتمحيه من ذاكرتها لكنه بدون شعور يتربع مساحه كبيره من افكارها ويشوش خلايا عقلها..
كانت بدوامه ليست لها منفذ..ليه اصلا معطيته اكبر من حجمه .."ياكل عسل على قولة فريد"
ازهار\وين سرحتي..!
حنان\ولا شيء..!
ازهار\خلينا نروح الكلاس..
ناظرت ساعتها وأومأت راسها\اوكي
توجهوا للكلاس وحنان وعدت نفسها انها بتكون اكثـر صلابه وبتتحاشاه قدر الأمكان..
دخلوا الكلاس وكان شبه فاضي..جلسوا بثاني صف مثل كل مره ومرت دقائق ودخل طارق بصحبة حمدي وقروبه خلفه وبتلقائيه جال بعيونه على حنان وابتسم ابتسامته المعتاده وتقدم لها.. وبحركه سريعه فتح الكرسي اللي جنبها\ممكن..وجلس بدون مايسمع ردهـا..
==========
"وسط دوامه"
اخذ التلفون ودق على رقم البيت وانتظر ردهـا..كان يشخبط على اوراق بيضاء ببعثره وبدون هدف..ومعظمها كانت اشكال مستطيله تتداخل من زواياها عروق ليس نهايه..
لولو\الو
اغلق السبيكر ورفع السماعه بايده اليمني وايده اليسرى القلم الأسود يرسم بحريه وبكل اتجاه..
سامي\هلا..
لولو قطبت حواجبها \سامي..
سامي\كيفك..
لولو\الحمدلله..
سامي\مشى اخوك..
لولو ردها كان جدا جاف\من زمان,,
سكتوا الأثنين..وكل واحد منهم ماعنده حديث يتطرق فيه بعد الفجوه اللي كل مالها وتكبر بينهم..
سامي قطع الصمت المؤلم\اميرتي..وشفيها!
لولو بكل عجرفه ردت\قصدك انا..وباستهزاء اكملت..سلامتك..انا مافيني شيء..عايشه حياتي بسلام..
سامي رص على القلم بشده\لهجه جديده..ماعرف وش سببها!
لولو\يتهيأ لك..انا لولو..ماتغيرت..
سامي\وش تفسرين برود هاليومين معي..لولو اذا غلطان حاسبيني..
فاض قهرها منه..يوضع التهم عليها وكأنها مااذنب وضيعها معاه..كيف تقدر تقوله عن كل اللي في بالها..ماتقدر....جرئتها ماتتعدى هالحد..!ليش هو مايفهم!!
صرخت وهالصرخه الشيء الوحيد اللي اشفى غلّها..\مافيني شي..مافيني شي...
سامي حاول يهدي نفسه..هو الكبير..وهو اللي بيقدم تنازلات..تنهد بقوه\طيب طيب اعصابك....واكمل بهدوء..شرايك نتغدى بره..بعزمك على سي فود بيعجبك..
لولو\اسفه سامي بطلع النادي بعد شوي..خلها يوم ثاني افضل..
سامي\طيب على العشاء..
لولو\اختك سندس عامله حفله ووعدتها احضرهـا..!
حس انها تتهرب منه..وكأن واضح من اسلوبها..
سامي\براحتك..
لولو\تبغى شي ثاني..
سامي بنبرته الحنونه رد\ابيك سالمه..
اثرت فيها هالكلمه بشكل قوي..وكأنها سهم واخترق قلبها..اغلقت السماعه بعد ماسمعت سلامه..وظلت فتره تهتز من عمق المشاعر اللي اجتاحتها..هي ماتعرف ليش اسلوبها تغير معاه..تتصرف بطبيعتها..وطبيعتها رافضه افعال سامي..!
صح اللي تعمله..او لا..هي جاهله هالأمر..لكن هو السبب بكل شيء..كان بامكانها تأجل النادي..حتى حفلة سندس هي ماتروق لها هالحلفلات اللي اساسها المظاهر..والمظاهر هي اللي ضيعتها ودخلتها عالم سامي المجهول..!
===========
عايشه ومسمى ام..هل الحال بيستمر هكذا ام لا!!
لولو ووضعها المتدهور مع سامي!
وطارق الممثل البارع ولعبة المشاعر مع حنان!!
فريده هل ستؤيد قرار مصعب ام لا!!
|