النَفس طابت // والمسافر تولَم :

للخطوة اللي بين : ( كسرة وضمَة )


كسر : المجامل في خفوق(ن) تألمَ

وضمَ : المشاعر تحت حكم المهمَة !!

ما عاد فيها صمت كود التكلَم

يبري خفا اللي ثوَر الوقت دمَه

الله على الايام كيف المعلَم ؟!!

جاته من التلميذ ربشة وخمَة

تلميذه اللي في حضوره تبلَم

واليا رجع للبيت يشكيه لامَه


بالزَور والبهتان لامَه تظلَم

فالفصل : ( مدح ) .. وداخل البيت : ( ذمَة ) !!

هذا سوات الجاهل اللي تحلَم

بانَه حكيم القوم سيد الائمة

مهبول // والمهبول تبلش إذا لَم

تسفه هروجه .. حيثها دون يمَة

الطيب قمَة شاهقة دون سلَم

واللي بلا جنحان من دون همَة

اللي من الاحقاد للجو ظلَم

من خسَته يغتاب خاله وعمَه !!

واختامها المعبود صلى وسلم

على نبيٍ للهدا دلَ الامَة




منقول....