بالناس مذموم ٍ وبالناس محبوب

ياللي تدوّر بالرجال العذاريب
كلن خلقه الله به اعيوب وذنوب



مايكتمل شخص ٍ بطبع ومواجيب
تشوف يامدوّر مع الخلق عذروب




ودام السلوم انواع واشكال ياذيب
خلك على سنة نبيك لك اسلوب



ودام البشر تنسى فليه العواقيب
الله جعل للمذنب ابواب وايتوب



مير الطبوع اصناف وفيها التعاجيب
بالناس مذموم ٍ وبالناس محبوب



وكلن يدور له من اجناسه اصحيب
بالطبع والعادات والدين مطلوب



سبحان من يعلم لغات المكاتيب
ومنطوق هالعالم من افراد وشعوب



واستغفر الله بايع الشر بالطيب
واستغفره من كل شي ٍ ومكتوب



وياللي تدور بالرجال العذاريب
كلن خلقه الله به اعيوب وذنوب

مشكوره قلبي ضوى الليل على تصميم مميز ربي يسعدك يارب