منتديات قصايد ليل - عرض مشاركة واحدة

07-11-2016

لولا وجودك انت عزي لحالي

لولا ظلام الليل مابين الصبح
ولولا المواقف ماتبان الرجالي

ولولا الغرق محد تعلم على السبح
ولولا الفرج خاويت سود الليالي

ولولا الخساره تنعدم قيمة الربح
ولولا وجودك انت عزي لحالي

غلاك ذابحني وانا قابل الذبح
لو منت غالي كان مارخصت غالي

لاتلتفت للهرج يامبعد الشبح
هرج القفا طبع الردي لاتبالي

الكلب حول البيت يكثر من النبح
والذيب يعوي بالرجوم الطوالي

وانا معك من غيبة الشمس للصبح
والصبح روح وخل طيفك قبالي