الجزء التاسع
مره نضحك..ومره نبكي..
=============
ضايق الليله ياقلبي..
ومااظن فرحي يهــلّ
ساكني حزنّ(ن) يبكي..
وماظنّ يتحمله بشرّ
لظى برمشي يكوي..
وحرقة(ن) فوق حزني زاد
انحب باارض ماهي ارضي..
واشكـي لبشـرّ ماتهاب
اكتب باوراقي همي..
وليت اللي بخفوقي ينزاح
امشي وحيد بغربتي..
لا عزوه..ولا رفيق يسرّ
يااهل العطاء بقربكم دواووني
وعطوني لجرحكم الأليم علاج
ضايق الليله ياقلبي..
ومااظن فرحي يهــلّ
اغلقت مذكرتها بتمهـل..وابتسمت لساره اللي جلست على طاولتها وتتأمل قلمها الوردي الناعم..ثم عبست وضاقت عيونها
ساره\وانتي كل شيء وردي..!؟
رفرفت عايشه بعيونها\احبه..وش اسوي قولي لي..!؟
ساره\حبط برص..ههههه قصدي..حبتك العافيه ياقلب عمتك انتي..
عايشه عجبها الأطراء...وفتحت نهاية المذكره ..ودونت سطرين..واغلقته بعجل..!
رفعت حاجبها ساره..وماعلقت..لكنها قالت بحنان..
ساره\مستعده للأمتحان..!؟
دبّ الرعب في نفس عايشه\لاتذكريني..والله قلبي ريجف..!
ساره\ومدام قلبك يرجف..ليش ماتذاكرين..!
عايشه\حراااااااام عليك..والله اني اذاكر ومنظمه نفسي..واللحين عندي بريك نص ساعه..ومنسقه جدول لي كمان.. شوفيه..واشارت على لوحه عريضـه..فيها اكثـر من ارواق ملونه مبعثره ومثبته فيها بداببيس فضيه
ساره\اذا كذا حلو..وبسحب كلمتي..!
اومأت عايشه رأسها على القبول\اوكي..
ساد الصمت ثواني معدوده..ثم ساره بدأت بالحديث..
ساره\عواشي..
عايشه\هلا..
ساره\عندي لك خبرّ..بس مدري بيفرحك..والا بيحزنك..فعلا مدري..!
تركت عايشه القلم اللي باايدها وبفضول قالت\شوقتيني ..قولي..!؟
ساره\احمد..
عايشه عبست وجهها بتلقائيه..وساره شعرت بالتغيير اللي طرأ عليها..وبهدوء اضافت..\بيتزوج..!؟
عايشه\بيتزوج!
تفحصت ساره ملامح عايشه..وتمنت تعرف السرّ الدفين اللي بين اخوها وعايشه..
ساره\وليه تفاجأتي..!؟
مسحت عايشه على شعرها المتناثر على اكتافها باارتباك واضــح..
عايشه\مدري..مدري ماتوقعت انه يتزوج..!
ساره\حتى انا استغربت مثلك..بس بعدها فرحـت...وابتسمت بشوق...اخيرا اخوي بيودع العزوبيه..ويعقـل..!صحيح اني مااستلطف حركاته..وتقهرني تصرفاته..لكنه بيظل اخوي..!
بتردد قالت\ابوي يعرف..!
ساره\اكيد..قلت له قبلك..وفرح كثير..
وقفت ساره على ارجلها..وطبعت بوسه على خد عايشه ..
ساره\يالله ذاكري..وخلي كتاباتك على جنب..وبخلي حليمه تصلح لك عصير..!
خرجت ساره من الغرفـه..وعايشه ثابته بمقعدهـا..ظلت دقائق وكلام سارده يتردد بااذنهـا..وبدون شعور اانهمرت الدموع بعيونها..ولطخت وجهها الأبيض..
معقوله..بيتزوج! وبترتاح من الجاثوم اللي يخنقهـا..!
معقوله بيتزوج وتستمر حياته هانئه..وهي حياتها انتهت بسببه..!
وين العدلّ..وين الأنصاف!؟
الظالم يعيش..
والمظلومه تموووت..!
لكن مومهم..مو مهم امسحي دموعك ياعايشه..الجاثوم بيرحـل..
بيرحـل وبتعيشين باامان..!؟
وسرك بيظـل مدفون للأبــــد..
--------------
يوم جديد واربع اصوات..بخط واحد\
"ممكن تنكتمون وتخلوني اتكلم"
رجعت الأصوات تتداخل مره اخرى..وكل وحده تحاول يكون صوتها الأعلى وكلمتها هي فقط المسموعه..
ظلوا الـ b ربع ساعه وهم في شجار وعراك..لغاية ماارتفع صوت انثوي رقيق..
عايشه\بــس..والا والله..اني اسكر السماعه واقطع الخط عليكــم..
عم سكوت رهيب..لكن مالبث هالسكوت الا وحنان تستغل هالصرفه وتتكلم بتضجر
حنان\خلص انا خارجه..وخليكم تتناقروا لحالكن..
فريده وهي تحاول تقلد نبرة حنان وتتخيل شكلها\اكيد اللحين الهبله حنوا حاطه شعرها على جنب..وتئول شو هاد..!..ورجعت لصوتها الطبيعي اقولك حنوا..بالطقاق اللي يطقك..اطلعي..
حنان ثارت\كمــان..باي..وانقطع الصوت..
فريد\ههههههههههههههههههههاي..
لولو\وش سويتي فريد.حرام عليك..!
فريد\اقول كولي عسل انتي وياها..انا كنت متعمده تطلع..!؟
عايشه اتسعت عيونها بذهول\ليش؟؟
فريد\ياهبله انتي وياها..كيف تبونا نتكلم وهي ملاصقه معنا اربع وعشرين ساعه..!
لولو\مافهمت..طيب واذا!؟؟
ابعدت فريده السماعه من اذنها وهي حاسه بتنفجر غضب من غباء صديقاتها\شفيكــم نسيتوا انه بنشتري لها هديه..ونعمل بارتي..!؟
ضربت عايشه جبينها بااحراج\نسيت..سوري..
لولو\حتى انا وضحكت بغباء..ههههههههه
عايشه\اوكي..خلونا نتفق..على شي حلو وبنفس الوقت بسيط..لكن خلونا نتفـق على حفل التخرج ..انتوا مستوعبين انا اخر يوم امتحانات يكون حفـل!
فريده\الصراحه هي فكره مجنونه..وخصوصا لأنه تونا طالعين من امتحانات ومالنا خلق..لكن عجبتني مره..على الأقل نتخرج وبالنا مرتاح..!
لولو\احلى شي انها بالظهر..
فريد\تدرون انه الهبله سلمى..كانت معارضه الفكره..!
عايشه\ليش؟؟
فريده\على قولتها انه بالظهر بتكون فوضى ومااراح يكوت ترتيب..لكن المديره ماعطتها وجه..!
عايشه\وكيف تدرين انتي بهالمعلومات..!
فريده ابتسمت بفخر\حبيبتي مصادر موثوقه..!
لولو\بلا تكبــرّ اكيد غزيل(معلمة الفنيه) حبيبة قلبك قالت لك..!؟
فريده\ايه..في اعتراض مدام لولو!؟
لولو\لا..بس تعالوا مايمديني اروح الصالون..فتره الظهر قصيره..!
فريد\وشحقه صالون..!سوي شعرك بالبيت..!
لولو رفعت حاجبها المحفوف باتقان\شنوا شعرّ..انا هالمره بعمله كيرلي..ويمكن اصبغ احمـر..وبنظف حواجبي..وبعمل تنيظف بالكرستال..!
لوت فريده فمها بقرف\كرستال!؟؟؟
عايشه\هههههههههه كل هذا..مايمديك اكيــد..انا شعري ناعم..مو مسويه فيه شي..بس بحط لي مكياج,,
فريد ماعجبها ابدا تطرقهم لهالموضوع\وانا مو مسويه ولا حاجه..!
خرجت صرخه من حنجرة البنتين\لاااااااااااااااا
فريد ضربت ايدها بالهواء اعلان عن انزعاجها\وعمـــى..!
لولو\فريد قلبي هذا يوم تخرجنــا...!اصلا مو بكيفك..انا بجرك معي..!؟
فريد تـأففت بقرف\ايه انطري...!
عايشه\اوكيــه..خلونا نرجع لمحور حديثنــا..هديه حنوا..!
لولو\في مجموعة عطور بـ لوشن وبودره وجلّ..بنكهات متنوعه..اقدر اشتريهم من الموقع..ويوصلون خلال اسبوع من محل SEPHORA. بباريس..
عايشه\حلو..ونضيف شمــوع..وشغلات مثل كذا..
فريد\تصدقون ودي شي ثانــي..شي اكبــر من كذا..!
لولو بتريقه خفيفه\شنوا يعني..سلاسل..وجينز..
فريد\بعينك ان شاء الله..
عياشه\ههههههههه فكونا خلونا نفكر بهدوء..وعلى فكره صح كلام فريد...خلونا نضيف شي هي تحبه..شي يتعلق بتصاميمها..!
فريد\ايوه..هذا اللي بغيت اقوله..!
لولو\طيب يالله فكروا..
فريد\امممممم
عايشه\المشكله مافي شي مميز..
فريدانا اقول خلونا نشتري لها..مجموعة اقلام باارقام معينه..ولوحـه خشبيه نفس الفنانين شفتها انا مره بجرير الخبر..
لولو\حلو..طيب كل هالشغلات نحطهم بـ بوكس كبيـر..ونعبيها بااكسسوارات..واذا لقينا شي ثاني حلو نشتريه..
عايشه\كذا تمام..شرايكم بكــره نشتري الشغلات..لأني ابغى اذاكر وماافكر بالهديه..
فريده\حتى انا الصراحه..وبالمره نشتري اغراض البارتــي..!
لولو\طيب يالله خارجه سامي بيجي وانا مادخلت المطبخ..!
فريده\عشتوا..انتي تقصين على منوا ولا منوا!؟
لولو\مالك شغــل....انا اقول الطلبات لفردوس وهي تطبــخ..
عايشه\وللحين هو مايدري انها هي اللي تطبــخ..!
لولو\لا طبعــا..لأني اضيف بعض اللمسات البسيطه في الطبـق وهو ماينتبه..!يجي تعبان ويبغى ياكل أي حاجه..
فريده\انتي جالسه تلعبين بالنار..!
لولو تجاهلت كلامها\كيفه..يحمد ربه اني اشرف على اكله..!ولو وحده غيري ماافتكرت فيه..
عايهش\لولو قلبي..ترى هو زوجك..!
لولو\ واضح انه زوجـي..واضح كثير ياعايشه..
سكتوا عنها البنات..
وتمت الأتفاقيه بينهم....وبوقت العصــر كان التنفيذ بمجمع الراشد اللي كان يجمع مكتبة جرير,,ومحلات ملابس ..
دخلوا المكتبه وبالتحديد قسـم الفنيـه وادوت المكتبه.. وبدأت فريد تبحـث عن اللوحه الخشبيه.ولولو ترافقها .وبنفس اللحظه كانت عايشه تبحث عن مجموعة الأقلام لأجل يستغلون الوقت..وبسرعه التقطت مجموعة الأقلام اللي كانت مرصوصه بعلبه معدنيه..ووضعتها بالسله..وماقدرت تقاوم فضولها وولا ارجلها اللي كانت تخطي لقسم الكتب..القت نظره على فريده ولولو ولاحظتهم منهمكين في البحث عن اللوحـه..استقلت انشغالهم..ومشت بخطوات سريعه للقسم..وبدأت تقرا عنواين الكتب واحد تلو الأخر..لغايه ماتثبت نظرها على كتاب جميـل..بعنوان تعزيز تقدير الذات..قرأت اول صفحاته..وبحركه سريعه فتحت الفهرس وعحبها مضمونه..وضعته بالسله وهي تبتسم ووعدت نفسها تقرأه بعد ماتنهي ا..توجهت للبنات وحصلت اللوحه بايدهم وينادونها..
فريد\حصلتيها..!
رفعت عايشه العلبه\طبعــا..
دق تلفون عايشه..واخرجته من شنطتهـا..واثناء ماعرفت مين المتصـل..صرخت بنعومه\حنوا..!؟وش اقول لها..!
فريده\لالالا لاتردين..
عايشه\اخاف تزعل..!
لولو\عادي..قولي لها..تلفوني كان على الصامت..!
عايشه ارتبكت..وحطت تلفونها على الصامت..وراتاحت لمن انتهت المكالمه..وثواني معدوده والتلفون رن..لكن هالمره كان تلفون لولو..
لولو\ويــه..حنوا..ياربي..اللحين بتعرف انا حنا مع بعــض..
عايشه\لا مااظن.
لولو\بتقولي ليش مارديتي..ومو من زود المذاكره عشان اقول لها اني ااذاكر..انقطع الخط وارتاحوا البنات..
لولو\اوكي نحاسب اجــل..
حاسبوا البنات..وخرجوا يكملون مشترياتهم..وكانت المهمه صعبه جدا..لأنه كل وحده كان لها الذوق خاص عن الثانيــه..احتاروا في امرهم..لغاية مااستقروا على انهم يدخلون محل ملابس ويشترون لحنان فستان صيفي تذكرهم فيه كل مالبسته..
وقفوا قدام فستـان شيفون مشمشي..عجب لولو..لكن عايشه اعترضت لأنه عاري وينفع لمتزوجه..اما فريد فكانت معارضه الفكره من الأساس..وتتمنى جينز متواضع على تيتشرتاتها المجنونه الفصفوريه ..
طلعوا من المحل بعصبيه..ودخلوا ثلاث محلات والنتيجه كانت سلبيه..وحلفت فريد لو ماعجبهم المحل الجاي بتتشري على ذوقهــا..لكن ولله الحمد ا المحل من المليكان اللي يقدمه انه حلو..وبيعجبهم..
دخلوه على عجــل..وفريد تحلف وتتوعد فيهم بحراره متناسيه وجود العملاء في كل مكان..
فريد\شوفي انتي وياها..انا وراي مذاكره..ومعادلات تلوع الكبد بالكيمياء بسرعه خلصووونــي..وهذاني حلفت مااراح تطلعون من هالمحل الا وانتوا شارين منه..!؟
لولو كانت تأشر على فريد انها تخفـض صوتها لأن المحل كان خالي من الناس..وموظفينه يناظرونهم بذهول..
اقترب منهم عميــل بخطوات ثابتــه وقال بصوته الرجولي..
العميل\حابين اخدمكم بشيء..!؟
التفت عايشه وفريده لناحية الصوت..وشهقوا من هول الصدمــه..
عايشه وفريده\خــاااااالــد..!؟؟؟
قطب خالد حواجبه\عفوا!؟؟
وطت عايشه رأسها لأنها كانت متبرقعه وعيونها واضحه..اما فريده كانت متنقبه ونظراتها البياضء حاجبها عيونها..
فريده بجراه قالت وكأنها معتاده عليه\انا بنت ولد خالك بومحمد
بصعوبه قدرّ يستوعب..وماكان عنده الا ولد خال واحد
خالد\حياكم .. بلع ريقه وهو عاجر يقول كلمه ثانيــه..وهو يشوف عايشه صدت عنــه..وصارت تبحث بين الملابـس..
مسكت لولو ايد فريد..وصرخت باذنها\حمـــ...اشوفك تخونين اخوي عيني عينك..!
بتلقائيه ضربت فريده لولو بكوعها..وخالد لاحظ الحركه وابتسم لأنه عارف حركان بنت ولد خاله الصبيانه..مشى بعيد عنهم بمسافه بسيطــه وهو يحس انه يسمع ضربات قلبه اللي بدأت تخونه وتدق بجنــون..
معقوله هالصدف..!
هي وياه بمكان واحد..!قرب بعــض..
مايبعد بينهم الا سنتيمترات..!
ياكثر ماتمنـى هاللحظه..ياكثــر ماحلم فيهــا.!
معقوله حست فيه..!؟
اكيد حست فيــه..
هي نطقت بااسمه..
..قالت خالد..!خالد..خالد..!
غصبن عنه كانت عيونه تجول حولها..كان يتبع حركات ايدها البيضاء وهي تتحسس نوع القماش بنعومه..وعيونها الوسيعه تتسع اذا عجبها شيء..وتضيق اذا ماعجبها المعروض..
حاول يتدارك نفسه..وابعد نظراته عنها..لكنها تلقائيه كانت ترجع لها وهالمره عيونهم تلاقت..وبسرعه بعثرت عايشه نظراتها ومشت ناحية صديقاتها..
اعطاها خالد ظهره..وتأكد انها عرفتـه..!
"
لولو بسخريه كلمت عايشه\شرايك عواشي..زهري وساتر على قولتك ..ويليق على حنوا..!؟
اومأت عايشه راسها وهي تتأمل الأزهار الصغيـره المنتثوره عليه ..\مره حلو..بيناسبها كثيــر..
فريد\اووووووووووف ارتحنا..!امشوا نحاسب,,
حاسبوا البنات..وتراجعت عايشه خلفهم..!وهي تسمع حوار فريد وخالد..
فريد\عاد سوا لنا ديسكاونت..!
خالد\الأسعار ثابتـه..!
فريد بهمس\ياثقل دمك..!
ضحكت لولو بخفــه..والتفت فريد لعايشه وقالت بنبرتها العاليه\عواشي..تعالي وين نلقى محلات تغليف!؟اكيد انتي تعرفين هالشغلات...!
رمقتها عايشه بنظره اثناء ماحست انه ألأنظار كلها عليهــا..وخرجت من المحل..
فريد\وشفيها هذه!؟
لولو اخذت الكيس..ومسكت ايد فريده وخرجوا..
فريد\هيه انتي ترى ماني خروف تجريني!
لولو\يااختي عليك صوت مو طبيعي..قصريه..
لاحظوا عايشه واقفه قبال محلّ وترفك ايدينها بعصبيه
فريد\وشفيك بعد انتي طلعتي كأنك بسباق مارثون..!؟
لولو\ههههههههههه ولها عين تسأل..
عايشه\احرجتيني..صوتك عالي..
فريد\وشفيكـــــــم على صوووووووووووووتي!؟
حطت عايشه ايدينها على راسها\قصري صوتك....!
فريد\مالكم شغل كيفي..!
لولو\الا تعالي ..فريد ماقلتي لي مره انه لك ولد خال..!؟
فريد\وليه كان في مناسبه عشان اقولك..هو مو ولد خالي..ولد خالة ابوي..!
لولو\شلون!
فريد تكلمت وهم يمشون\ ابوي..عنده خاله كبيره اسمها ام خالد..وخالد يصير ولدها..عشان كذا انا اسميه ولد خالتي..لأنه ولد خالة ابوي..!وحنا علاقتنا معهم قويه حيييل..
لولو عقدت حواجبها\لخطبتيني.....!؟
فريد\اوووف مو لازم تعرفين..!..ووقفت فجأه وتوها تستدرك الموضوع..عواااشي..انتي تعرفين خالد..!
قربت لولو من عايشه اكثر\اي والله صحيح..سمعناك تنطقين اسمه..!
عضت عايشه على شفاتها باحراج بالغ..وردت بتوتر\هو..امم..هو ولد جيرانا..
لولو باابتسامه ماكره\اها..طيب شفيك تقولينها كذا..
اتسعت عيون عايشه..وكملت مشيها وهي تشد على شنطتها الصغيره\وكيف تبيني اقولها..!؟
ضربت فريده كف بكف بوناسه\اي والله..صدقيني خالد يناسبك..كلكم هادئين وتستحون ويمكن حتى بليلة ملكتكم ماتكلمون بعض..لاتخافين انا بتوسط لك عنده..قصدي عند خالتي..!ههههههههههههههههاي
توقفت خطوات عايشه..والتفت لها وهي تضغط على خصرها\قليلة ادب..!؟وتخطتهم بقهــر..
فريد\هههههههههههههه توني اكتشف انو عواشي تستحي..تعالي تعااااالــي..
كملوا البنات تسوقهـم..وقروروا ياجلون اغراض البارتي ليوم ثانـي.بسب ضيـق الوقت..
رجعـوا بيوتهـم..وفريد وعواشي كانت عيونهم تجول حول الكتــاب..اما لولو
فقررت تنـام وتهــرب من واقعهـا
===========
يوم بيوم..لحظه بلحظـه..وحتى الثواني كانت محسوبه على الطيـور بثقلها وترقبها وصعوبتها.
اسابيع الأمتحانات مـرت مثل رمش العينين..يوم كان ينتهـي بأبتسامه بسبب سهولة الأمتحان..ويوم ينتهي بصرخة ضجر وقهـر.. و مراراة الفراق كانت بمثابة علقم متربع بمنتصف الحلق يعكر صفوا لحظاتهم المحسوبه والتي ستنتهي بذكرى جميــله صعب انها تنعـاد.. لكن هذه عجلة الأيـام..الذكرى بحلوها ومرّها هي التي ستبقـى..
؛؛بداية المسيـره\
القلوب ترجف..والأرواح هائمــه..والخطوات تمشي مسيــره..خائفه..!لا تعلم مامصيـرهــا..!؟
الحظور يترقب الدفعه الثالثه عشر لتخريج البنات..واخيــرا..اقتربت خطواتهم ومشوا باانتظام..قبعة السوداء فوق رأسهم ووشاح التخرج يتوسط بميلان اجسامهم وشعرهم يتطاير خلفهم..ومكياجهم البسيط اخفى توترهم.. صعدوا المسـرح الخشبـي..وهم ينشدون كلمات "محمود الخضر"
وتخطت فرحة اللقيا كبرق..وسمانا اظلمت بعد التماعي..
اه لو تدري بحزني والتياعي..حين قالوا اشرقت شمس الوداعــي..
واناجي ظلمة الليل بصمتن..وعيوني اسكب الدمع فراقي
وفؤادي قد تعنا بااشتياقن..هكذا البعد اشدّ ما الاقي..
اعتلآ التصفيق الحـار..ففئه تقول الله اكبر..وفئة تصفـر..وفئة تهتف بااسم ابنتها او اختهـا..وفئات تبكـي فرحـا وهي تتأمل غاليتها تتخرج وتكبـر امام مرأى عينيها..
اما الطالبات فمشاعرهم هاضت..شعـور غريـب لأول مره يخالجهـم..
وكلمه واحد ترن بمسامعهم..
"وداعـا يامدرستي"
اخذوا الطالبات مقاعدهم...وبدأ برنامج حفل التخرج..القت المديره كلمة للخريجات..ثم كانت كلمة لأم ايضا للخريجات..وبعدها بدأ توزيع هدايا للخريجأت والمعلمات..وفقره خاصه لكل فصل..
؛
بداية النهايه\
بزاويــه ملطخة بجميع الألوان..مزينـه بكلمات الـ b....ولمساتهم ومواقفهم ومعيشتهم..
كانوا الأربعه مجتمعين ومحاوطين الحمامه التي شهدت اجمـل ايامهم..ولمسات ريشها اصابعهـم..وحتى لولو التي كانت تشمئز من ريحتها وهديل صوتها كانت تشعـر بجميع مشاعر الشجـن والفراق..فراق اليـم..موجـع لحد الألم..دامي وقتــالّ..!
انزلتها حنان من عشها..لتقترب منهم اكثــر..وضلت تتحس على ريشها بحنان..ودموعها اللؤلؤيه تتساقط بلا نهايه على ريشهــا..
كان موقفهم هو الصمت..وردة فعلهم هي الصمت..وكلماتهم هي الصمت..حيث لاتوجد اقوال ممكن تخفف من حدة الموقف..ولا هواء ممكن يثلج ارواحهم..
بكلمات متقاطعه همست حنان\انتوا متخيلين..واشرت على الحمامه..هالوش(هالوجه) الحلو..ماارح اشوفوا بعدّ اليوم..!؟
ناظرتها فريدهّ بالم وفهمت مقصدهـا..وابتسمت وهي تبكي بعد قناع القوه اللي استمدته طول هذا الأسبوع..\لا..لاا..اكيد بنشوفها..بنشوفها لأنها بقلوبنــا..صحّ عواشي..صح لولو!.
اومأت عايشه راسها وكل مافيها يرتجـف..شيء في قلبها ينـزع وجاهله هويته..رددت باارتجاف\اكيد..اكيييد..
باست فريده الحمامه\احنا لازم نفك قيدهــا..لازم تطيــر..لازم..!
عدقت لولو حواجبهــا..وانهمرت دموعها..كلام فريده صدمهـا..وكأنها توها تكتشف انه الفراق محتوم..
يعني معقوله..بسهوله..كذا..تطيــر..!ليييش!...هذا اللي كان يتردد في بال لولو..
فكوا قيدّ الحمامه..ورفعوها للهواء لأجل تطيــر.. تأملوا شكلها وهي تطيــر بأريحـه..وبحركات عشوائيه..كل وحده كانت تتأملها وبعينها نظره غريبــه..نظره تجهلها..هل هي بتطير بيوم مثلها..واذا طارت هل بتقدرّ تحلق للمعالي.هل بتوصل للأفــق اللي ارسموه مع بعـض..!؟
ومالبث الا دقايق على تحليقها وردة فعلها انها رجعت لأصلها ولمكانهــا.. تفاجئوا البنات من هالحمامه اللي عيت تطيــر بعد صارت حره..طليقه بالهواء... وفضلت ترقد بعشها.وتأثروا بحركاتها اللي ارغمتهم يسبحون اللي خالقها....وعرفوا انا الوفا لازال موجود..
فريده بملامح يائسه وقطبت حواجبها الكثيفه\الحل؟؟!؟
حنان\الحل معي..بتكون معي..! واخذت الحمامه وضمتها لصدرهــا
فريده\وين..!؟
حنان\معي..وبصعوبه نطقت..باخذها معي الأردن..وارتخت ملامحها وهي تكمل ..ابيها تسليني..بيــ..بيغايبكــن..انفجرت بكــي..وهالمره كانت شهقات مؤلمه....وانكست رأسها للأرض وهي تضمها اكثر وكأنها تخفي ضعفها وعجزها..
مااستحملت عايشه الموقف..قربت منها لمن حاوطتها وضمتهــا بقــوه..وظلوا يبكـون بصــوت مفجع وشاركوهم البكاء لولو وفريده لحظات طويله كانت ثقيله على انفسهم....
مشـوا في ساحات المدرسه وهم متمسكين ببعض..ارواحهم متقاربه..خايفه لحظة الفراق..
كانوا يبكون مدرستهم العزيزه..ويبكون كل ذكرى حلوه اندفنت هنــا..كان يبكون حنان اللي بتسافر..وحياتهم الجديده..!
نسوا الحفـل..نسوا اهاليهم والطالبات والمعلمات اللي بالقاعه.. وحاولوا يستمتعون باخر لحظه لوحدهم..
..تاملوا كل بقعه..كل جدار..كل كلمه انكتبت باياديهم..كل مكان ضمت ذكرياتهم فيه..وكل موقف حدث لهم..ناظروا العشب الأخضـر..الأزهار الورديه...والشجره الكبيـره الجذوع اللي اثارت اعجاب حنان..تلمسوا كل شيء يمـر عليهم..المقصف..الساحه..فصولهم..لوحاتهم..ممراتهم..و كأنهم خلاص يودعونه الوداع الأخيــر..والى الأبد..
دقت ساعـة انتهاء اليوم الذي لاينسى واظطروا يرجعوا لأدراجهم..وكان اول من رأوا اثناء مادخلوا القاعه اللي قام فيها الحفــل..هيا..ام فريده..فاتحه ايادينها الثنتين.. وتبتسم لبنتها وكأنها حاسه بشعورها هاللحظه..
اسرعت فريده لها..وارتمت بااحظانها وهي تبكي بحظنها الدافي\يمه لا..ماابي اروح..ليش نتخرج..!ليش تروح حنان عنا..!
مسحت هيا على راس بنتهـا..وهي تضحك لأجل تلطف حزن بنتها..
هيا\معليش يابنتي..هذه الدنيا..ان شاء الله بين كل فتره فوتره تشوفون بعــض..نستيني..مبروك ياقلبي مبروك..
وبنفس هذه اللحظات كانت حنان مرتميه بحظن امها وتبكي..وكذلك لولو. لكن الوضع كان مختف تماما..لولو هي اللي تذرف الأدمع..وامها تحاول تهدئتها ببعض من لمساتها الدافيه على ظهرها..وصعب جدا عليها انها تعطي اكثــر,,لأنها ماتعوت هالقرب والحنان اللي تشوفه ينسكب بحراره بعيون اختها هيــا..
|