السلام عليكم ورحمة الله وبركاته
يسعد صباحكم ويسعد مساكم
في كل عام الكل يترقب للمواسم التي فيها الارزاق
مثل رمضان والحج وكنت في مواسم الحج انزل بحافله واطلب الله فيها من خيره ورزقه الذي جعله حول بيته الحرام
ولكن المفاجئه التي حصلت هذي السنه انهم ترصدو للباصات الي غير مصرح لها وشددو في ذالك
وقطعو ارزاقنا السنه هذي ولانقول الاحسبنا الله ونعم الوكيل
وتعبت في استخراج سيارتي من الحجز الابعد غرامه وقدراها خمسه الاف ريال
وفي ذاك قلت هذي الابيات عسى ان تنال اعجابكم
يالله على بابك يافتاح الابواب
شفنا العجب في حج سبعه وثلاثين
قمنا نعد الرزق بين الملاين
واثر الفقارى سوقهم بو ريالين
يالله على بابك يافتاح الابواب
ياما تحريناك يا موسم الخير
يارب ترزقنا كما ترزق الطير
لانقبل الباطل ولا ندهن السير
يالله على بابك يافتاح الابواب
زادت هموم القلب والراس شيب
وادري الطعنات واقول طيب
واقول باذن الله رزقي قريب
يالله على بابك يافتاح الابواب
كنت ارقب النجمه مابين الكواكب
في حافله خمسه وعشرين راكب
حجز العدل دمر جميع المواكب
يالله على بابك يافتاح الابواب
علومنا زادت كبر ع الوساطه
وانهار عزم القلب واقفا نشاطه
واللي كمانا ما معاهم وساطه
يالله على بابك يافتاح الابواب
سعيت نتوسط بناسً مطاليق
قلناعلى ايديهم عسى يفرج الضيق
شكواي انا لله رب المخاليق
يالله على بابك يافتاح الابواب
بعد الوساطه والتعب والغرامه
طلعت لي ياموتري بالسلامه
وتفداك خمس الاف ماشي ندامه
يالله على بابك يافتاح الابواب
القول صح ماضاقت الا وتفرج
يسرلي المولى من الضيق مخرج
وانا لساني بدعاء سار يلهج
يالله على بابك يافتاح الابواب
يالله على بابك يافتاح الابواب
بقلم البرنس