منتديات قصايد ليل - عرض مشاركة واحدة - رواية مخ عربجي للكاتبة غرامها ساحر كااملة

11-02-2016

البــارت الـ 16
مًنَ اُلًذَكٍاَءِ اًنَ تْكًوَنِ غًبَيٍاً فًيِ بَعْضٌ اُلًمٍوًاَقِفَ!! الجزء الأول

اليوم الثاني
إستراحة أبو تركي
************************
في الصاله ( الجدهـ ... أم فيصل ... أم تركي ... أم محمد )
كان يسولفون
دخلت عليهم
تــــــــــــــــــولـــــــــ ــين
تولين بإبتسامه : صباح الخير
الكل : صبااح النور
راحت وسلمت على الجده بعدها على الكل
أم فيصل إبتسمت لها بحب وهي تأشر لها تجي وتجلس جنبها
تولين إبتسمت وراحت لعندها وجلست جنبها
أم فيصل بإبتسامه : فطرتي
تولين : لا أنتظر البنات يصحون و نفطر مع بعض
أم فيصل إبتسمت : طيب شرايك تروحين و تصحين فيصل
تولين بخجل : لا
ضحكت أم فيصل لانها كانت تمزح معها و تبغا تشوف ردت فعلها
****************************** ******************** *********************
على الظهر
بدء الكل يصحا
***********************
البنات كلهم في الصاله مع الحريم
الحريم يسولفون
والبنات جالسين بآآخر الصاله يفطرون
غزل و سفانه و البندري
جالسين يفطرون وينكتون
غزل إنفجرت ضحك قالت وهي حاطه يدها على بطنها ومسنده ظهرها على الكنبه : بنو تكفى خلاص
سفانه وهي ميته ضحك : وحده ثااانيه الله يخليك
البندري تتذكر بعدها ضحكت وقالت : طيب إسمعي هذي يقولك في عربجيه قاعده جنب زوجها تاكل كيك
قام يبي يدلعها قالها لما الكيك ياكل كيك إحنا شناكل ؟؟ " بضحكه " قالت له تاكل تبن
ضحكوا البنات على النكته
واستمرت الصرقعه عندهم
عند تاره والهنوف
تاره ضحكت : قولي قسسم
الهنوف بإحراج : والله وياهي فشله مدري شكل الولد يقول وش ذي البنت كل شوي ناطه بحلقي
تاره ضحكت من قلب : ياحليلك صراحه مواقف هبله
الهنوف ضربتها على كتفها : هييييييييي الحين أشتكيلك أبغاك تخففين عني تقومين تزوديها
ضحكت تاره : والله انا أقول الصدق صراحه فشله بالنسبه لك لو أنا مكانك وصارتلي ذي المواقف مع " تبغا تتذكر إسمه " الا هو وشسمه
الهنوف بغيض : محمد الزفت
ضحكت تاره : محمد كان ضحكت على اللي صار وطنشت الموضوع بس أنتي من النوع الرقيق يعني الله يعينك على نفسك
ضحكت الهنوف
و إستمر الحديث
ريموه جالسه لوحدها بعيده عن البنات وسااكته على غير المعتاد
عند " سلافه و تولين و رموو و النوري "
سلافه بهمس : تولين وش فيها ريمووه ساكته
تولين هزت كتوفها يعني مدري
سلافه وهي رافعه حاجب : أشك إن في الموضوع إنه
ضحكت تولين على شكل سلافه : أمآآآ
سلافه : ايه هي بالعاده ياكثر هرجها شكل أحد صاكها بعين خخخخخخخخخخخخ
تولين وهي تطالع ريموه : إيه والله غريبه
رموو : بنات خلونا نلعب
النوري : ايه تكفى طفشنا
تولين بضحكه : تبون تلعبون روحوا قول لتاره وهي راح تدبرلكم لعبه من اللي يحبها قلبكم
النوري وقفت وراحت لعند تاروه
النوري واقفه قدام تاره وهي متخصره
تاره طالعتها وقالت بضحكه : وش عندها الرقيقه هيفا وهبي
النوري ضحكت : نبغا نلعب طفشنا من الجلسه
تاره بإستغراب : زين روحي إلعبي مين اللي ماسكك
النوري : لا نبغا نلعب معكم أي شي
تاره : اها إي والله طفش
****************************** ******************** ******************
عند الشباب
أبو تركي قالهم اللي يبغا يعزم أحد من أصحابه يعزمهم
لان الرجال اليوم طالعين عشانهم معزومين
المهم
فارس قرر يعزم محمد
و تركي إتصل على صديقه وقاله يجي
و بندر و نواف عزموا 2من أصحابهم
****************************** ******************** *********************
على المغرب
الرجال راحوا
والشباب جالسين بالمجلس
والبنات قرروا يلعبون كوره
كلهم راحوا ماعدا ريموه
اللي تولين راحت لعندها وقالت لها تجي تلعب معهم بس ريموه قالت ماتبغا
تولين ماحبت تضغط عليها وراحت مع البنات
****************************** ******************** ***
تقسموا البنات لفريقين
والحكم هي تولين
الفريق الأول
فريق تاره مكون من النوري و الهنوف و البندري << الهنوف الحارس
و الفريق الثاني
فريق سفانه مكون من رموو و غزل و سلافه << رموو الحاارس
بدءت اللعبه
و تولين واقفه بعيد عشاان ماتصقع فيها الكوره
تاره كانت تلعب بدفااااشه هي وسفانه
اللي مابقى أحد في الملعب ماسدحوه وكفخوه
الكوره كانت مع تاره اللي منطلقه كأنها دبابه حربيه
كانت تركض بسرعه و سلافه كانت واقفه قدامها جات بتبعد بس تاره من السرعه دعستها ودزتها على الأرض
وسفانه جات تفزع لأختها ومسكت تاره من شعرها وسدحتها على الأرض وفصخت الصندل حقها و جلست تكفخ تاره < أبوك يالنعومه خخخخخخخخخخ
و الهنوف ركضت بعيد لمن شافت البندري المهستره ومع الحماس ماتدري ان الهنوف بفريقها وجات تبغا تسجل قول بس النوري جات تشرحلها ان هذا المرما حق فريقهم وهي معهم يعني كيف تسجل على فريقهم
بس البندري ما اعطتها فرصه تشرح لها وشاتت الكوره بكل قوتها على وجه تولين << حوله البنت
تولين طاحت على الأر ض من قوة الضربه بس محد عطاها وجه وكملوا لعب
اللي تحول لمصارعه بين البنات
قامت تولين بعد فتره
وركضت ورا البندري عشان تاخذ حقها
ملخص اللي يصير في المباراه :
× تاره و سفانه الى الآن يتكافخون
× تولين تلاحق البندري وسلافه راحت تفزع لتولين
× الهنوف تركض بعيد عنهم لايجيها شي منهم
×رموو و النوري واقفين ويتهاوشون على الكوره
× غزل واقفه وتطالعهم بصدمه حتى ماعطوها مجال تلعب على طوول بدءوا يتكافخون
****************************** ******************** *********************** نبعد عن الجو الحمااسي شوي
××××××××××××

××××××××××××
وقف سيارته عند الباب ودق على فارس
قاله فارس يدخل
نزل من السياره
وهو كاشخ بالثوب والشماغ
وماشي بثقه عااااليه
فتح له الحارس الباب
دخل بإبتسامه وهو يسمع صرااخ البنات
قطب حواجبه من الصراخ اللي يسمعه
و دار بنظره على الإستراحه الكبيره
ما عرف وين يروح قرر إنه ينتظر فارس يجي عنده
وقف ينتظر
والصراخ الى الآآن مستمر
إستغرب لمن بدء الصوت يقرب لعنده
جا يبغا يلتفت يمين ما أمداه يلتفت الا و وحده صاااقعه فيه بكل قوه وطاح على الأرض وهو مفتح عيونه على الآآخر
الهنوف طالعته وشهقت بقووووووووووه
قامت بسرعه
من فوقه وركضت على الملعب وهي تدعي بقلبها عليه ليش هو اللي دايم تصير معه ذي المواقف
وقف لمن سمع صوت فارس
عدل الشماغ اللي عفست أبوه من قوة الطيحه
فارس بإبتسااامه : مابغيت تجي
مارد عليه لانه كان سرحااااااااااااااااااااااااااا ن
فارس بصراااخ : حمووود وجع أكلمك " شافه مطنش " مـــحمد
محمد إلتفت عليه وقال بفهاوه : هاه
فارس بسخريه : اللي ماخذ عقلك
ضحك محمد و راح سلم على فاارس وراح معه للمجلس
×××××××××××××××××××××××××××××× ×××××××
عند الهنوف راحت ركض للبنات وشافتهم جالسين كل وحده بعيده عن الثانيه و متكتفين و مبوزين
راحت عند تاره وسحبتها
الهنوف بهمس و وجهها لونه أحمر : شفته ياربي انا كل مرره تصير لي ذي المواقف الشينه معه لييش
تاره قطبت حواجبها : مين
الهنوف بقهر : مين غيره محمدووه
ضحكت تاره : شفتيه مرره ثاانيه
الهنوف جلست على الكرسي اللي قبال المسبح وتاره جلست جنبها
وبدء الهنوف تحكي تاره على الموقف اللي صار
×××××××××××××××××××××××××××××× ×××××××××××××
البندري كانت راجعه للفيلا
شافت بدر طالع من المجلس
تنهدت بنرفزه
طوول عمرها وهي تعتبره إنسان مستفز
كل حركه وكل كلمه يقولها تستفزها
بدر بضحكه : السلام لله
البندري بدون نفس : السلام عليكم
رد بدر السلام
على طلعت
ريموووه من الفيلا وهي مبوزه
البندري بصرااخ : ريموووه
ريموه إلتفتت عليها وقالت ببرود : نعم
البندري قطبت حواجبها وقالت بصوت واطي : أعوذ بالله وش فيها أختك اليوم أخلاقها قافله
بدر إستغرب : ريموه وش فيك
ريموه تخصرت وقالت بنرفزه : أبد سلامتك مافيني شي مبسوووطه لأبعد درجه
البندري : خيررر وش فيك انتي اليوم
ريموه بقهر : لا والله تسون نفسك موب عارفين
بدر : انتي وش فيك
ريموه بضيقه : اليوم عيد ميلادي ولا أحد متذكره
بدر ضحك : وهذا اللي ذابحك " إبتسم " كل سنه وانتي بألف خير إرتحتي الحين
البندري بعبط : ريمووه كم صار عمرك الحين
ريموه إبتسمت : 19 فديتني
البندري قالت وهي تتصنع الصدمه و كاتمه ضحكتها : عـ...مــرك صـار 19 وانتي للحين عـ...ـا .. عآ..نـــس
بدر ضحك
ريموه بنرفزه : وانتي وش عليك عانس ولا لا
ضحكت البندري
بدر بتريقه : يالعانس قصدي ريمووه وش فيك معصبه هي ماقالت شي غلط " طالع البندري " صح حبي
البندري بغيض : حبك برص إنشاءالله
ضحك بدر وهو قال كيذا عشان ينرفزها
ريموووه إنقهرت منهم إن محد عبرها وجالسين يتمصخرون عليها
راحت وسفهتهم
و بدر واقف
وهو جالس ياخذ تهزيئه من البندري
لمن راحت الفيلا
وبعدها
راح هو وطلع من الأستراحه عشان يجيب أغراض موصيته عليها أمه
×××××××××××××××××××××××××××××× ××××××××
عند تاره والهنوف
بعد ماقالت لها السالفه
جلست تاره تتمصخر على الهنوف
لمن شافوا ياسر اللي جالس على الكرسي اللي عند الجلسات اللي برا
تاره : هي هنيف قومي نروح عند أخوك
الهنوف طالعتها : وش الطاااري
تاره : انتي قومي معي بعدها نتفاهم
الهنوف راحت مع تاره لعند ياسر وهي مستغربه وش عندها تاره
الهنوف وتاره بنفس الوقت : السلام عليكم
ياسر ميز صوت الهنوف و الصوت الثاني ما كان غريب عليه
رد السلام وهو مقط حواجبه يبغا يعرف مين مع تاره
جلست الهنوف جنبه
تاره بميااانه : كيفك
ياسر بإستغراب : بخير
الهنوف ضحكت : يسووور هذي تاره
ياسر بشبه إبتسامه و إستغراب : أها كيفك ؟؟
تاره وهي على بالها تمون على الأخ : بخير الله يسلمك
الهنوف طالعت تاره بضحكه
تاره تختصر الموضوع ودخلت بالسالفه على طوول وهي تقول بتردد : الا وشــسمـ..ــه كنت جايه عشان أقولك أنا آآسـ .. آآآ " الكلمه موب راضيه تطلع قالت وهي حاطه يدها على عيونها كأن الكلمه غلط " آنا آآسفه على الكف
ضحكت الهنوف لمن عرفت سبب إصرار تاره على إنها تروح معها عند ياسر
ياسر إبتسم وجا بيتكلم
سمعوا صوت
قال بعصبيه : تااااااره
تاره إلتفتت على الصوت بإستغراب : خير
الهنوف : مين هذا
تاره وهي تركز : مدري
الهنوف : زين روحي شوفي مين اللي يناديك
تاره راحت وهي تشوفه يتقدم لها بعصبيه
تاره إبتسمت : يووه هذا انت اللي تنادي على بالي تروووك
قال بعصبيه : وش عندك جالسه مع الرجااال
تاره بإستغراب : خيررر وانت وش عليك سيد فهد
فهد وهو يصر على أسنانه : ممكن تقولين وش اللي مجلسك معاه
تاره بنرفزه وإسلوب مستفز : لمن تكون ولي أمري ذيك الساعه قلت لك " وجات تروح "
فهد سحبها من يدها بقووه وقال بقل صبر : وش عندك مع ياسر
تاره بعدت يدها بقووه وقالت بإختصااار : رحت أعتذر منه عندك مااانع يا ولد خالي
فهد قطب حواجبه : تعتذرين منه ليش
تاره قالت له السالفه بإختصااار بسبب الميااانه اللي بينهم
فهد بقهر : بس مايصير تكلمينه كيذا هو موب محرم لك
تاره وهي رافعه حاجب قالت بإسلوب يقهر : إذا هو موب حلال علي أكلمه حتى انت بعد " وراحت "
فهد كان معصب منها بقووه
ومن حركاتها الطفوووليه
طوول عمرها بتظل طفله
وحركاتها عمرها ماراح تغيرها
×××××××××××××××××××××××××××××× ×××××××××××
ريموه كانت تمشي
وهي متضااايقه ليش محد معطيها وجه وقالها كل عام وانتي بخير
كانت تمشي رايحه للملعب
شافت واحد عند المسبح ومعطيها ظهره
ويكلم جوووال
ركزت نفس وقفت بدر
ضحكت بشرااانيه وهي ناويه تنتقم منه على إسلوبه في التعامل معها اليوم
راحت بسررررعه وهدوء عشاان مايحس فيها
وبحركه سريعه دزته بقوه ودفاااشه على المسبح
ريموه بفرح : أحسسسسسسسسسسسسسسسسسسسسسسسسسسسس سن عشااان ثاني مرره ماتتمصخر علي
طلع من المويه وهو يشهق بقوووه لمن دخلت المويه بفمه
ريموه صعقت لمن شافته فاااارس
ريموه بتلعثم : سـ..ــوري عــ..لى با..لـ.ـي بـ..در
فارس إنقهر منها وكان بيهاوشها
بس هي ماعطته فرصه لمن لاحظت انها بدون عبااايه حطت رجلها على الفيلا
فارس لمن ركز نظره عليها ماعرفها
بس قال في نفسه ~ والله مافي غيرها أكيد ريمووه محد عنده ذي الدفااااشه بالتعامل غيرها ~ < خخخخخخخخخخخ حتى هو عارف هالشيء
طلع فارس من المسبح وهو يدعي على ريموه لمن شااف جواله مو راضي يشتغل
و راح يبدل ملابسه
×××××××××××××××××××××××××××××× ××××××××
غزول كانت رايحه للفيلا
بعد المباراه اللي ما إستفادت منها أي شي
شافت سليمان
عدلت اللثمه و صارت تمشي بخطوات سريعه عشاان ماتبغاه يشوفها
بس هو شافها وكان أسرع منها
سليمان بإبتساامه حلوه : كيفك غزل
غزل بلعت ريقها " يالليل وش أقوله ذا النشبه " : بخير انت كيفك
سليمان بضيقه : متى ناويه يعني تعدلين إسلوبك معي
غزل سكتت وهي تحاول ماترد عليه
سليمان وقف قدامها طالعها بصمت بعدها قال بهيام و بدون مقدمات : أحـــــــــــبـــــــــك
غزل حست بإحراج ومشاااعر غريبه من زمااان وهي تنتظره يقولها أحبك
ايه للحين تحبه بس هي مجروحه منه ومن معاملته لها سابقاً
عمره ماحسسها بحبه لها
غزل طالعته ~ وانا أحبك والله أحبك بس أبغا وقت إفهمها ~
سليمان طالعها بضيقه : انتي للحين تحبيني تكفى جاااوبي
طالعته بعتااااب شلون يسألها هالسؤال إذا ماتحبه ليش وافقت عليه
تنهدت وراحت بسرعه لمن سمعت أصوات البنات
وهو وقف يطالعها بصمت مل من صدها عنه
لازم يشوف حل معها
ومن معاملتها له
×××××××××××××××××××××××××××××× ××××××××××××××
ع الساعه 8 ونص
كانوا البنات كلهم بالصاله ومع أم محمد و ام تركي
ويسولوفون و يتقهوون و مندمجين بالضحك والسوااالف
الا وتجيهم
جــــــــنى
جنى بكل برائه : في نار في الصاله
محد عبرها
تاره تاخذها على قد عقلها : طيب طيب روحي العبي مع البزران روحي يالله
وجنى جالسه تناظرهم
تولين قالت : طيب يلاااا وين النار
جنى ببرائه قالت لها : شوفي هذي النار
ويوم جات تولين وانها تشوف شي بسيط مرة في الكنب وقالت الحين انفخها

وراح تنطفي النار ويوم قربت من الكنب وانه من تحت كله نار
تولين راحت ركض لعند البنات : تعالوا بسرعه حريقه
نقزوا كلهم ويركضون بسرعه وان ولله من جد نار ومن الخرعه والخوف

محد عارف وش يسوي تارووه دخلت المطبخ وتخم القدر وتعبي نصه مويه وركض للصاله وتكب المويه على النار
وان مافي فايده
وجات الشغاله البطه ماشاء الله عليها مسكت الكنب فوووووووق وقلبته واخذت اقرب صندل( اكرمكم الله) وهاتك خبط في النار
والبندري المسكينه جالسه تفحط في الصاله مو عارفه وش تسوي >> ماتنلام خايفه
وتاره راحت مرة ثانيه وتعبي القدر
وام محمد تركض وشعرها طااااير
والحريم كل وحده رافعه القميص من الحماس والخوف << مدري من الحماس والا خايفين على قمصانهم من النار

وبعد جهداً جهيد قاموا بتطفيه النار
ونظفوا المكان
وتاره جالسه تناظر الكنب : ياخسارة والله
وحتى المفرشه اللي جنب الكنبه ماسلمت خخخخخخخخ

وبعد هالتعب والعمل الشاق
جا سعود وقال: نبغى ولاعه عشان بنولع طراطيع >>> مستعجلين على العيـــد خخخخخخخخخخخخخخ

قالوا البنات بصوت واحد : لا ولاعه والا هم يحزنون الحين شابين في الكنب وتبغون ولاعه عشان الطراطيع
ريموه سألت البندري اللي كانت تفحط من الخوف : كيف ولعت النار في الكنب ؟؟

البندري : انا شفت البزران تحت الكنب واسمعهم يتكلمون بهدوء>> شفتوا النصب كيف
و كل واحد يقول لثاني ايوة ايوة ولع ولع
عطني كان ماتعرف انا اولع
لالا حطها من هنا احسن بقوة اضغط على الولاعه

البندري بغيض : ماحسبت انهم من جدهم يتكلمون حسبتهم يلعبون
وبعد ماشافوا النار راحوا يناقزون وراحوا لأمهاتهم

ضحكت ريمووه : صدق عليهم نصب

بعد اللي صار رجعوا البنات وجلسوا
وكملوا سواليفهم
×××××××××××××××××××××××××××××× ××××××××××
تولين كانت جالسه وتسولف مع البنات
رن جوالها بنغة " ياااحبي له " << محمد الزيلعي
ياحّبي له ولا غيره وفا لقلبي .. ياحّبي له
عيوني له ولو يآمر على روحي .. البي له
وفاه لقلبي ما انساه .. هذي الدنيا ماتسواه
ولاغيره يعوضني .. من يقدر يطول خطاه
وشهو اغلا من الوفا .. في زمن برد وجفا
واجتمع شوق وغلا .. قلبي لحبك صفا
انت عيني لا بكت .. وانت روحي لا ضحكت
انت كلي يا هوى .. انت شمسي اللي شرقت
سلافه طالعت تولين : يعني ما ودك تردين
تولين إلتفتت عليها وقالت بإستغراب : هذا جوالي
سلافه بسخريه : لا جوال أمي إيه جواالك
تولين إستغربت الرنه لانها ماتتذكر إنها حطت هالأغنيه رنه لأي أحد
أخذت الجوال اللي كان على الطاوله اللي جنبها
و إستغربت بقوه الأسم " الــبرنس "
تولين بهمس : وشوا برنسه ذا
رن الجوال مرره ثانيه
ترددت إنها ترد خصوصا انها ماعرفت مين المتصل وماتذكر إنها قد سجلت بجوالها هالإسم ولا قد حطت هالنغمه لأحد
رن الجوال لثالث مرره
قررت إنها ترد
تولين بنعومتها : الووو
إبتسم : كااان ما رديتي
تولين بإستغراب : مين ؟؟
بإستغراب : ماعرفتيني
تولين بإستغراب بعدت الجوال عنها بعدها رجعت وقالت بعصبيه : ممكن تقول مين انت
قال بإستغراب : وش فيك معصبه انا فيصل
تولين عضت شفتها السفليه بقووه من الموقف
فيصل إبتسم : تولين وين رحتي
تولين وهي مغمضه عيونها : معك
فيصل بإبتساامه : كيفك
تولين بلعت ريقها : بخير انت كيفك
فيصل تنهد : بخير بسماااع صوتك
تولين إبتسمت وسكتت
فيصل سكت
ماعنده أي موضوع بس داااق كيذا فضاااوه
تولين صارت تطالع البنات وحمدت ريها انهم مشغووولين بالهروووج ومحد منتبه لها
فيصل عرف انه مافي أمل ترد عليه : مشغوووله
تولين بضحكه لمن عرفت انه متنرفز من صمتها : لا
فيصل بضيقه : أجل ليش ساكته " صرخ " تروووك وش تبي تراك أزعجتني
تركي جنب فيصل قال بدلاخه : مين تكلم تغااازل هاه والله لا أعلم عليك
فيصل بنرفزه : وش أغازل صدق ماعندك سالفه
تركي بإبتسامه : أجل مين تكلم
فيصل إبتسم : وانت وش عليك
تركي بحركه سريعه سحب الجوال من يد فيصل وهو أصلا عارف انها تولين بس يبغا يتستهبل شوي : الووو
تولين بضحكه : ياااهلا والله
تركي فاااتح السبيكر
فيصل بقهر : أيه تررروك "و يقلدها " ياااهلااا والله وانا إذا دقيت خير مين
ضحكت تولين من قلب
تركي بضحكه : أقووول خلاص تراك طفشت أختي شكلك 24 سااعه داق عليها
فيصل سحب الجوال وقال بسرعه : شوي و أدق عليك باااي
تولين إبتسمت : باااي
وقفل
تركي رفع ثوبه و إنطلق برااا المجلس
فيصل جلس مكانه مافيه حيل يلاحق ترروك
! الرجال رجعوا من العزيمه مرره بدري ...
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛
تولين وهي متخصره : مين الحقيره اللي لاعبه بجوااالي
تاره بإبتسامه هبله : ليش وش سوت
تولين طالعتها بشك : انتي والله مافي غيرك اللي يسوي ذي الحركات
سلافه ضحكت : حرراااام ظلمتيها هذي سفااانوه
تولين بققت عيونها : سفاانه
سفاانه بعبط : خير
تولين بنرفزه : انتي اللي كاتبه على أسم فصووول البرنس ومغيره النغمه
البنات إنفجروا ضحك
وسفااانه وقفت وركضت وهي تقول إيييييييييييه انا
تولين بغيض لحقتها
وصاروا يدورون بالصاله ورا بعض
وبحركه سريعه من تاره حطت رجلها
وطاحت سفاانه
و تولين فوقها لانها كانت وراها على طوول
وبعدها جلست تولين تهاوشها
وسفاانه تضحك << يا برودها
****************************** ******************** **
رموو و النوري كانوا يلعبون برا
شافوا بندر و نوااف
النوري : نووووواف
نواف إلتفت عليها و قال بدون نفس : خير
رموو بدلاخه : تلعبون كووره
بندر : لا
النوري تخصرت : ليش
نواف بدون نفس : قلنا مانبغا نلعب غصب يعني
رموو و النوري بنفس الوقت كشوا عليهم : مالت
وراحوا
بندر : ياااخي ذول متى ناوين يغطون
نواف ضحك : وش ذا الموضوع
بندر بصدق : شوف إذا جو الشباب < يقصد أصحابه
وشاافوهم كيذا بالله وش راح تسوي
نواف بتفكر : والله كلامك صح بس كيف نقولهم
بندر : انت إترك الموضوع علي انا
وراحوا مجالس الرجال
وشافوا أبو محمد جالس
وراحوا وقالوله على الموضوع
و أبو محمد قال أنه مايقدر يقول للنوري لوحدها لازم يكون معها أحد ثااني
قال انه بيكلمها هي ورموو
وقرر أبو محمد يصير الحاكم على رموو و النوري
****************************** ******************** *******
البنات بالصاله
وطفشانين
قرروا يكلمون واحد من الشباب يطلعهم يتمشون شوي
لمن كلمت الهنوف فارس قال ان عنده محمد ومايقدر
ورائد رجع البيت عشاان عنده شغل بكرا
و البندري كلمت سليمان و قالها انه طالع مع بدر
دقت ريمووه على فهد وهاوشها قالها مافي طلعه ذا الوقت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
تاره بقهر : فهيدان وش يحس فيه خير وش مافي طلعه
ريمووه : هو قالي كيذا
تاره وهي تتحجب : تعالي معي أن مالعنت خيره ما أكون تاروه
ريمووه ضحكت : يلا
وطلعوا
كان فهد جالس في الجلسات اللي على المسبح ومعطيهم ظهره
راحوا لعنده
تاره بقهر : هيي انت الحين أمووت و أعرف ليش تقول مافي طلعه
فهد رما السجااره اللي بيده على الأرض و دعس عليها
تاره بصدمه : رجعت تدخن
ريمووه : يووه مغبره من زمااان يدخن توك تدرين
فهد بإبتسامه : خير وش عندكم
ريمووه بضحكه : نرجع للموضوع تاروه تقول انت بأي حق تمنعنا من الطلـ
تاره تقاطعها بدلاخه : ليش رجعت تدخن
فهد بضحكه جا بيرد عليها بس تذكر موقف اليوم
لمن شافها تتكلم مع ياسر
حس بقهر وقال بنفس الأسلوب اللي كلمته فيه وهو رافع حاجب : لمن تكونين وليت أمري ذيك الساعه قلت لك
تاره إنقهرت طالعته بحده وراحت
وريموه واقفه وهي مستغربه رد فهد
عمرها ماسمعته يكلم تاره بهالطريقه
حتى لمن تجلس تهاوشه يضحك ويستهبل معها
عمره ماعصب منها
حست ان صاير بينهم شي بس ماحبت تدخل نفسها بالموضوع
ولمن شافت نظرات فهد لها
خافت ولحقت تاره
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛
بعد سااعه
عند الهنوف و تاره و سفاانه
تاره بتفكير : مافي غير تركي
الهنوف : لاما أتوقع تركي يطلعنا
سفاانه بفكره : أخوك مايمشي غير بالفلوس خلاص كل وحده تقط و نكتب له رسااله وانا متأكده انه راح يطلعنا
تاره صحكت : ايه والله انك صادقه
راحت سفاانه
وقالت للبنات اللي تبغا تطلع تقط فلوس الكل إستغرب
وكلهم دفعوا لها
اللي أعطتها 20 واللي أعطتها 15
المهم في النهايه طلع المجموع 250
تاره وهي تعد الفلوس : يحمد ربه والله راعي التكسي يااخذ أقل من كيذا
ضحكت سفانه : صاادقه
حطوا الفلوس بالظرف وكتبوا عليه
وعطوه النوري وقالوا لها توديه لتركي
كانوا واقفين بالحوش
تاره بضحكه : بنات شرايكم نسوي سبااااق من هنا لمن الملعب
سفانه و الهنوف : اوووكي
تاره وهي تستعد : يلا 1..2..3
و إنطلقوا المهبل
تاره أول وحده
و وراها سفاانه اللي تركض بحمااس
والهنوف وراها
وكلهم كانوا متقدمين على الهنوف
الهنوف كانت بتطيح من العتبه اللي عند الدرج بس يده كانت أسرع
إلتفتت تبغا تشوف مين اللي مسكها إنصدمت لمن شاااافت
زيــــــــــــــاد
زياد على طوول بعد عنها وهو يعطيها ظهره
الهنووف " لاصدق إني ما أستحي كل يوم بوجه واحد لآآحوول "
وعلى طوول ركضت للفيلا
زياد كان راجع وشافهم يركضون شاف الهنوف بس ماعرفها
ولمن شافها بتطيح على طول مسكها
سمع صوت من وراها
رواية ...(((مخ عربجي)))...رواية هبل واستهبال..
: زيوووود وينك يااامغبر
ضحك وهو يلتفت على تاره : آآما انا اللي مغبر ولا إنتي
تاره سلمت عليه
زيااد : وش قاعده تسوين
تاره بضحكه : كنت ألعب سبااق مع سفاانه والهنوف
وسفاانه الحين مصااابه لاني كفختها الغشاااشه تخيل كانت ناويه تدزني عشااان تفوز بس انا كنت عارفه خطتها ودزيتها قبل والهنوف إختفت كالعاده مدري وين طست
زياااد ~ يعني هي الهنووف ~
تاره : هييي انت وين رحت
زيااد بسرحاان : هاه معك
تاره : واااضح طيب انا بروح الحين وانت إذا شفت سفاانوه وسألتك عني قولها مدري وينها طيب
زيااد بتريقه : حاااضر عمتي
تاره ضحكت وركضت لمن سمعت صوت سفاانه
سفاانه وهي تركض شااافت زيااد
سفاانه وهي تاخذ نفس من الركض : شـ..فـ..ــت الحـ..ــقـ..ــيره تاااروه
زيااد بنذاله : دخلت الفيلا
سفاانه ركضت على الفيلا
وزيااد ضحك عليهم
وراح للمجلس

النوري راحت
عند المجلس ودقت الباب
فتح لها تركي
و عطته الظرف
تركي إستغرب الظرف اللي مكتوب عليه
" هذا المبلغ للسائق اللي راح يطلعنا ندور بالسياره شوي "
ضحك تركي وهو متأكد ان مافي غير تاروه ورا هالحركه
ودق عليها وقالها يجهزون
تجهزوا البنات
ولمن دخلوا السياره
تركي عطا تاره الظرف
تركي بضحكه وتريقه : هذي المرره مجاناً بس المره الجاايه بفلووس
تاره بضحكه : فديتـــك
وجلسوا يدورون بالسياره شوي لانهم طفشوا من جو الإستراحه
****************************** *****
اليوم الثاااني
الكل كان يجهز أغراضه لانهم اليوم بيرجعون بيوتهم
سلافه و البندري راحوا عند الرجال
وكان بس موجود تركي و زيااد
سلموا على زيااد وجلسوا
زيااد : غريبه وش عندكم جاايين
البندري : تااروه تقول حددتوا وين بنساافر
تركي بإبتسامه : بنروح الشرقيه
سلافه بحماااس موب صااحي : كذااااب
تركي ضحك على حماااسها
وهي إستحت وسكتت
البندري : صدق ولا مثل كل مرره تكذبون علينا
زياد ضحك وقال : خلاص ذي المرره صدق بنروح الشرقيه نحضر الزواج وبعدها بنروح جده
البندري بإبتسامه : والله لو تاروه عرفت ان في السالفه جده مدري وش بتسوي
سلافه : زواااج مين اللي بنحضره
زياد بإبتسامه : صديق ابوي الله يرحمه عازمنا كلنا على زواج ولده قلنا نروح نجلس بالشرقيه
إسبوع بعدها نروح جده بس هاه لاتقولون لتاروه خلوها مفاجئه
البندري وسلافه : اووكي
وطلعوا
كانت تاروه و ريموه و سفاانه جالسن في الحوش
البندري بصراااخ : بنروح جده
تاره نقزت من مكانها : قولي والله تكفى لاتنصبين علي الا هذا الشي ترااا بعدين أمووت
سلافه بضحكه : وش قاللك زيااد
البندري مطنشه سلاافه : تااروه وربي زيوود قالنا
تاره بحماااس : شغلولي أي أغنيه فيني رقص ودي أردح شوي يالبى جده أخيرا مابغينا نروح
ضحكوا البنات
****************************** *****************
على المغرب الكل كان في بيته
بيت أبو محمد

ريموه توها صااحيه من النوم
أول مارجعوا حطت راااسها وناامت وتوها تقوم
بدلت وصلت
و كانت طالعه من غرفتها سمعت صراخ شدتها كلمة " انـــتي طآآآآآآآآآآآآآآلق " شهقت بقوو وهي تلتفت على غرفة أمها و أبوها
وقفت وهي تطالع الغرفه بصدمه كبيرره
رجعت غرفتها وجلست على السرير
وهي مصدومه من اللي سمعته
ماتدري كم مر من الوقت على جلستها
اللي صحاها من سرحاانها
صوت الشغاله وهي تقول : ريمووه بابا يقول تعال يتغدا
ريموه سفهتها
والشغاله بس تدق على الباب
طفشت ريموه وقررت تنزل
وهي ماتدري وش راح يصير إذا شافت أبوها
جلست على طاولة الطعام الكبيره
في مكانها المعتاااد
بدر كان نازل من الدرج
شافها جالسه لوحدها راح وجلس جنبها في مكانه
بدر إستغرب صمتها قال بإستغراب : ريمووه وش فيك
ريمووه إنفجرت صياااح
بدر بقق عيونه وهو يطالعها بصدمه : ريمووه وش فيك
ريمووه جلست تصيح وحطت راسها على كتفه وماردت عليه
هو حظنها
وهو مايدري وش فيها
شوي الا ينزل أبو محمد مع أم محمد وهم يضحكون
بعدها طالعوا ريموه بإستغراب
ابو محمد بخووف : ريمووه قلبي وش فيك
ريموه رفعت راسها وطالعت أبوها قالت وهي تشاااهق : موب أنت " شهقت من بين صيااحها " طلقتها ليش تضحكون الحين
ضحك أبو محمد لمن عرف أنها سمعته
راح وجلس جنبها وهو يقولها
إنه كان يقول لأمه على سالفة واحد معاه بالشركه طلق زوجته وهو معصب
وريمووه إستمرت بالصيااح
وبدر لمن فهم السالفه جلس يضحك على ردت فعل ريموه المتأخره

**************************

______________________________ __________

تتابعون في البارت الــ 17 من رواية " مخ عربجي"
مًنَ اُلًذَكٍاَءِ اًنَ تْكًوَنِ غًبَيٍاً فًيِ بَعْضٌ اُلًمٍوًاَقِفَ!! الجزء الثاني و الأخير

......قالت بهبل وهي تغني و ترقص : ردو لي قلبي ياهل الشرقيه .....

..............قالت بحماااس : أخيرااا وصلنا جده مابغينا خخخخخ .....

...........قالت بخووف : بكرا عملية ياااسر الله يعين ...

..........قال بعصبية : ضفي وجهك وبراااا......

........حطت يدها على أذانيها وهي تصرخ : خلاااااااااص , خلااااااااص , يكفيييييي.................

مع تحياااتي غرامها ساحر