دخيلك ما أبي تبدي السنه هذي جروح جداد ،
قديم الصبر .. يا معنى معاي وغيبتك ضدي !


سنه حلوة .. إذا شفتك قريب وخلق الله أبعاد :
معاك أضيع في عز الكلام أقول : من قدي ؟


خبر عنّك يدمّرني يشتت كل ( حروف الضاد ) !
حسافه ، كنت بكتب لك لقيت الوقت مايمدي


تبي تسافر ؟ تخليني على شانك ، أحب بلاد .. .
فمان اللـه إذا ودّك [ تسافر ] بس ما ودي :


يموت النوم فـ ( غيابك ) ويخلق للسهر ميلاد ،
أنا وشلون أغمضها عيوني ؟ وإنت مو عندي !


حبيبي طفلي الأكبر بكوا من غيبتك { أولاد } ،
يبونك تشعل شموع السنه و أتضايق بـ ردي .


يسارك جرح لكن في يمينك لي دوا وضماد ،
غيابك يومي الأسود وشوفك حلمي الوردي !


تخيّل كثر ما ( أحبك ) شعور الشوق فيني زاد :
شعلت النار من شوقي ولاحسّيت في بردي !!


أنا مو قصدي يابختك لأنك زرت كل بلاد ..
يابخت بلاد زارتها عيونك هذا هو قصدي ،


تطيح دموع ماترجع وأبي ترجع لي يالله عاد ..
حزين اليوم أطالع [ صورتك ] وإيدي على خدي !




جديد أحمد الصآنع

هجرت بعض أحبتي طوعاً
لأنني رأيت قلوبهم تهوى فراقي ..
نعم أشتاق ..
ولكن وضعت كرامتي فوق إشتياقي ..
أرغب في وصلهم دوماً ولكن .. طريق الذل لا تهواه ساقي