"قلبي دليلي"
ابتسمت بسعاده وهي تتمشى مع ازهار للكافتيرا..واخيرا حظت بصديقه قريبه من افكارها وشخصيتها بعيد عن مشيها خلف بنت خالتها المغروره الاء..صحيح انها ماراح تعوضها عن الـ b...لكن اخلاص وطيبة ازهار ارغمتها على قبول صحبتهـا..والاجمل انهم بنفس التخصص..دخلوا الكافتيرا سوى..وحنان استرجعت موقف امس بكل تفاصيله..وبتلقائيه التفت جهة الشمال واليمين وكأنها تبحث عنه بين هالوجوه..لكن اللي اكتشفته انه جميع ما بالكافتريا مصوبين انظارهم عليها ويلمزون ويتغامزون كل مامرت بين قروب..حست بالخجل..والأحراج..معقوله هو يتهيأ لها..والا ايش الموضوع..!
واحده من البنات\شوفيها..هيي اللي صار لها الموقف معاه امس..!
الواحده الأخرى\تعاطفت معها..اكيد وقعت بغراموا..!!
اسرعت من خطواتها ..وازهار بصعوبه قدرت تمشي موازي لها لغاية ماامسكت ايدها..
ازهار\شوبك..!ليه طايره!؟
ابتسمت حنان ابتسامه متوتره\ولاشيء..بس المكان زحمه وبدي اخرج بسرعه..شو رايك ناخد فطورنا بره..
ازهار\لا طبعا..بالأول لازم تتعرفي على احلى قروب بالجامعه كلهـا..وبعدين نشوف لنا شي محل نقعد فيه..
اظطرت توافقها لأنه مو معقوله من اول يوم لهم بترفض طلبها\اوكـي..
مشوا مع بعـض لغاية ماوقفوا ناحية طاوله كانت بوسط الكافتيريا..
وحنان ماقدرت تمشي اكثـر..لأنهم نفس قروبه..قروب الشخص اللي حلمت فيه..
ازهار\شباب صبايا..اعرفكم على حنان..بتنبسطوا معها كتيــر..
تعالت اصوات الشباب والبنات سلام لحنان..ووسعوا لها مكان لأجل تجلس بينهم..جلست وهي توزع ابتسامات خجوله لهم وماتقدر تنكـر انه جلستهم كانت مسليه وكلها ضحك ونكت ومقالب..لكن شيء جمد ابتسامتها وارغمها تناظره وهو يمشي بكل ثقـه لهم..مو عارفه هل تركز على عيونه اللي تحجبها نظارات شفافه..او لبسه الأسود اللي عباره عن هاينك صوفي والا طريقة مشيه المستقيمه..
اقترب منهم اكثـر وكل مايقترب تحس ان الهواء سلبه بحظوره من المكان..لغاية ماوقف قبالهم..
طارق\هاي.
الجميع\هاااي طارق.
طارق..طارق..طاااارق..اخيرا عرفت اسمه..
حمدي\تأخرت كتير..
ناظر الجميع وتجاهل النظر لحنان\سلامتك..بس المدير مايشرب قهوته الا معي.عشان كذا تأخرت..
ضحك الكل لأنهم عارفين انه الموضوع مجرد كذبه..
ماجده\عن جد..!
شد شعرها بشويش وهو يقلد صوته\افكووورس..
حمدي غمز لطارق \طارق نعرفك على بنت جديده انضمت لشلتنا..
طارق قال بسرعه\منو هذه ..اكيد امها داعيه عليها..هههههههاي وضرب كف بكف لحمدي اللي قباله..
الجميع\ههههههههههه
تفشلت حنان..وابعدت نظراتها عنه بغيظ..انتبهت انه يتحاشى النظر لها وكأنها مو موجوده بينهم..واستغربت كثيــر..وانقهرت اكثـر
حمدي\لا..انت تعرفها عز المعرفه وغمز بعينه واشرّ عليها..حنان طالبه مستجده بنفس تخصصنا..وجايه من السعوديه..يعني لازم يكون ترحيبك الها خاص..والا شو رايك!!
اخيرا طارق لف عليها وناظرهـا من فوق لتحت..ودقق بكل شيء فيها بثواني
وبنبره متكبره رد وهو يمد ايده لها\هاي
ردت له حنان نفس النظره..وظلت فتره طويله وهي تتأمله..مستحيل تتخيل.مستحيل قلبها يكذب عليها..هو نفسه..نفس شكله..وعيونه..وهيئته..ليش هو بالذات اللي حلمت فيه..ليش!!؟
قامت وسط ذهولهم من الكرسي..وماردت عليه..ومشت خارج الكافتريا..وازهار تلحقهـا..اما طارق فكان بوجهه اكبر علامة استفهام..
مات قهر..ليه ماترد عليه...وليه تناظره وكأنه مرتكب ذنب كبيــر..والأهم..ليه هو مهتم فيها!!؟
لا هو مومهتم..!بنت سخيفه..غبيه..خوافه..عاديه..اسمها حنان..!!ايش المهم فيهــا..
ولاشـــيء..!
ولاشيء غير انه شايفها من قبل..بس وين..وييين مايذكر ابدا..!
===========
"من السبب"
مرّ وقت طويل وهو مستلقي على السرير قربها و يتأملهـا..يحس انها طفله وتعلق فيهــا..
انـاني ..هو اناني لأنه كذب عليها..كان يشوف الألم والحيره بعيونها لكن جرئتها تخونها تسأله..كان حاس فيهـا..وشاعر بااظطراباتها وتوترهـا وضياعهـا..لكن مابايده شيء غير الأنتظار..ياما عزم انه يسرحها ويخليها تعيش حياتها بعيد عنه..لكن انانيته ارغمته يحب نفسـه ويبحر بالسفينه ويتركها تايهه وسط بحره الغدار..يتمنى يكون عنده لو القليل من الجراءه ويفصح لها عن سره..لكن الأمنيه بتظل امنيــه..ومايدري متى بيستمد بالشجاعه وبيتخذ قرار مصيري يريحه ويريحها..!
رجع امس بوقت متأخر بالليل وتوقع انها سبقته لبيت اهله..لكن تفاجأ بوجوده نايمها وهي بملابسهـا..وتاكد انها ماكان عندها علم برسالته اللي رسلها وكتب فيها انه بيتغيب عن هالعزميه لظروف عمله..
اقترب منها لجل يبوسها وهي بنفس اللحظه رفعت جفونها\سامي..
ابتسم لها طبع بوسه على جبينها\صباح الخير..
لولو\متى جيت..!!
سامي ناظر ساعته الفضيه المحاوطه معصمه\الساعه ثلاثه..واللحين الساعه تسعـه..!
لولو لاحظت شعره الرطب وعرفت انه صحى قبلها وتروش\مارحت العزيمـه..
سامي\لا..وتسند على ايده..بعثت لك رساله امس شكلك ماشفتيها..
تذكرت احداث امس كلهـا..وقامت بسرعه من السرير..وهو رجع يلقي نفسها على السرير..
سامي\وين بتروحي!
تجاهلته..ودخلت دورة المياه..وهو تفاجأ منها..وظل يفكر بتصرفاتها..واستغرب لأنها ماعاتبته على اللي حدث امس..
خرجت من دورة المياه وسحبت السجاده وخرجت تصلي بره الغرفه يمكن تغلط بصلاتها وهو يلاحظها وتنكشف امامه.. لكن قبل ماتخرج استوقفها بصوته\لولو..
لولو\بصلي..وخرجت بهدوء....
"تصلي" هذه الكلمه اللي ترددت في باله..
ماعمره لاحظها تصلي وكان يستغرب كثير من وضعهـا..لدرجة انه بدأ يشك انها ماتقضي فروضها كامله..ويمكن بحكم شغله وسفراته ماعنده الجواب الكافي لشكوكه..لكن شكل خطته احدثت نتيجـه فعاله..!
طلع من الغرفه متوجهه للمطبخ التحضيري واستغرب كل هذه صلاة فجر..!! وهو يهم على النزول لاحظها وهي رافعـه ايدينها للسماء وتدعـي..ارجفه هالمنظـر ونزل قبل ماتنهي صلاتها..
دخل المطبخ وفكـر يعمل أي حاجه تسد جوعـه لأنه على وجبة الغداء اللي اكلها امـس..فتح الثلاجه وافرغ جميع محتويات الفطور منهـا..من جبن باانواعه ومربى وزيتون ولبنه ومرتديلا ولحم بيف..فكر يعمل كلّيب هاوس سريـع بلحم البيف..بدأ شغله بتقطيع الخس والطماط والتوست لقطع مثلثه..وبنفس الوقت وضع البيض على زيت غلي..وبعظم انشغاله وسرعة ايده في لقط المحتويات دخلت عليه لولو وهي متروشه ولابسه فستان قطني بلون البحـر وتاركه شعرها منسدل بحريه لاجل يجف..والغريب انها وجهها خالي من المكياج ماعدا كريم من لانكون مرطب للبشره..
لولو\سلام..ورفعت نفسها وجلست على كراسي البوفيه..
سامي\سلامين..
صب بكوب عصير برتقال ومده لها وهي باآليه اخذته..وشربته\تذكرني بفريد..!
وضع الكليب الهاوس بالرفن وانتظره يتحمص\كيف يعني!
لولو\تحب تطبخ..وشربت العصير..
سامي\سلمي عليهـا..!
ابعدت الكاس عن فمها\نعم!
سامي ابتسم لها\نمزح..بس نمزح لجل تغير هالتكشيره اللي بوجهك..
لولو انقهرت\مو اول مره تقولها..
سامي تحولت ابتسامته لمكر\لليش تحاسبيني والا..!
لولو حاولت تغير الموضوع\على طاري فريد..ابغى اروح لها بعد الفطور..
سامي\وانا!؟
لولو بهالكلمه كانت تلومه وتعاتبه على كل شيء صار قديم وجديد\انت شنوا!؟
سامي تنرفز من اسلوبها وايضا كلمتها وحس بالمغزى\سلامتـك..!
اخرج الطبق من الفرن ووضعه على الطاوله وبدأ يقاسمها طبقه المتواضع وهي بكل جمود وبرود وهدوء اكلت ولااكترثت لحكيهـا ومااكتفت بهالشيء ..اخذت كأس عصير الجوافه ووضعته بكأسها وشاطرته العصير وهو يناظر فيها بذهول وهي متجاهله نظراته....وكأنها تلومه على كل شيء سيء بحياتهـا..!!بالرغم انها متيقنه انه وضع كتيب الصلاه عمدا لجل تقرئه..!
ظلوا فتره وهم ياكلون بصمت وشوكة لولو هي الصوت الوحيد اللي يحدث بالمطبخ..لغايه ماسامي قطع هالصمت الكئيب..مد يده الطويله بدون مايتحرك من مقعده ورفع ذقنها\علامك ..ضايقه!
ثواني بس وناظرت عيونه بالم..وابعدت ايده بقسوه وومسحت فمها بالمنديل\ماني ضايقه..الحمدلله..وخرجت من المطبخ وهو يتابع زولها بنظراتـه...تنهـد بضيــق..وابعد صحنه عنه..وحك شعره بملل..تريث دقايق معدوده وطلع لها بالغرفه..وشافها لابسه عباتهـا..وتغلق حقيبتها البيضاء المستطيلة الشكل..
لولو\انا جاهزه..
اكتفى بالنظر فيهـا..وبعدها دخل غرفة التبديل ولبس جينز رمادي على تيشرت ابيض وخرج وهو ماسك مفاتيحه..
::
طول الطريق وهم بحالة سكـوت..واثناء اقترابهم من الحي تكلم سامي..
سامي\متى ترجعين!
لولو\لاتخاف بخلي السواق يرجعني..ماارح اعطلك عن شغلك..
سامي تمتم بضيق\استغفر الله..
لولو سمعته وعصبت..
سامي\طيب لو سمحتي مو لازم اقول غطي عيونك..في رجال عند الباب..!
انقهرت اكثر لأنه مايبرز رجولته الا امامها..وعند اخواته ماله سلطه عليهم..
وضعت الغطاء على عيونها لأجل تتحاشاه ولأنها كارهه الحديث معاه..وخرجت من السياره بخطوات سريعه لبيت خالتها..راحتها..وملاذها الوحيد..
هالبيت بالرغم من صغره وبساطته وقدمه الا انه مكان يبعث الراحه للنفوس..ويرسم البسمه بوجوه كل من عرف اصحابه..
يكفي..بس يكفي وجود فريده فيه..!
دخلت وهي تضحك على نفسهـا..بدال ماتكون في بيته بفترة الضحى..او حتى في بيت اهلها الكئيب ..هي امام بيت خالتها اللي حظنوها على الحلوه والمره..دخلت البيت واول ماشاافت فريده جالسه بالحوش تقدمت لها واول مااصبحت بـ احظانها امتلت عيونها دموع\آآآه فريده..
فريده تفاجئت من وجودها..وارعبها بكائها وعلى طول تصورت الشين\لولو شفيك..خالتي فيها شي..مصعب فيه شي!...ابعدتها عنها..تكلمــي!!؟؟؟
لولو بلعت ريقها وقالت\مافيهم شيء..لاتخافين..انا..أأأنا اللي فيني..!
فريده جالت نظراتها لوجه بنت خالتها بخوف\وشفيك!!
لولو تكلمت ببطء وبخجل من نفسها\فريده انا..ااانا مااا..ماكنت اصلي..وعضت على شفافيها ووطت راسها بانكسار وهي توها تحس بوقع هالكلمه الكبيره..كيف..كيف قدرت تترك صلاتها...ساعديني انا والله متضايقه..
==============
"جريء ياحلمي"
انتهت المحاظره على خير ولأول مره تحس بحلاوة الدراسه..يمكن لأنها اخذت اليوم ماده تخصص..وحست انه الحلم قريب..قريب وهي اللي بتسعى له..نزلت من المدرج بخطوات بطيئه وسمعت ازهار تناديها..التفت لها
ازهار\وينك انتي..!
حنان\موجوده..
ازهار\وليه ماحجزتي لي مقعد جنبك..!
حنان تفشلت منها لأنهم متفقين دوم يكونون جنب بعض بكل مكان\سوري بس..بنت جلست قربي واستحيت اقومها..
ازهار\اوكي حصل خير..ومشوا طالعين للساحه..
حنان\بدك نجلس...والا نتمشى..!
ازهار\نتمشى افضل..
ظلت تتمشى مع ازهار بطرقات ودهاليز الجامعه لغاية مايحين موعد المحاظره اللي بتكون تقريبا بعد ساعه الا ربع..كانت تشوف عالم غريب...مزيج من العرب والخليجين اجتموعا في بقعه واحده لأنها جامعه اهليه..بدت تستلطف هالتجمع الغريب عليهـا..لكنها لازالت بعالم الصمت والأستكشاف..وماحركها من هالعالم الا القنبله اللي اسمها طارق..!!
تذكرت انه ماحظر المحاظره اللي فاتت لكن كتبوا له وبكل سهوله حظور..!وتأكدت انه صيته جدا عالي..لأنها تسمع اسمه بكل مكان وبكل ساعه..وكأنه هو الشخص الوحيد المشهور بالجامعه..!
ازهار\حنان ممكن اسألك سؤال..!
حنان\تفضلي..اسالي متل ماتحبي اشي سؤال..!
ازهار\شو بينك وبين طارق!
تفاجئت من سؤالها..ماراودها ابدا انها بتسئل عنه..
طارق...ايش بتقول عن طارق..!؟
وهل احد بيفهمها وبيصدقها او لا..!؟
اللي بينها وبينه شيء بعيد..ومستحيل..!ومعنى ذلك لازم تكف عن التفكير فيه..!لكن كيف..وهي تعتبره الفارس اللي دوم تحلم فيه..مجنون..حالم..طموح..جريء..والكثير..
حنان\...ولا شي ِ...
ازهار\متأكده..!
حنان ظغطت على رغباتها وقالت\ايوه..
ازهار\طيب ليه ماسلمتي عليه من شوي..!
حنان بثقه ردت\لأني مااصافح غرباء..!
انخرس لسان ازهار من رد حنان..وماتقدر تنكر انها كبرت بعينها..!
كملوا مشيهم بهدوء وتأمل باللي حولهم تحت السنة الشمس الحاره..ورقه بالحديث وكأنهم عصافير خجوله تتلمس وتتعرف على ارض ليست ارضهـا..
لغاية مااستوقف حنان مشهـد..جمع الدم بوجهه وكون حمره شديده ببشرتهـا البيضاء..
كان طارق مستلقي بجرئه بكتف سوسن وشوي بيطيح بحظنها ..وسوسن بكل دلع ومجن تحكي وتضحك قريب من اذنه وترد شعرها الغجري خلفها بميوعه..وهو يرد لها الضحكه بصوت اعلى ومو مهتم مين اللي بينقدّ حركته وتصرفاته..!!
ناظرت فيهم بقهر..والم..وكأن ودها تخنقهم بحبل واحد..!!وهو انتبه لبنتين وافقين فوق رأسه..رفع وجهه لهم وهو جاهل هويتهم وبوجه ابتسامه من النكته اللي قالتها سوسن له واثناء ماطاحت عينها عليها..اختفت ابتسامته ثواني..وبعدهــا..ضحــك بقـوه ..وبجرئه باس خد سوسن وهو مانزل عينه عن حنان اللي ركظت بعييد عنه وعن قلة ادبه..!
دخلت اول قاعه كانت فاضيه..وهي كارهه هالوقح اللي بيوم حلمت فيه..
ازهار\وتقولي مابيني وبينه شيء..!؟؟
===========
"والتقينا يا عذابي"
جلست على السرير بعيد عنها وتركتها تصلي لوحدهـا بعد ماعلمتها كل فروضها وواجبات الصلاه..واول ماسمعت تكبيرها هلت الدموع من عيونها وانزع قناع قوتها..
الكلام اللي سمعته من لولو مو سهل ابدا!!كيف ماكانت تصلي.!كيف نست صلاتها وهي بهالعمر!وين اهلها عنها!والأهم وينها هي عنها!!؟مافكرت بربها..مافكرت انه ممكن تنتزع روحها بأي لحظه..!هل في ناس فعلا مثل لولو ناسين دينهم..وتاركين صلاتهم!اي قلب هم يحملون!واي قوه جباره اعمت ابصارهم واهلكت وازعهم الديني!كيف قدتر تغمض جفنها..كيف قدرت تدوس على قلبها المؤمن,.!معقوله في ناس ينطقون بالشهاده وهم جاهلين معانيها..معقوله في ناس عقولهم فارغه ومتخذين ألأسلام مسمى!؟؟
يارب..يارب..هذا اللي نطقته فريده وهي تحس بالرعب من عمايل بنت خالتها..وكأنها هي العاصيه وصاحبة الذنب..!
انهت لولو صلاة الفجر اللي جهلت اركانها في بيتها وطوت السجاده وهي لازالت تبكي.. قامت فريده لها بعد مامسحت دموعها بطرف ايدهأ..وجلست امامها وعلى السجاده..!
فريده \ارتحتي اللحين!
لمست لولو مكان قلبها وشدت عليه\كثيـر..يكفي انه هذا ارتاح..!
سكتت فريده..ولأول مره تحس انه تعبيرها يخونها..!عضت على شفافيها ولفت وجهها عنها وهي تخاف تنهار امام بنت خالتها وهي المفروض تكون العون والسند والقويه..!
شعرت لولو فيها..واكنست رأسها خجل بعد ماكان رأسها دوم مرفوع وعالي\الا صدك ارجوك..!
ناظرتها فريده بالم وشهقت وهي تتكلم\مممم ماااتوقعــتتتتك..!!
لولو \تتوقعين ربي بيسامحني..بيغفر لي..!
رجعت تضمها وهي تمتم\اكيد..اكيد يالولو..
بكت هالمره لولو بقوه..وماقدرت فريده تهديها وهي شتوفها ترجف مثل الطلفه\خلاص لولو..على الأقل انتي احسن من غيريك انتي تبتي..صح..قولي صح..!
لوول\صح أأأه بس انا أأنا....محد نبهني ولااحد بعمره قالي قومي صلي..ضعت..وحبيت هالضايع اللي خلى قلبي جامد مايحس..عجبني احساسي بالحريه ..لكن كنت كل مااتذكر اني مااصلي امووت من الألم..وعشان انسى واقسى..الهي نفسي باي شيء..بايء شيء..وقدرت..أأأهه..مدري شقول..مدري..بس والله والله تبت يافريد..
فريده\لاتقولين شي..اهدي بس..
هدأت لولو بعد دقايق طويله..بصعوبه وفريده لجل تغير الجو قالت لها بمرح\حتى خربتي علي لبسي هالفستان..كنت بفاجئك اليوم فيه..!
ابعتدت عنها لولو وتأملت فستانها الجينز المنثور بااطرافه زهور ورديه بسيطه..كان جميل بمعنى الكلمه ومتوسط الطول..وبارز خصرها الصغير..
لولو\يهبـــلّ...!
ابتسمت فريده بخبث\سرقته من بدور..هههههههه..مو حلو عليها..علي احلى ..!
لولو وافقتها الرأي\صح.. بس ياليت..لو يعني..لو..ونزعت منها النظاره..وقامت بسرعه من مكانها خارجه من الغرفه..!!
صرخت فريده..وقامت من مكانها وركظت لها وهي تحس انه الأرض تدور فيهـا..ماكانت تبالغ لو تقول انها تجهل الأشخاص اللي حولها لأنه نظرها جدا جدا جدا ضعيف..وكل ماله وينقص..
سمعت صرختها باخر الصاله\تبيني..لحقيني..!وخرجت بره الصاله..
ماتت قهر لمن شافتها تطلع للحوش..لأنه الشمس تحجب أي شيء امامها..خرجت لها وهي قابله هالتحدي..وناويه تقطع شعرها لمن تصرخ من الوجع..ركضت بسرعـه بره الحوش وهي تلهث \انا جيييييييييييييت..وماحست الا انها اصطدمت بعامود رجّ رأسها رج واحجب عنها الرؤيه..لكن هالعامود رفعها قبل ماتطيح..وثبتها له..
صرخت لولو وهي تناظرهم\مصعــــب..!!
رفعت فريده وجهها له بسرعه واتسعت عيونها\لااا
===========
"والتقينا يا..امي!"
ناظرت العشب الأخضر المتناثر بـ اماكن متفرغه بالطريـق البري..ولأول مره تحس انه نظراتها فارغه وبعيده عن التأمل والتفكر..!
كل شي جاء بسرعـه..رتبت ملابسها واغراضها الشخصيه بظرف دقائق قصيره..ماكنت تتوقع انها اليوم بتسافر الرياض ..حمد فاجئهم بهالخبر ولمن اعترضوا قال شوفوا شخص ثاني ينزلكم ..!وبكذا استسلموا لقرارته وهذا هم الأن بالسياره وثلث ساعه ويصِلون الرياض...
تذكرت صديقاتها اللي لسه مايعرفون بخبر سفرهـا,,تتمنى تكلمهم هاللحظه..لكن كيف وحمد موجود..!هي اساسا من ركبت السياره وهي ملتزمه السكوت وعينها هو العضو الوحيد اللي يرتفع ويناظر تحركات حمد بخوف وحرص شديد..!وقلبها يرجف اذا لاحظته يحرك ايده او رجله..كانت عايشه بحالة رعب وترقب لهجومه بأي لحظه..لكن اكتشفت انه حمد بعيد بتفكيره عنها ويفكر بخطيبته اللي صدع رأسه ساره بسببها..!
ومثل مايقولون ربّ ضارى نافعه..هو من ملكّ وهو كافي شره عنها..لكن مستحيل ترتاح ويهدأ بالها وانفاسه تستنشق الهواء براحه..!
وصلوا الرياض وبدأ مسار تفكيرها يتحول لأمها ..لأمها اللي ماتعرف كيف بيكون شعورها اذا قابلتها..!
تسع سنين..كفيله هالمده تخوفها من القادم..!!
ساره\عايشه حبيبتي وصلنا..
قلبها اصبـح يدق بدرجه ماتصورتهـا..ومن عظم دقاته كانت تحس انه بيتوقف بهاللحظه الصعيبه,,!
ساره\ماودك تنزلين...تبغين نروح لبيت عمتي قبل!ّ..
عايشه\لااااااا..هذا اللي نطقت فيه وهي تناظر البيت البني الغريب عليهـا..
حمد\خلصي علينا..مو ناقصين دلعك..!
حقدت عليه اكثر من اول وتمنت يموووت ويذوق عذابها..
بلاهم مايدرون عن الأحسااس اللي سكنها هاللحظه..تبغى تخرج من السياره لكن رجولها نملت من خوفهـا..حاولت تحركه وتلمسهـا وهي شوي وتبكـي من الظغط اللي أثرعلى نفسيتها..
نزلت ساره قبلها وفتحت باب السياره لها..
ساره\يالله حبيبتي,,ومدت ايدها لها,,
عايشه بضعف نطقت\ساره..مو قادره اقوم..مسكيني..رجلي نملت..
ساره رق قلبها لها ومسكت كتفها وحست برجفتها لمن استقامت بوقفتها..ومشوا للبيت ودقوا الجرس..
ساره\عايشه قلبي,,انا معك لاتخافين,,اذا انتي مو مستعده نرجع بعدين..!
مسحت وجهها المعرق خلف النقاب وهي تتنفس بسرعه\لا لا..انا مرتبكه شوي..
انفتح الباب..وطلعت بنوته صغيره دبدوبه تفطر قلب من شافها وبحركه معتاده..مدت ايدها وسلمت على ساره..ثم سلمت على عايشه اللي رجف قلبها من قربها..
ساره\ماما موجوده..!
البنوته\ايوه..
"جود"
التفتوا الثلاثه لمصدر الصوت الأثنوي..وعايشه دققت بملامح المراه اللي امامها..تعرف هالصوت..تعرف هالملامح وهالبشره البيضاء المألوفه لها..مرّ شريط ذكرياتها بفكرهـا..بمرّه وحلوه..
تذكرت تعلقها فيها..وحسها اللي ملىء بيتهم..تذكرت ضحكتها وبكائها واحظانها ومواقفها المحفوره بعقلها..!شلون ماعرفتها..هالأنسانه هذه امهـا..امها اللي رحلت للرياض وتركتها مع ابوها..!
"يمـه".. بدون شعور نطقت بااسمها اللي حنت واشتاقت لحروفه..
تقدمت لها واحساسها هو اللي يقودها..لمن اصبحت امامها..ناظرت عيونهاالسوداء النجلاء اللي نسخه من عيونها وابتسمت بنفس الوقت اللي انهمرت فيها دموعها على خدها..\يمه..حظنتها بكل قوتها وكأنها خايفه تتركها للمره الثانيه وترحل..حظنتها وهي ترش الملح على جروحها..وتنسى همها والمها ووجعها..حظنتها وقلبها ينطق وعيونها تعاتب.."يمه لاتتركيني..يمه انا ضعت وانتي ماتدرين..يمه انا ولاشيء ببعدك..ولاشيء"
فقدت الراحة من بعدك فقدت الطيبة والحنان
بدونك راحتي غاية بيدينك هذي راحاتي
أنا بعدك ولا حاجه أنا بعدك ترى عميان
أشوف ولا أشوف إللي يوريني مساراتي
أنا وسيد الشقاء والهم من بعدك غدينا إخوان
يجيب هموم هالعالم ويرميها بمتاهاتي
يا يمه يا الله ضميني ودفيني بين الأحضان
أنا أدري فيك مشتاقة وهمك بس ملاقاتي
ظلت تردد اسمها وهي تبكي وتشهق والجميع يبكي من هالموقف..ماكنت تعرف ايش يحكون..والا مين اللي حولها..ماكنت تعرف الا اللي بااحظانها امها..نست كل ليله بكت فيها..وكل جرح دامي نزف بقلبها..نست زعلها وضيقتها ووحدتها لمن شافت هالوجه الغالي عليها..!
==========
"نهاية الضحك"
"مره واحد حب..طحنوه ههههههههه"
طيب اسمعوا هذه..
"سألت الطير وقلت تقدر توصل سلامي..قال ليش شايفني ابوك
"في نملة ميتة جنب البحر ليه؟؟ من ضحايا تايتنك ...
الجميع\هههههههههههههه
من قهرها ماقدرت تضحك..وظلت تكتب اللي على اللوح بسرعه لجل تخرج مع ازهار..كانت تسمع الكل يضحك من نكت طارق اللي يحكيها واحده تلوه الأخرى..وهم مجتمعين حوله ومبسطوين من روح الدعابه اللي يمتلكهـا..وحتى ازهار كانت تضحك وهي جالسه جنبها وتقول\ياربي شو هالطارق..جنان..!
حنان وهي تكتب بدون ماتناظر ازهار\الا مقرف..ودموا تقيل..!
ازهار ابتسمت بمكر لها\بلا شوا..كل هاد ودموا تقيل..!
مادرت عليها وظلت تكتب..
طارق بصوت عالي\ كان فى خمس نملات اربعة عدو من تحت الباب وواحدة لا لية !!
الكل قال\ليه..!
طارق\علشان كانت لبسة جازمة بكعب ههههههههههههههههههههههههههاي
غصبن عنها ابتسمت وهي تتخيل النمله لابسه كعب..مسكت نفسها قد ماتقدرّ.."يارب لا..ماابي اضحك ماابيييي"
حمرّ وجهها وهي خلاص بتضحك بتصحك..نكته ثانيه وبتنفجر امام الكل..
الكل هتف بجمله وحده\كمان..نبغى ثانيه..ثانيه
طارق\هههههههه شو شايفيني راديوا نكت..طيب اسمعوا..اسمعوها هذه زين..وكان يناظر حنان نظرات غريبه..نكته منخشه ورا الباب ليش؟خايفه الناس يضحكون عليها..
الكل سكت لأنها جدا بايخه وماتثير الضحك..وطارق تفشل وحط ايده على فمه..
"هههههههههههههه"
التفتوا للخلف..وكانت حنان اللي افلتت منها الضحكه وضحكت بصوت عالي وبدون توقف..حاولت تسكت..وماقدرت..حطت ايدها على فمها بقوه..هي تعرف نفسها اذا ظحكت مستحيل توقف..الكل كان يناظرها ومستغرب منها..مستغرب من هألأنسانه الصامته اللي انفجرت فجأه..وفجأه طارق ظحك لضحكتها الغريبه..وبعده حمدي..وشوي شوي امتلى الضحك بالقاعه..!
حنان دمعت عيونها\هههههههههههههه ..سكتت لمن لاحظت انه الكل يناظرها ويضحك عليها..وبحركه سريعه وغبيه قامت وحملت حقيبتها ودفترها..وخرجت من القاعه وهي تهرول ووجها احمــرّ خجل..!
تبعها طارق وناداها بصوت عالي\لحظــه..!
وقفت خطواتها وهي معطته ظهره ومتاكده من صاحب هالصوت\شو بدك!
طارق\وقفــي..
تقدم لها..لمن اصبح قبالها..وكتف ايدينه وهي يناظر وجهها الأحمر....
==========
"لاتعليق"
مد ايده ورفع النظاره اللي انقسمت نصفين بالأرض وهو مارماابعد عينه عنها ولا لحظه ولبسها اياها بهدوء وهو يتأمل فيها بدون أي خجل وبجرئه وكأنه يتأكد انه هذه هي فريد..!!
رفعت عيونها له وطاحت النظاره للمره الثانيه وهي ترتجف امامهمثل العصفوره...ثانيه..ثانيتين..وثلاثه..وركظت بعيد عنه داخل البيت..وعلى طول لغرفتهــا..!
اما هو لازال شامخ بوقفته ويناظر مكانها اللي ملئه الهواء..رفع ايده لوجهه..ومسحه بشده وكأنه يحاول يستوعب اللي حصـل..وبع برهه اخذ النظاره اللي طاحت بالأرض ووضعها بجيبه بدون أي تفكير للي فعله....وماحس الا بشخص يضمه من ظهره..
التفت بسرعه وابتسم بشوق\لولو..
لولو\وحشتني يادب..الحمدلله على السلامه..وابتعدت عنه..متى جيت..!؟
اخذ نفس وقال\من شوي..رحت البيت وماشفت احد..دقيت على امي وتلفونه مقفل..وجيت طيران هنا..
لولو مسكت ايده ودخلت داخل معه\اكيد معزومه..تعرف حفلاتها ماتنتهي..!
مصعب\وخالتي وعمي موجودين..!
لولو\لا..خالتي راحت للجيران اظن..تعال ادخل شوي وترجع..
دخلوا مع بعض..واول ماشافوا شهد ورغد اللي من ناظروا مصعب ركضوا جري له..وسلموا عليه..
مصعب نزل لمستواهم\..هلا والله..كيفكم ياحلويين..
رغد تكلمت بنبره طفوليه لأنها اجرىءمن شهد\وينك انت!!ليش ماتجي عندنا.,.
مصعب لازال قلبه يدق بجنون وكلمة بنت خالته البسيطه حركت شي فيه وحس انه مقصر معهم\موجود..بس كنت مسافر وجبت لكم العاب كثيره..
اعتلت ابتسامه بوجه البنتين من الفرحه..ورغد ردت بحماس\والله وينهم..
مصعب لمس خدها بحنان وقال\بكره اجيكم واجيبهم معي..
ناظرت لولو اخوها وفرحت لأنها خافت تعميه الشهره وينساهم..لكن الحمدلله مصعب رجع وواضح انه ماتغير..بس كيف بتكون ردة فعل الكل برجوعه..وفرييييده..!!!تذكرت فريده وموقفها مع اخوها وابتسمت..كان الموقف جدا رائع ومخجل بنفس الوقت..كان ودها تروح لها وتقول لها انها مثلها تفاجائيت بوصول اخوها لكن كيف تترك مصعب..!
مصعب\لولو جيب لي مويه عطشان..
لولو\اوكي..
مشت للمطبخ وقابلت نعميه واحلام اللي تفاجئوا بوجود مصعب وتقدموا بسرعه يسلمون عليه..
اما هي قبل ماتدخل المطبخ دقت باب غرفة فريده\فريد..افتحي..
فريده\.......
لولو بصوت واطي\فريده والله مو قصدي افتحي..
فريده\........
لولو\ياربيه..افتحــي..
فريده\كولــــــي عســــل..
انخرعت من صوتها ووضعت ايدها على قلبها..وبتلقائيه ابتعدت عن الباب..وتركتها داخله المطبخ..وتأكدت انه فريده مااراح تخلي الموقف يعدي على خيـــر..
=============
"
|