مقادير ميني كرواصون مقلية 2كيسان كبار دقيق او تقريبا ما يعادل 300الى 350غ دقيق بيضة رشة ملح معلقة كبيرة سنيدة معلقة خميرة الخبز 3ملاعق زبدة قشرة محكوكة د نصف برتقالة و ممكن تعوضوه بقشرة نصف حامضة حليب من ربع لنصف كاس حسب الدقيق طريقة تحضير ميني كرواصون مقلية كنعملوا الخميرة مع رشة سكر و ملعقتين حليب دافي في كاس و نخليوها ربع ساعة تخمر و تطلع نخلطوا باقي المقادير الناشفة و نزيدو البيضة و الخميرة بعد ما خمرات و الزبدة من بعد ما دوبناها و نخلطو مزيان و نزيدوا الحليب دافيء شوية شوية حتى نحصلوا على عجينة لينة و نعجنوها مزيان و نخليوها تخمر ساعة نطلقوها من بعد ساعة شوية و نشكلوها مستطيل نقسموه على 3 و كل جزء نسرحوه بالمدلك مستطيل طويل و نشكلو منه مثلثات بحجم صغير نعملوا شوية شكلاط و نلويوها على شكل كرواسون غيكون حجمها صغير بحجم صباع يديكم نخليوها نصف ساعة تخمر مرة اخرى و نقليوها قدموها مع صلصة الشكلاط منين طيب يتضاعف حجمها