يطري على بالي من الناس وافين
يطري على بالي من الناس وافين
راحوا ولكن حبهم في العظاما
يطري على بالي من الناس وافين
راحوا ولكن حبهم في العظاما
كانوا بهالدنيا مع الناس ماشين
وأخلاقهم تـوزن ذهـب واحتراما
مانيب ناسيهم لو الناس ناسين
فـي البال دايم ذكرهم بالدواما
يالله عساهم بين ورد و رياحين
وجنات خلدن عاليات المقاما
عسى القبور اللي خذت ناس غالين
تهطل عليها من السحايب غماما
ادعوا لهم يااهل الدعاء والمصلين
دعوة محبن مابـها من ملاما
يارب هم كانوا عن الشر ناهين
وكانوا بشهر الخير معنـا صياما
يارب وإجعلهم من اصحاب علين
واسكنهم الفردوس يوم الزحاما