وش حيلتي
لا عجز فيني الظنين
وصارت الفرحه ونين
لا .. عبرني الشوق
منفي
يستجدى عبارات الحنين
وجا يبارك لك
عسى الفرح
يزها بك سنين


يا السنين العابثه فيا .. قهر
من غياب البسمه جيتك
ارتكي باطياف بيتك
تشربك عيني سهر
يغافل البعد ويمر
في درب ليتك


ليت ما يسكن معك
غير انا .. نبضي .. ودفاك
ليت ما يسكن معي
غير انا .. وحرفك .. هواك
ليت .. ما بيني وبينك
إلا انت
ليت ما بينك وبيني
بس أنت


بس هذا البعد طاهر .. في عطاه
منهو سافر .. ما تغير
فيه إلا أقصى سماه
ومن عشق طيفك
ونبضاتك
وصيفك
جا وراح الحزن .. سيّر
فيه حتى أقصى مداه

يا مداه .. وش يكون ان
تهت في لحظه عذاب
وصارت الدنيا ضباب
يخذل عيوني
يعري ظنوني
ويسلبني .. سراب


ياسراب الروح .. الله واكبر
والورق .. يأذن بي موت
ويحمل اشلائي ويفوت
موت
موت
الله واكبر


الله واكبر .. والفجر لحظه دفا
ابصباح الحب
يا نبض الوفا


لملمني ذنب
واغفرلي الصعب


صعب انا احيا بدونك
والاكيد اني اخونك
كل ما قلبي نبض برى شجونك


يا شجونك .. مره وحده بعثريني
احظنيني
اسكني قلبي
وعيني
واسمحي لي
ارسم شفاهك على خد الخطيه
واسكن احداقك ..عساها تتعيش ليّه
واهمس
يا صباح الحب
يا ميلاد قلب
يستجدي عبارات الحنين
جا يبارك لك
عسى الفرح يزها بك سنين


الشـــاعـــرة
حنان الأنصاري