الجزء الثامن
" لا "
--------------
لا..لااا..لااااااا\
تتمنى لو تقول لاّ بثقتها المعتاده..وكلمتها المسموعه.. وكبريائها الجامـح..
تتمنى لو تقول لا للحب..لا للألم..لا للحزن.. لا للجروح..والف لااااا لمصعــب..
صعبه عليها هالكلمه..!؟صعب تصد هالحب الكبير وتتجاهله..!
ليش تبين له الكره بوجهه..وبداخلها تحبه..!وتبكي على حبه الف مره..
وين القوه العظيمه اللي تتباها فيها..!
والأهم..وين الوعود اللي قطعتها على نفسهــا..!
مصعب لا يستاهل لا حب وفي .ولا دموع تهلها على بعده..
مصعب مايستاهل غير الجحود والنكران والنسيان....
لكن رغم كل هذا..هي مقهوره..مجروحه..وحزينه بلا نهايه..
متى تتخرج..وتدرس...وتحقق احلامها وتبين له انه هي افضل واحسن منه..
هي افضل من طموحه..واطهـر من ملاذاته,.
هي على ألأقل ماباعت اهلها مثل باع اهله عشان رغباته..!
هو القاطع..هو الجاحد..وهو اللي خاااان..
وبهالقناعات البسيطـه خمدت النار اللي بداخل فريده..لكن القلب لازال مجروح والله العالم متى بيتضمد..!؟
لكن صورة مصعـب..صورته وهو يغنــي بمخيلتها..وكانها لازالت تشوفه بالتلفزيون..
ماكنت تذكر وش غنى! او حتى وين صور الأغنيــه.!في ذيك اللحظه ماكنت تشوفه الا هو..هو وبــس؟؟
"فريييييييييييييييد"
فريد\........ها
حنان بلهجه قريبه من لهجة فريد\وجعاه..شو بك يابنت..من اول مادخلتي وانتي ساكته!فيك شي!..؟
فريد\..........
اتسعت عيون حنان بذهول..وناظرت عايشه اللي تشاركها الذهول والأستغراب..
وبهاللحظه تقدمت لهم لولو بوجه تكسوه الحمره والغضب..وضغطها على ايدنيها الصغيره ينبأ على حدوث شي كبير ازعجها..
جلست بقوه على الكرسي وهي تزم شفايفها الورديه لأجل تحافظ على هدوئها\الغبيه,..المتخلفه..المغروره..
عايشه\منوا..!منوا هذه!؟
لولو بصعوبه قدرت تنطقها\عاليه..عاليه
حنان\منوا عاليه..!؟
تكلمت لولو بحراراه..وعرضت لهم الحدث بتفاصيله..وطبعا بين كل كلمه كانت هناك شتيمه متحرمه منها لأجل تخمد القهر اللي يثور بداخلها..
عايشه\طيب..واذا كانت بنت عمه..!
لولو كررت الكلمه بالم\وصديقته..!صديقــته..صديقته سمعتي.!
حنان\سمعنا وعمى..ليش تعيدينها!
لولو \ياربي..
عايشه\لولو وش هالتخلف..واذا قالت لك انها صديقتــه من هم صغار..وشفيها!؟؟؟
لولو\لا..بس ليش اللحين.!انا عارفه..هي تبي تغيضني.!؟
عايشه\هذا انتي قلتيها..يعني لاتحطين عقلك بعقلها..!
لولو ضربت رجلها بالأرض\ودي ذبحتها..وشمخت وجهها..الغبيه..ماشفتيها كيف تكلمني من طرف خشمها..
عايشه\وانتي بعد ماقصرتي..مشيتي ولا كأنك تشوفينها..
لولو \تستــــاهللل ..والله خليتها مثل الحشره..كان ودي اعمل اكثر بس مسكت نفسي..
حنان\ياهبله لاتخلين افكارك الغبيه تسيطر عليك..ومثل ما قالت عواشي كانت صديقته ..واللحين انتي زوجته.ولاتخلين كلمه منها تخرب عليك هاليوم..لاتنسين انه هذه حفلتك وسامي بيجي الليله وبتكلمينه بالموضوع..
التزمت السكوت لولو بعد كلام حنان المقنــع..لكن السكوت ماكان غير ثواني
لولو\ليتني اقدرّ..والله مقدرّ
عايشه ابتسمت بحب\كل هذه غيره..اثاريك تحبينه.!؟
لولو بتلقائيه ردت\منوا..؟؟يخسي...!
عايشه ثارت بغضب\لــــولــــــــــو.!؟.....
لولو ماتعرف كيف طلعت منها هالكلمه..بس اللي تعرفه انها انقهرت من هالأستنتاج الخطيـر..
هي تحبه!.!معقوله تحبه!.؟؟
مستحيل..هي اصلا..ماتعرف تحـب..وتكره اللي يحبون ويتعذبون بالحب..!
هي ماتحبه..هي فقط..تعتبره من ممتلكاتها..والمفروض تحافظ عليه..
هي ماتنكر انها تعجب بشخصيته..لكن حــب..لايمكــن!؟
لايمكـــن!؟
حنان\والله انكم تجيبوا المللّ..انتي هبله ومابتعرفي مصلحتك..وفريد ماده البوز شبرين..ومابدها تكلم حدى..قرف يقرفكم على عيشتكم..!
لولو توها تنتبه لفريد اللي لازمه الصمت ومتكومه بالمقعد بكل راحه وماده رجلينها كعادتها وحده شرق واخرى غرب وكأنها شبه نائمه\شفيها!؟
عايشه وحنان بنفس اللحظه \مانعرف..
لولو\فريد..
فريد\........
لولو\فريد..انتي معنا..!؟
فريد\معكــم..وبنفس همساتها ووضعيتها كملت..اكيد معكم..
لولو\طيب شاركينا.!؟
طلعت آهه من فم فريد\وش تبيني اقول..كل اللي الحكي اللي انقال انا معهم فيه..ماعدا شي واحد انا معك فيه..!؟
لولو بفضول ردت\شي واحد!؟
التفت لها فريد وناظرت عيونها\لاتحبينه ..والا اقولك..لاتعرفين معنى الحب..لأنك بتندمين..مثل ماانا اللحين اعيش هالندم..
عايشه\فريد..احسك فيك شي..ليش هاللهجه في طريقة كلامك..!
فريد\مو لازم تعرفون..ابتسمت لهم ابتسامه عبيطه ماكانت بوقتها..تدرون ودي ارقــص..خلونا نرقــص..ابي اغير جو..لولو قولي لراعية الدي جي..تحط مساري.مشتهيه استهبل..ابي اضحك واصرخ..وابكي وافرغ كل طاقتي..
تفاجئوا البنات من التغيير الغريب اللي حلّ على صديقتهم..سكون بعده جنون!اي مزيج انتي يافريده!؟؟؟
فريد صرخت ولوحت باايدها\لاتناظروني كذا..قوموا يالله..!
قاموا البنات على عجل..وفريد تشجعهم يتقدمون اكثر لناحية الدي جي ولولو طلبت من صاحبة الدي جي تغير الأغنية فورا..وبدئوا البنات يتمايلون على وقع الحان الموسيقى وعيون الجميع تراقب هالرباعي العجيب اللي ياما اثار اعجاب الكل..وكل وحده منهم كانت تتمايل بحسب نفسيتها.فريده كانت اقرب للجنون بحركاتها ايدها وارجلها السريعه..وحنان عيونها الحالمه كانت اقرب للأفق..وعايشه تتحرك بخطوات هاديه وتائهه..اما لولو فكل طاقاتها فرغتها بهالحلبه وكل مواهبها اخرجتها هنا لأجل تغيض عيون عاليه اللي تجول حولها..
-----------------------
على الساعه الواحده فجرا..وبحديقة القصـر\
رفعت غطاءها المزين بنقشات ورديه دقيقه..وشدت على ايد صاحبتها بلطف..
عايشه\ما اوصيك..خليك هاديه..واظبطي اعصابك مهما كانت الأجوبه..!
عضت لولو شفايفها بتلقائيه\والله مدري عواشي..هل بقدرّ اتحكم بااعصابي او لا!؟
عايشه\انتي قدها حبيبتي..لاتخافين..!؟
جالت عيون لولو على بتلات الورد المرصوصه على طول ممر القصر بوئام واريحه\طيب..اذا صدني مثل كل مره..!؟
عايشه\ليش تتوقعين الأسوء..!وبعدين مثل ماقلت لك لاتحاكينه وهو خلاص مفتح عين ومسكر عين..اختاري الوقت المناسب ياحلوه..وابتسمت بمكر..وبعدين مااظن وهو توه ارجع من السفر بيقدرّ ينام..
لولو ابتسمت بخجل لكن قاومت هالخجل بااستهزاء\ايه..واكبر دليل انه جاي من زمان ومافكر يسأل عني.!
عايشه\يمكن انشغل بالمعازيم..ماشاء الله معارفهم كثيـره..وكلهم من الطبقه الراقيـه..!
لولو\آآآه ياعواشي..وانا وش كان مجنني غير هذا..!
فهمت عايشه جملة صديقتها\خلاص اللي راح راح..ومانبي نندم على أي شيء..المهم..حاكيني اذا استجد أي شيء..ماارح اقفل تلفوني..!يالله..سلام..وطبعت بوسه سريعه على خدها..
لولو\سلام حبيبتي..
ودعت لولو عايشه لغاية مااختفى طيفهــا..ورفعت عينها للسماء المغيمه وتبشر بقدوم الغيث..رجعت للقصـر بخطوات بطيئه وهي مكنسه رأسها جاره معها اذيال فستانها الأصفـر والتاج الذهبي اللي يتوسط شعرها كان يحكي قصة اميـره تائهه وسط معمعة حياه رماديه..
واول مادخلت القصـر..وبصالة الأستقبال خيـلّ لها صوت ظحكاته..رفعت رأسها ببطء..وماخابت توقعاتها ..
كان جالس على كنبه مزدوجه بثوبه الابيض الناصع..وغترته البيضاء ويتوسط امه وسندس اللي ماليه عليه بدلع وتضحك معاه..ومالك الصغير جالس على رجوله ويلعبه بخفه..
شعـر بوجودها ورفع عيونه لها وابتسم ابتسامه حنونه ومشتاقه..
سوزان\خيي..شو رأيك بهالقمر الليله..!حلو الأصفر..مو!؟
زادت ابتسامته وتقدم لها بعد جلس مالك على الكنبه وباسه على خده.. وهو يلاحظ خجلها وخصوصا انه العايله جميعها مجتمعه واولهم ابوه..وخواته..
لمس ايدها البارده..وسلمّ عليها..واكتفى بهالشيء..لكن عيونه كانت تفيـض مشاعر واحاسيس جياشه..
ولأنه ماقاوم اثكر فقال قريب من اذنها\..وحشتيني..
اقشعـر جسم لولو من كلمته..وحنان صوته..وبلا شعور..غمضت عيونها بخوف وشعرت انها ودها تبكي..وبنفس الوقت تضحك..
انتهت هاللحظه بصوت سندس العالي..
سندس\ياهوااااااااااا حنا بالصاله..
التفت سامي لها بقهر\اكرمينا بسكوتك لو سمحتي..!
شدّ ايد لولو وجلسوا بااقرب كنبه ولأول مره يكون هالأجتماع العائلي..اللي نادر مايحصـل..
رجعوا يكملون حديثهم..ولولو الوحيده اللي ملتزمه الصمت بينهم.... لكنها ماقدرت ماتردّ أبتسامته الحنونه اللي يقابلها بوجه الجميـع.. ولاقدرّت تنكـر اهتمام سامي الشديد بـ مالك ولد نوره اللي بسن خمس سنوات..وتعلق ألأثنين في بعـض وهو يشده لصدره ويمسح على شعره بحب..
وغصبن عنها..نزلت هالرحمه بعيونها وهي تـتامل مالك وهي اللي بيوم كانت تكره الأطفال..لكنها اكتشفت شي خطير اليوم..
اللي يحبه سامي..هي بلا شعور بتحبه..!؟
صحت من افكارها على صوت سامي\لولو..لولوووو..وينك يابنت الحلال..
التفت لولو له\وحست بنظرات الكل متجه ناحيتها..فعرفت انها سرحت ..
لولو\هلا..
سامي\الوالد يقول الليله بنام هنا..بسبب الرعد والمطر..و ش رايك!؟
بلا شعور اعتفست ملامح لولو..!كيف نست انها اليوم بتناقش سامي بالموضوع..وبتسأله عن بنت عمه المغروره!.؟
ام عبدالله\انا اقول..باتوا الليله هنا..وانت ياسامي تعبان واكيد تبي ترتاح..!
سامي\يسلم لي هالقلب يايمـه..تعبان حدي..ومانمت غير ساعتين..!
حست بالكآبه الشديده..يعني معقوله الموضوع برضوا بيتأجل!
أي حظ هي فيه..!؟
كيف بتصبر ليوم ثاني..بتجن لو ماتناقشت معه الليله..!؟
لولو بقل حيله ردت\خلاص سامي..ننام هنا..!
وجهه كلامه لنوره وهو يطبع بوسه عميقه لرأس مالك\ولدك شكله نام بحظني..بدون مايحس..
نوره نادت ميريم تطلع مالك لغرفته..
سامي\طيب تعالي انتي شيليه..!متى بتتحملين مسؤلية ولدك.!
نوره بضيق اردفت\اوووه ..مافيني..ظهري بينكسر..!وهو كل ماله ويزيد وزنه..
ام عبدالله\بتحسدين ولدك يابنت.!
سامي\الله يهديك بس..وضع سامي مالك على الكنبه..وهمّ بالوقوف..ومسك ايدّ لولو
سامي\يالله تصبحون على خير..وبنفس الشيء لولو تمتمت بصوت هاديء تصبحون على خير..
الجميع ردّ\وانتوا من اهله.!
\
تلمست اطراف مفـرش السرير السكري المحدد بلون الذهب وهي تشكل خطوط وهميه تدلّ على توترها الفاضـح..فصخ غترته ورتبها وفتح اول زرين من ثوبه..وتقدمّ لها وجلس بقربها وكعادته مسك ايدها وحاوطها بااصابيعه..
سامي\كل اللي طلبيتيه جبته لك..وفي خاتم الماس لو تشوفينه بتبرق عيونك فرح..!
ابعدت ايده بجفاء واتجهت للتسريحه وارخت التاج اللي محاوط رأسها ووضعته على الطاوله بهدوء..
لمس سامي كتوفها البارده من الخلف وبنبره رحيمه عقب\اميرتي ضايقـه..!
ناظرت انعكاس صورته وهي تحس انه هذا الوقت المناسب..
حاولت تجمع كلمه وتشكل جمله..لكن ماتدري ليه كل شي حولها يقيدها..ولسانها انلجم..
لولو\سامي..
سامي باابتسامه حنونه\عيون سامي..
لولو وبعقل فارغ قالت\ماعندي لبس نوم..ومقدر انام بالفستان..!؟
سامي\ولايهمك..ابتعد عنها وفتح الدولاب..وهي تمنت لو تعطي لنفسها كف قوي من شدة غبائها..
فرصه ثمينه وانتهت بسببها..وماتدري هل بتكون في افضل من هالفرصه او لا..
استجمعت قوتها والتفت له..ولاحظته يفتش بين الرفوف الممتئله بالملابس لمن حصل له على بدله حريره سكرية اللون..
قابلها وبوجهه ابتسامه طفوليه وهو يحك مقدمة رأسه\يعني اكيد هي بتكون وسعيه عليك..لكن تمشي الحال..!؟وبنطلون البيجامه يستحسن تفسيطينه..!
مدّ لها البيجامه وهي بتلقائيه وضعتها على جسمها ولاحظت طول البنطلون الغير الطبيعي..والبلوزه اللي توصل لتحت اردافها..
سامي\البسي البلوزه بس..
حست بالدم يضخ بخلاياها..وبلا شعورّ احمرّ وجهها واذنيها..
اول مره سامي يكون جريء..!
وهذه خطوه بتكون من صالحها..!
دخلت دورة المياه بخطوات مرتبكه..وغسلت وجهها..ولاحظت فرشاة اسنانه..وهي بالعاده لازم تفرش قبل النوم..فكرت انها تستعملها لكن كل مافكرت انها مو فرشاتها تحس بالأشمئزاز والتقيأ..لكن هذا سامي..!
سامي اللي علمها الجمال في بساطة الشيء..!
امتدت ايدها للفراشه..وبسرعه ابعدتها وهي معقده حواجبها..مو مهم..ان شاء الله تضل اسبوع بدون ماتفرش..مااراح تموت..!
لبست البيجامه بدون البنطول بغرفة التبديل وناظرت نفسها بالمرايه اللي تحاوط معظم الغرفه..
معقوله بتقدرّ تطلع له وهي بهالشكل..!
وليش لا,,,!كذا مره حاولت تستقل جمالها..لكن للأسف ماتوصلت لنتيجه مرضيه..
طلعت من الغرفه وهي تجرّ خطواتها..وتحثّ نفسها على الجرءاه..
حست بنظراته حوله..لكنها ماقدرتّ ترفع عيونه لها..وكلي اللي قدرت عليه انها تجلس بااقرب اريكـه وتنزلّ البلوزه لحد نهاية ارجلها لأجل تخفي سيقانها البيضاء..
جلس مقابلها..ووضع ايده على خده وطال تأمله فيها..وبكل جراءه وبدون تحفظ,,وكأنها ملّ من هالوضع اللي عايشه ..
وبعده برهه تحدث بنبره هاديه وجميله\حلوه عليك..ولابقه لك اكثر منـي..!
رفعت عيونها له ولاحظت عيونه النعسانه وتأكدت انه يقاوم لأجلها\شكرا....
سامي\بكره عندي كذا ورقه اوقعها..وبنطلع انا وياك لليل..لغاية ماتتعبين وتنامين..!
لولو فرحت لأنها لها فتره ماطلعت معاه لوحدهم وهي بالفعل محتاجه هالطلعه \بنشوف اللي بينام..انا والا انت!...سامي..
وقبل مايردّ عليها رمت عليه القنبله بدون مقدمات تذكر...منوا عاليه!؟؟؟
-------
بأول الصباح البارد..ووشوارعه الرطبه\
ضبطت قهوتها كما تحب وارتشفتها بتلذذ..ووضعتها على الطاوله..فتحت نافذة غرفتها وهبّ الهواء وتخلل خياشيمها اللي تتنفس براحه..
شعرت انه هالصباح غيـر..هادي..وجميـل..والأهم من ذلك انها سعيده نفسيا وجسديا..
ومعنوياتها مرتفعه بشده..وكلها فضـول لتكملة كتاب الدكتور طارق السويدان..ونست..او يمكن تناست انها تصبح على الشات اللي كان من اول اساسيات يومها..!
تقدمت لمكتبها الصغيره والمتواضعه واللي بلون البيج الباهت..وفتحت لغاية اخر صفحه قرأتها..وجلست الكرسي وبدأت تقرأ التكمله بااهتمام وحرص شديد..
"الهيكل المعزوم"تورد بعض المصادر ان سليمان عليه السلام هو النبي الذي بنى الهيكل الذي يزعم اليهود الى وجود الى هذا اليوم..والصحيح الوارد في المصادر الأسلاميه ان النبي سليمان كان قد جدد المسجد الٌصى ولم يبني هيكلا وانا جاءت كلة هيكل من كتب يني اسرائيل المحرفه..والتي تعتمد لا على دليل ولاسنه ولكي نوضح قضية الهيكلز.لابد ان نوضح بعض النقاط ومنها..1\قام ببناء الهيكل المعوم جنود وبنائيون الذين عرفوا بااسم الماسون أي البناؤون ومن هنا اتت كلمة ماسونيه..وهي حركه يهوديه خطيره تهذف الى بسط نفوذهم ..ولهم طقوس وشعائر عجيبه..وهي حركه معاديه للأسلم..
2\وصف بناء الهيكل اقرب للخيال في الكتب اليهوديه وفي مبالغه كبيره مثلا جعلوه قصرا كاملا من الذهب ..وامامه الذمبح المغشى ايضا بالذهب..
3\اليوم اليهود يبحثون عن الهيكل وجاء في متبهم وكثير من الروايات والأخبار ان هذا الهكيل هدم واخرق بالكامل ولم يبق منه حجر..
---------------
انا بالليل حائره..وبالنهار رجعت اكثر حيره\
ضلت ساعتين وهي مستلقيه على البانيو وصوت الموسيقى الأيرلنديه تسمعه بانصات وهدوء..لعل روحها ترتاح وتستقر نفسيـا..
تذكرت احداث امـس وصدود سامي الغريب عن الردّ..وتصغيره للموضوع وكأنه لا يعنيه اذا كانت عاليه بنت عمه او لا..!
هوصحيح وضح لها انه علاقته فيها كانت قويـه وماتتعدى الأخوه والصداقه..لكن ردوده مااقنعتها ابدا.و اظطرت تنهي الموضوع ومو عاليه اللي بتعكر صفو حياتها..
واظطرت ايضا تأجل الموضوع الأهم لأنها تذكرت نصايح عايشه لها ..واصرت ترجع بيتها الصبـح...وفعلا رجعوا وهي ماذاقت النوم دقيقه..كانت تسمع انفاسه الثابته وهو نائم بااسترخاء وهي بقربه جالسه على جمـر وقهر..وماقدرت غير انها تهمس بقلبها ..ليه..!؟ليه ياسامي.!وش اللي ناقصني عشان تصدني.!؟لهدرجه انا مااعجبك,,!اي غمـوض انت تعيشـه!؟
طلعت من البانيوا بصعوبه ولبست ملابسهـا برمودا جنيز وتيشرت اسود..وكل تفكيرها منحصر بنقطـه وحده..!
مافكرت تحط مكياج..!..تـاملت نفسها بالمرايه اكثـر,,وفكرت وش اللي ماانجذب له سامي.!؟
حست انها عاديه واقل من عاديه..!
كرهت نفسهــا..وكرهت شكلها..!
اعرفت من هاللحظه انه الجمـال شيءتافه كانت تتباها فيه..
تجمعت الدموع بعيونها..ووصلت لدرجة الأحباط والكآبه..!؟
سامي اعطاها كل شـيء..وخذلها بأهم شيْ..
سمعت صوت نغمة تلفونها..مسحت دموعها ومشت بخطوات مهزومه.. فتحت الرساله على عجـل..وقرأت المكتوب..
"اميرتي ..تأجلت الطلعه..انا عارف انك زعلانه..لكن عندي شغل متراكم ومظطر انهيه..يمكن اتأخر لليل"
رمت تلفونها على ارض السيراميك..وزادها هالخبر كآبه..!
-----------
تساقطت اوراق التقويم واتى يوم الثلاثاء\
اسبوعين فقط ويبدأ العد التنازلي..والطيور لا نعلم مامصيرها..هل ستحلق الى الأفق..ام ترجع لأعشائها..!
*
المدرسه تعجّ بالطالبات والضيــوف الذين حظروا اليوم المفتوح..الأقسام مرتبه بشكل مرتب ومنظم..ولمسات الطالبات واضحه بكل جهه..وكل قسم مميز وفريد عن باقي الأقسام..هناك طاولات مبعثره بجميع ألأتجاهات ..وامامها مطعم متواضع لبيع المأكولات السريعه وبعضها كان من عمل المعلمات..
و باخر الساحه هناك خيمه شعبيه مزينه بفوانيس ملونه واقمشه من صوف ووبر الحيوانات..وبوسطها اربع طالبات متبعرين لنقش الحناء .. اما بقية الأقسام فمتنوعه بين بيع اشرطة اناشيد وكتب منوعه وادوات للذكرى..وكوشك ايس كريم وذره...وباامام الساحه كان هناك مسـرح خشبي معد من قبل الطالبات يعرض فيه فعاليات اليوم المفتوح من اناشيد ومسابقات ومسرحيات ..
اما الـ B....فكان قسمهم بنفس مكانهم المعتاد.. خرافـي لدرجة الجنون ويدل على ذوقهم الرفيع في انتقاء الوان الجدار الذي خلفهم ..استعملوا خامتين من الشيفون..اصفر فاقع..وفوشيا..وثبتوهم بطريقه عشوائيه..وتجذب الأنظار..وكتبوا بوسطها ال b بخط كحلي وعريـض..وعمموا لبسهم اللي كان تيشرت ابيض بوسطه حرف الـ b
اما عمل هذه الخانه فكان الرسم على التيشرتات البيضاء برسم حنان الفنانه..
و الرسم على الوجه بلمسات لولو الأنيقه..
والأكسسوارت المجنونه من حلق وسلاسل حديده طويله وخواتم كبيره الحجم اشرفت عليها فريد ..اما عايشه فكانت تكتبت بالحبر السائل على الأكسسوارت بعبارات محببه للبنات مثل
(friendship, for ever…love birds… ) او حتى اسمـائهم..
كانت الخامات جدا بسطيه وغير مكلفه وتقتصر على نفس لونين شعارهم..اصفر فاقع وفوشيا..
فريد بنبره غاضبه\شوفي عاد..انا عطيتك وجه بزياده..مو كل مره بتجين وتغيرين الخاتم..استقري على واحد لأفقع عيونك..!
طاحت الفرشاه من ايد لولو وهي ترسم عيون البنت بااتقان..والتفت لحنان اللي اطلقت ظحكه عاليه..
البنت اللي صرخت عليها فريد..انسحبت بهدوء بعد ماحست بالأحراج البالغ اللي انحطت فيه..
جلست فريد على الكرسي الخشبي وهي تردد\مشكله البزارين وقسم بالله..اولى ثانوي وجايه تتحاجج..صج ماينعطون وجه..!
ابتسمت عايشه على جنب وهي تضع لمساتها الأخيره بتعليقة سلاسل على شكل قلب\وانتي خليتي فيها وجه..البنت طارت..!؟
ظحكوا الأربعه بخبال..والبنت اللي كانت ترسم بوجهها لولو خافت من عصبية فريد..وظلت طول الوقت موطيه رأسها للأرض لمن انهت رسمتها..ومشت بخطوات سريعه..وكأنه حرامي بينقظ عليها..
حنان بتوسل\والله يافريد..لو ظليتي كمان على هالمنوال لا تشوفي الزحمه اللي بخانتنا بتنفرّ مناّ..!ّ
فريد مااكترثت لتوسلاتها\كولي عسل زين..!؟
حنان\فديت هالعيون..باكل علشانها عســل..
فريد ماقدرت تمنع نفسها من الأبتسامه..وهي تسمع جنون حنان..
مضـوا الb في شغلهم وهم مستمتعين بااشغالهم البسيطه اللي تقبلوها البنات وحازت على اعجابهم..
كانوا يشتغلون بسعاده مفرطه واستمتاع لا نهايه له..كانوا يعرفون انه هاللحظات محسوبه ومستحيل تتكرر..وبتظل راسخـه بقلوبهم الصغيره.. بالرغم من عصبية فريده على البنات..وحالمية حنان وهي تشخبط على التيشرتات بتصميمات بسطيه وكلها انوثه..وفرحة لولو وهي ترسم بوجوه البنات وكانها تمكيـج بثقه وهي متأكده انه لمساتها بتعجب الكل..وسعادة عايشه وهي تخلق بعـض العبارات للبنات وتشوف الأنبساط بعيونهم والرضا..
تمنتوا هاليـوم ماينتهـي وهالنهـار الربيعي يضـل بنسيمه واعتداله..
نسوا احزانهم..ومشاغل حياتهم..ورموها خلفهـم..بالرغم انهم عارفين انه اسبوعين فقط ويخرجون من هالمدرسه اللي عاشوا فيها اجمل لحظات حياتهم..اسبوعين فقط يبتدأون فيه اول طموحاتهم..واحلامهم اللي رسموهـا مع بعـض وتمنوها ايضا مع بعض..
وبأخر اليـوم..كانت جميـع الأغراض مشتريه..والمبلغ اللي حصلوه هائل وغير متوقـع..جمعته عايشه واعطته معلمة الفنيه اللي كانت المشرفه على البرنامج وطبعا جميع الأموال بتكـون دخـل لمبنى اليتامى بالدمام..
رجعت عايشه لصديقاتهـا..ولاحظت اختفائهم المفاجىء..التفت يمين ويسـار..والنتيجه واحده....
مشت خطوتين وحست بشـيء بشـيء بارد اعلى رأسها..وهالشيء وصل لجميع ملابسها..
التفت بسـرعه وغمضـت عيونها من الألوان اللي دخلت عيونها وتطبعت بجميع ملابسهـا ..
ارتجفـت واقشعر جسمها..وصـرخت بااعلى صوتهــا.."لاااااااااااااااااااا"
ركظت لصديقاتها بقهـر اللي ماكانوا افضـل منها وهي ناويه نيه شينه عليهـم..تعبت وهي تصـرخ وتتوعد وتسخط..كل وحده منهم كانت اسرع من الثانيه..حتى لولو كانت بالنسبه لـ عايشه ارنب بري..
شعـرت انه مافي فايده من الركـض ..رجعت لمكانهم واخذت رمل ملون كانت تستعمله حنان في تزيين التيشرت..ومسكت بايدها اليسار ترتر ..ورجعت لهم واول ماشافت فريد اللي كانت تنظف نظاراتها من الألوان وماانتبهت لها..استغلت وقفتها..ومشت بسرعه لها..ورمت عليها كميه كبيره من الرمل والترتر وهي تضحك بجنون..
فريد صرخت لأنها بصعوبه قدرت تنظف نظارتها..ركظت لها وبسهوله قدرت تاخذ الرمل والترتر ورشته عليهـا..ورمت الباقي على لولو وحنان باانتصــار كبيــر..
فريد\تستاهلون ياحمــيـــــ..
بكت لولو بضيق وهي تجلس بالأرض\حرام عليكم..مويه والون ورضينــا..لكن رمــل..لااااااا ياربي..!اههه
طاحت عايشه على الأرض مثلها وهي تتنفس بقــوه ورمت نفسها على ظهر لولو..وبالمثل حنان واخرهم فريد اللي طاحت عليهم بقـوه ودفاشه متعمده ارغمت الكل يبكــي من الألم..وهي ضحكت بجنــون..\وقسم بالله هطف..!
عايشه\هطف بعينك كسرتي ظهري.!
فريد\ههههههههههههه تستاهلون..!؟
رمقت حنان لولو بنظره عرفتها وعايشه بنباهه فهمت تخطيطهم..!
وبحركه سريعه وغير متوقعه انقضو الثلاثه على بطن فريد لمن حست انه معدتها بتنفجـر من اصبعهم اللي يحاولون يضحكونها..
فريد\بنااااااااااااااات ههههههههههههههههههوالله خلاصههههههههههه توبه توبــــــــــــــه ههههههههههههههه تكفونههههههههههههه تركووووووووووووووني يادببببببببببببب ابعدوااااااااااااا..
"بـــــــسسسسسسسسس"
التفتوا اربع ازواج من العيون لمصدر..واثناء ما اكتشفوا هوية الشخـص ..عرفوا انه النهار الجميل انتهى..
-----------------
|