ماطاب جرح اللي هوى بنت الاجناب
لوحبته يظهر من الناس حجْير

هذا بلى الحب وبلى ابوك ياعقاب
وكان المحبة ذنب فالبعد تكفير

في ساعتن ماكنت حاسب لها حساب
ماكنت أحسبن الذي صار بيصير

تدري وش اللي يكسر قلوب الاحباب؟؟
حكم القدر لاقال لفراقهم خير

صدمة وجتني والزمن كشر أنياب
والوقت تكشيره ماهو باي تكشير

ياقلب لا تشرهـ على كل من غاب
من راح من كيفهـ يجي دون تبرير

جاني من اللي كنت أحسبنهم اصحاب
شي ٍ عجزت القى له وضقت تفسير

والخاطر المكسور ياعاذلي طاب
والوقت ماقصر محى كل تأثير

والمخطي اللي من كثر ماخطى صاب
يشفع له انه لاوقف وقفته غير

واللي يعيش بديرته عيشة أغراب
يقطع على شان المعزه مشاوير



وسلامتكم !

للشاعر / فلاح المورقي